小米最新推出咗 Xiaomi 手環 10，喺香港正式開賣！呢款手環集合咗時尚設計、專業健身功能同智能連接，有午夜黑、冰川銀、玫瑰粉三個顏色選擇，建議零售價 HK$299；仲有一款高貴嘅 珍珠白陶瓷版，售價 HK$399。四色同埋配件將會即日起於全線小米之家、小米官網 mi.com 同各大零售商同步開賣，不知大家又有沒有興趣呢？
靚仔螢幕設計，戴得更型更舒服
講到外形，Xiaomi 手環 10 採用咗 1.72 吋 AMOLED 屏幕，配上 2mm 對稱邊框，屏佔比高達 73%，解像度有 326 PPI，仲有 60Hz 刷新率同 1500 nits 亮度，無論陽光下定室內，畫面都夠晒清晰同順暢。仲有防潮觸控功能，濕手用都無問題！特別一提，陶瓷版珍珠白配合 10 款多功能配件（包括有四種戴法的珍珠鏈吊墜）真係加分不少，提升唔少設計感。健康功能強大
Xiaomi 手環 10 有超過 150 種運動模式，包括 6 種自動偵測活動，仲有進階數據好似最大攝氧量（VO₂ max）、負重訓練同恢復時間，幫你更有系統咁訓練。升級版游泳模式有即時心率監測，配合 9 軸運動感應器 同 5ATM 防水，圈數精確度高達 96%。仲有心率廣播功能，透過藍牙同其他裝置即時分享數據，健身數據一目了然。另外，升級的睡眠管理更專業，除咗基本監測，仲新增咗睡眠效率同分佈兩個維度，等你深入了解自己嘅睡眠質素。手環仲會畀你個人化建議，幫你改善瞓覺習慣。小米今次仲同世界睡眠學會、亞洲睡眠醫學會同中國睡眠研究學會 合作，推出 21 天專業睡眠改善計畫。另外，全天候心率、血氧（SpO₂）同壓力追蹤都一應俱全。
除咗健身，Xiaomi 手環 10 嘅智能功能一樣唔失禮。佢可以透過 Xiaomi Smart Hub 同支援 Xiaomi HyperOS 2 嘅手機、平板同耳機無縫連接，直接喺手腕控制裝置。即時通知、日曆同步同自訂快速回覆 令你全天候同外界連繫，仲有 靜音模式，夜晚唔想俾人搞亂都得！
手環用咗精準線性馬達同新版觸覺演算法，來電、鬧鐘同訊息震動都可以自訂，提示即時又唔誇張。電池方面，233mAh 容量一般用足 21 日無問題，開咗 Always-on Display 都有 9 日，仲要一小時就充滿電，夠晒耐用。還有就是，佢有 200 多種錶面同 5 款互動小遊戲，十分有趣。