AXE5400 三頻 Wi-Fi 6E，支援 2.5G 高速連接
Deco XE75 Pro 屬於中高階 Mesh 路由器系統，最大賣點係支援 Wi-Fi 6E 標準，即係除咗常見嘅 2.4GHz 和 5GHz 頻段外，仲多咗一個全新、干擾極少嘅 6GHz 頻段。呢個頻段特別適合用來進行高速、低延遲嘅內部傳輸，例如連接 NAS 睇 4K 影片，或者玩 VR 遊戲，訊號會更流暢穩定。硬件方面，佢提供一個 2.5Gbps 的 WAN/LAN 自適應端口和兩個 1Gbps 的 LAN 口。2.5G 端口對於已經申請或計劃升級 2Gbps 以上寬頻嘅用家至關重要，可以完全發揮高速寬頻嘅威力，唔會因為路由器樽頸而浪費月費。規格上，三頻總無線速度為 AXE5400，並採用 Mesh 技術，可以透過加裝衛星機，輕鬆覆蓋全屋每個角落，消除 Wi-Fi 死角。
震撼優惠價：套裝選擇多，平均每隻低至 $733
今次減價覆蓋所有套裝組合，無論你係大宅定係一般單位，都有得諗：Deco XE75 Pro (3隻裝)：原價 $3,399，聖誕優惠價 $2,199。平均每隻路由器約 $733。購買後可再換領 $300 超市禮券，變相實付約 $1,899，折扣力度最大，最適合複式、村屋或超過千呎嘅大單位。
Deco XE75 Pro (2隻裝)：原價 $2,299，減至 $1,399。購買後可換領 $150 超市禮券。適合一般面積較大、間隔較多的三房至四房單位。
Deco XE75 Pro (1隻裝)：原價 $1,199，減至 $869。適合單位面積較細、或想先試用單隻性能嘅用家，日後可以再添購同型號擴展。
另外，根據 HKTVmall 官方旗艦店所述，買 TP-Link 產品滿 $1999，即送 Hyundai - 浴室陶瓷暖風機，即係買 3 隻裝再會送暖風機。
點樣揀最適合你？
如果你屋企係超過 1000 呎、多牆、複式設計，或者你對網絡速度要求極高（例如經常需要全屋高速備份檔案、有多人同時打機或直播），直上三隻裝會係最穩陣、覆蓋最全面嘅選擇，性價比亦最高。如果係大約 700 至 1000 呎嘅單位，兩隻裝通常已經足夠提供優良嘅全屋覆蓋。你可以將一隻放喺客廳近大門位置（連接寬頻數據機），另一隻放喺屋尾或房間區域，已經可以有效消除死角。
至於單隻裝，雖然性能強勁，但單一路由器嘅無線覆蓋能力始終有限。它更適合面積較細嘅開放式單位，或者作為現有網絡嘅有線回程主節點，再配合其他 Deco 型號作擴展。