一得悉 Whatsapp 推出電腦版的消息，版主就即刻下載落黎試用。下載完、安裝左之後，打開 Whatsapp，你會見到一個頁面，頁面上會有個 QR Code，叫你去掃。呢個時候，你就需要在你手機的 Whatsapp 上，在選項中選擇「Whatsapp 網頁版」，就會切換到 QR Code 掃描器的畫面，掃一掃電腦上的 QR Code。過程簡簡單單，就可以正式使用電腦版的 Whatsapp。
安裝教學：
▲ 首先第一步你可按圖或按這裡，打開 Whatsapp 的下載頁面。你可以見到，無論是 MacBook 抑或是 Windows 電腦，一樣都有得用。要注意的是，如果你係用緊 Mac，必須要升級至 Mac OSX 10.9 或以上作業系統，如果係 Windows 用家，則要升到 Windows 8 或以上。
▲ 下載完並安裝之後，打開 Whatsapp 你會見到有個頁面，要求你掃 QR Code。
▲ 呢個時候，你就可以打開你手機上的 Whatsapp，在選項中選取「Whatsapp 網頁版」，之後你就會見到好似圖中的 QR Code 掃描器頁面，用手機掃一掃電腦上的 QR Code，就可以開始使用電腦版的 Whatsapp。
有不少網友質疑，到底電腦版的 Whatsapp 同之前網頁版的 Whatsapp 有乜野唔同呢? 事實上，無論在介面上抑或使用上，兩者都可以話係完全一樣，呢點令版主有點兒失望。唯一有個好處係，如果你有多於一個的手機號碼，你可以在電腦上雙開 Whatsapp，一個電腦版，一個網頁版。而版主比較關注的是，雖然目前來看網頁版同電腦版無乜分別，不過唔知 Whatsapp 將來會唔會投放多啲資源，在電腦版上加入更多新功能呢? 網友又會唔會下載落黎用，抑或是照用番網頁版的 Whatsapp 呢?