vivo Vision 探索版超輕登場
呢個 vivo Vision 探索版重量僅 398g，比行業平均 600-700g 輕得多，尺寸更縮小 26%。vivo 做咗大量人體工學研究，精準定位面部支撐的「黃金舒適區」，每個支點壓力唔超過 6.628kPa，相當於人呼氣的極限。仲有 4 組 8 套遮光罩加親膚泡棉組合，適合不同面型；針對 Game 迷，雙環綁帶設計可以等你 Fing 頭、躲避嘅時候，都會更穩陣。系統方面，搭載全新 Origin OS Vision，靈感來自大自然，讓圖示同視窗浮現眼前，操作從「隔螢幕點」變成「眼一看，手一動」。眼動追蹤精度達 1.5°，相當於 2 米外瞄準手錶大小；手勢識別有 26 個自由度，垂直範圍 175°，交互自然又精準。
硬件規格更係旗艦級：Micro-OLED 螢幕，雙目 8K 解像度，94% DCI-P3 色域覆蓋，Delta E < 2 色彩校準，亮度誤差 ≤2nit，畫質逼真到專業電影級。配備 Qualcomm 第二代 Snapdragon XR2+ 平台，GPU 頻率升 15%、CPU 升 20%，算力強大，空間計算高速渲染無壓力。
生態建設都唔馬虎：影音有沉浸穹幕視頻同移動巨幕影院，120 英尺大屏隨時拉開；體育電競直播可切換視角，一眼掌握全場。遊戲、辦公應用亦相當豐富。
