近年智能眼鏡市場熱鬧非凡，香港本地科技代理品牌 UNITY Tech 宣佈引入中國 AR 龍頭 Rokid 旗下的 Rokid Glasses，號稱全球首款結合 AI 與 AR 技術的消費級智能眼鏡。這款眼鏡不僅支援廣東話語音操作，還集結多項頂尖功能，包括即時翻譯、智慧提詞、一鍵拍攝通話等功能。
AI+AR 雙劍合璧，Rokid Glasses 功能全面睇真
Rokid Glasses 配備了 Qualcomm Snapdragon AR1+ Gen 1 芯片，運算能力強大，眼鏡採用雙目衍射光波技術，配備 0.15cc 微型 LED 顯示引擎，鏡片亮度高達 1,500 nits，即使在陽光下依然清晰可見，仲可以隨環境調節光暗，確保最佳視覺體驗。透過透明鏡片，虛擬界面直接呈現眼前，無論係導航、翻譯定提詞，資訊一目了然。講到 AI 功能，Rokid Glasses 整合多款頂尖 AI 模型（例如通義千問、豆包、智譜清言等），支援 89 種語言即時翻譯，仲有物體識別、拍照答題、語音轉錄文字等功能。即將於 10 月推出的實時導航功能，更加係旅行同工作嘅最佳拍檔。想知附近有咩好食？或者同外國客戶傾生意？只要用廣東話同佢講句「Hi Rokid」，即可喚醒智能助理，幫你處理問題或者進行即時翻譯。
廣東話語音操作，香港人嘅貼心設計
作為香港市場嘅專屬亮點，Rokid Glasses 支援廣東話語音操作，無論係查詢天氣、搵餐廳定接電話，講句「Hi Rokid」即刻有反應，毋須再低頭望手機。特別一提，佢仲支援點頭接聽、搖頭拒接來電。配合專屬 Rokid APP，眼鏡化身你嘅貼身助理，幫你快速處理日常事務，連卡路里都幫你計得清清楚楚。
1200 萬像素鏡頭，捕捉第一身視角
Rokid Glasses 配備 1200 萬像素高清攝影鏡頭，支援 Low-Light HDR 同 60FPS 錄影，即使喺光線昏暗嘅環境下，依然能拍出色彩豐富、細節清晰嘅相片同影片。透過語音或按鍵操作，即可從第一身視角記錄生活點滴，無論係旅行風景定重要時刻，都能即時捕捉，仲可以一鍵分享。
智慧提詞，適合拍片、演講
對我嚟講，呢個智慧提詞功能最實用，尤其係我成日忘詞，有時拍片會比較有用，可以直接喺眼鏡度睇到你嘅講稿。透過專屬 APP 導入講稿，內容會喺鏡片上自動滾動，幫你流暢完成演講，仲可以同觀眾保持眼神交流，提升互動效果。呢個功能無論係商務會議定公開演講，都能令你表現更專業。時尚輕盈，遠近視用家都啱用
智能眼鏡除咗功能，設計同舒適度同樣重要。Rokid 聯同中國時尚眼鏡品牌 Bolon 合作，打造出僅重 49g 嘅輕盈設計，配備可調節鼻托同鏡腿，長時間佩戴都無壓力。仲有貼心嘅鏡片卡扣配件，支援訂製近視或散光鏡片，無論你係近視定遠視，都可以用到。