八達通「O!ePay 好易畀」登場，有乜用？
原定今日舉行發佈會的八達通 O!ePay 好易畀呢個 P2P 轉賬服務，較早前就已經「偷步」在 Google Play 以及 App Store 出場，呢個八達通公司新推的港動支付服務，其實同支付寶或者 Tap n Go 有點相似，所以都唔係咩新鮮野，但同類型對手好似上年 csl 大力宣傳半推半送的 Tap n Go 拍住賞，就因為使用人數唔夠多，所以仲未帶起潮流。不過八達通的新推的「O!ePay」就係令大家可以透過八達通與 O!ePay 賬戶即時轉帳，而且成個服務完全免費，當然方便得多了。從 O!ePay 官方資料可以見到，只要係用家有具備 NFC 功能的 Android 裝置以及支援 NFC 的八達通卡，就可以透過八達通為 O!ePay 帳戶增值，又或者調返轉透過 O!ePay 為八達通卡增值。
▲ O!ePay 服務除左有賬戶之間 P2P 付款之外，亦都有同八達通之間的增值功能，呢樣就有手機同八達通卡兩方面支援先做到啦！
▲ 除左八達通，同樣有 P2P 轉賬服務的仲有 Tap n Go ，不過呢個服務始終要多人用先方便呢。
要用新功能，先要換新卡，應該點做？
從上面的解說，心水清的朋友應該會發現，八達通同 O!ePay 的連結其實係依賴 NFC（不論係張卡還是手機）去運作（當然，作為一個流動支付平台 O!ePay 都可以在不同帳號之間 P2P 轉賬，不經八達通），所以如果目前仍然用緊第一代舊卡的話，就要換上有 NFC 功能的新卡先可以用到 O!ePay 了。但邊啲八達通先叫做第一代，而且點樣先可以換呢？接下來同大家講！一、咩八達通叫做第一代？
每一張八達通背面都有一組數字號碼，而第一代的八達通卡身最後的數字並無括號，最後數字如果有括號的話，呢張就唔係第一代八達通啦！
▲除左認住以上的樣式之外，點先知係咪第一代？可以去八達通官方網站填寫號碼檢查一下。
二、如果我確認自己係第一代，究竟邊度可以換？
換卡的地方一開始只有 10 個，全部都係港鐵站內。但係隨住換卡計劃推行得愈耐，換卡機都愈來愈多，跟據八達通公司的資料，目前全港已經有三十多個地點可以自助換卡，詳細地點可以睇官方資料。
▲八達通服務站而家唔一定係港鐵站，領展商場都可以搵到。
如果想知更多有關舊卡換新卡的資料，其實之前 YK 都同大家詳細分享過，大家可以睇睇啊！
更多有關八達通及 O!ePay 的消息：
立即轉新卡！八達通「好易畀」功能大提升，嘟一聲即時過數免費更換兩百萬張八達通！ 入黎話你知邊個有份換新卡
食飯追數無難度！8 個八達通「O!ePay」秘技你要知！