001: Apple 常客應該點都有多過一對
如果你一直以來都係 iPhone 或者 iPod 用家，以前買機送贈嘅 EarPods，相信你唔會將佢丟棄，可能一直擺喺屋企某一格嘅櫃桶閒置着。如果你係其中之一，我好建議你拎返出嚟用。例如你無線耳機無電嘅時候，你可以考慮轉用有線耳機，或者如果你係一個識得欣賞呢類有標誌性耳機嘅人，你不妨可以拎返 Apple EarPods 出嚟使用，到而家依然有唔少人會覺得，EarPods 音質方面仍然出色。不過，以前有跟機嘅 EarPods，多數都係用 Lightning 頭或者 3.5mm 頭，如果你而家已經升級咗去 iPhone 15 系列，你一係搵個轉插，一係就去 Apple Store 買隻 Type C 頭嘅 EarPods，但如果你想善用屋企閒置嘅 EarPods，建議都係搵轉插更好。002: EarPods 平價抵玩
雖然同價位可能會有更好嘅有線耳機選擇，但 EarPods 價錢仍然算係抵玩。當你諗住買返隻 Type C 頭 EarPods，官網價都只係 $149，並唔算貴，兼且佢具有出色控制功能同埋良好嘅 microphone，而且有 Apple 標誌性嘅外觀，甚至唔介意唔係密封設計嘅有線耳機，EarPods 絕對係一個唔錯選擇，就算你成日唔見耳機，都唔會買到破產，無唔見的話，仲可以用到好多年。
003: 簡單易用
用有線耳機其中一個優點，就係簡單易用，唔使藍牙連接，唔使左設定右設定，總之一插落手機度，即刻用到，相當簡單，唔似而家好多耳機都有好似聽落同聆聽體驗無關嘅功能，好多嘢要學，仲要不時要安裝固件更新，呢樣相信好多人都會鍾意。
004: 出色 microphone 和控制功能
EarPods 喺打電話通話方面相當出色，當你走到街上，無論你想同人通話，定係錄製語音備忘錄，都會有唔錯嘅表現，收音相當清晰，而且位置方便，好可靠，最大缺點係唔能夠有效阻擋風，但對於一隻 $149 嘅耳機嚟講，算係咁啦。而喺控制功能上都好好用，中間有一個暫停按鍵，多次按壓亦可以進行播放控制，仲有音量增減按鍵，你亦可以透過單擊中間按鍵接聽和結束通話。基本上佢擁有所有最基本必要嘅控制功能，比起好多無線耳機 (例如 AirPods) 上嘅手勢控制，更符合大部份人嘅喜好。
005: 戴住耳機都可以周圍同人傾計
EarPds 嘅未密封設計，雖然意味住你聽緊嘅音樂永遠唔會完美，尤其係低音頻嘅時候，會好安靜，但優點係你可以唔使脫下耳機，就已經可以同人傾計，甚至有時連音樂都唔需要暫停，已經可以無障礙咁同人溝通，呢個就好睇個人需求，有人鍾意完全隔音，但有啲人可能會更想享受音樂同時，都可以同周圍世界互動，同時亦意味着就算你喺街上增加對周圍環境嘅認識，都可以令你保持安全同埋警覺。來源：Pocket-lint