Note7 爆炸全球恐慌,三星上半年旗艦減價搶生意?
隨着有關 Note7 爆炸事件愈來愈多,換又爆,唔換又爆,已經引起了全球關注,不少網友提到 Samsung,第一時間就會聯想起「爆炸」,呢種情況,就同當初一提 LG 就諗起「死底板」的情況相似。而 Note7 爆炸事件,大大影響到其銷售率,應該係話,現階段無人夠膽買。Note7 無人買,加上而家官方都宣佈停售的同時,大舖就唯有將 Samsung 上半年的旗艦 S7 Edge 減價,希望可以吸引到多啲網友入手。但減的幅度......減多 $100,多謝哂,由原來的 $5098 降至 $4998,無錯係有減嘅,但網友會唔會買呢?
按這裡會有 Samsung Galaxy S7 Edge 的規格資料
Sony Xperia XZ 五軸電子防震,拍片必備手機?
對於 YouTuber,或者平時終於玩下直播、拍下片的網友來說,版主個人認為,其實 Sony Xperia XZ 是一個不錯的選擇,唔係淨係我講,版主真係試過,覺得佢就算在高速移動下,拍片都相當穩定。另外,佢採用左 IMX300 Sony Exmor RS 感光元件,支援 2300 萬像素拍攝,再加上最新的「三重影像感測技術」,能夠讓白平衡更準確,而且不失影像的清晰度。Xperia XZ 同樣支持 IP68 防塵防水,但要講缺點的,可能就是性價比未夠高,而且只有 3GB RAM,但至少唔會......(自己諗)。大舖賣緊 $5398,呢個價會是網友的選擇嗎?
按這裡會有 Sony Xperia XZ 的規格資料
iPhone 7 / 7 Plus 勝在穩定 + 省電
版主本身並不是 iPhone 粉絲,只是近期才開始正式用 iPhone 7 Plus。當然,iPhone 7 / 7 Plus 影相靚,我覺得的確係唔差的,有 OIS 光學防震,而且多得 F1.8 光圈,拍攝景深效果都做得好到位,絕對係目前影相最靚的 iPhone,但就未必是最 perfect 的手機。不過係唔係最靚,呢啲就見仁見智,但版主知道好多人會選擇用 iPhone 的原因,絕大部份是因為其系統穩定,版主用 iPhone 7 Plus 一段時間,確實是穩定性相對其他手機強,而且最高內置 256GB。但選擇 iPhone 7 / 7 Plus 要注意的地方是,因為沒有 3.5mm 耳機孔,所以聽歌時如果想用番自己慣常使用的耳機,就必須要使用 3.5mm 轉換器,呢點版主個人覺得係有啲麻煩的。不過,網友又會唔會因為咁,而唔轉用 iPhone 7 / iPhone 7 Plus 呢?
按這裡會有 iPhone 7 的規格資料
按這裡會有 iPhone 7 Plus 的規格資料
以上三款都唔啱心水,仲有無選擇?
如果你話,我對 Sony Xperia XZ 無興趣,用慣左 Android 又唔習慣 iOS 系統,仲有無其他選擇呀?版主 Keith 前日就分享過 HTC 10 數碼通減價消息,真係好抵玩,可惜好快就被掃清光,而大舖賣緊 $4498。其實,下半年發佈的旗艦手機當中,仲有幾部係尚未登場的,首先就係 LG V20,版主 Keith 之前同大家提過,會在 10 月 20 日正式香港發表,預計 28 號就會開賣,呢部 V20 有雙主鏡頭,支持前後廣角拍攝,網友又點睇呢?另外,除左 V20,由 HTC 代工的 Google Pixel 以及 Pixel XL,雖然版主個人覺得就貴左啲,但總會有支持者,你又會唔會揀佢呢?
Samsung Galaxy Note7 在文章發表時,賣價為 $6198,按這裡有詳細規格及最新賣價。
Sony Xperia XZ 在文章發表時,賣價為 $5398,按這裡有詳細規格及最新賣價。
Apple iPhone 7 (256GB) 在文章發表時,賣價為 $7188,按這裡有詳細規格及最新賣價。
Apple iPhone 7 Plus (256GB) 在文章發表時,賣價為 $8288,按這裡有詳細規格及最新賣價。
LG V20 在文章發表時,未在香港上市,按這裡有詳細規格及最新賣價。
Google Pixel (128GB) 在文章發表時,未在香港上市,按這裡有詳細規格及最新賣價。
Google Pixel XL (128GB) 在文章發表時,未在香港上市,按這裡有詳細規格及最新賣價。
Note 7 電池爆炸,香港事故重温
爆出事!三星 Note7 陣亡 近期旗艦入手攻略!香港回歸「全球」!三星香港發出聲明,有無得換機/退款?
版主收料:確認 Note7 已在香港停售