要點 1:點樣申請 O!ePay 好易畀？
八達通係正式推出呢個服務時，多次強調 O!ePay 係全新的流動網上儲值支付服務，所以最緊要，其實係下載 O!ePay app（有 iOS 以及 Android 兩個版本）。係下載左 O!ePay 之後，用戶就可以登記，但要登記的話用戶須要滿足幾個條件，除左一定要年滿 18 歲（同埋有香港身份證）、有 Android 或者 iOS 裝置之外，亦需要用家：成為左八達通自動增值服務用戶，或者係個人八達通持有人，或者係八達通認可夥伴（渣打銀行）之客戶。
▲雖然需要用戶不少個人資料，但係要用 O!ePay 好處係不一定要用到銀行／信用卡戶口。
要點 2:申請 O!ePay 手續係唔係好煩？安唔安全？
的確，為左保安理由，係申請服務過程之中，其實係要用到唔少用家的個人資料的，包括要有身份證、以及住址證明。（當然，如果有用開渣打銀行，亦可以從渣打申請的。）唔少人都會擔心，係手機到上傳身份證、住址證明等資料，會唔會有安全問題？八達通就強調成個過程，資料會用加密傳送。另外要留意，係申請步驟做完後，用最長需要三個工作天先可以用到。（但有網友就話，今朝申請而家已經批左了）
▲ 成個登記過程其實可以係手機上做到，包括提交住址證明。
要點 3:Android iOS 用戶，係使用 O!ePay 過程中，有沒有分別？
作為一個以手機 app 為主而且依賴 NFc 的支付服務，好多人都會想知，到底兩大平台用家（ Android 以及 iOS）係使用 O!ePay 服務上，有沒有分別？的確，目前 iPhone 因為 NFC 問題，係功能方面會比較少，包括唔支援用八達通過錢入 O!ePay 以及幫唔到八達通增值。不過八達通公司強調，下半年會推出專為 iPhone 而設的 O!ePay 流動閱讀器，補回以上兩個功能，但係閱讀器要不要錢而家就唔知了。另外，版主都問過，呢個 O!ePay 流動閱讀器又可唔可以俾本身沒有 NFC 的 Android 機使用呢？答案係唔可以的，所以沒有 NFC 的 Android 手機，某程度上比起 iPhone 還要慘。
▲目前呢個 O!ePay 流動閱讀器都未確認推出日期，只知本身沒有打算比 Android 機使用。
要點 4:我沒有 O!ePay 賬戶，可否用八達通過數比朋友？
因為 O!ePay 同八達通關係密切，係推出前可能大家都以為呢個服務可以令不同八達服之間相互「嘟一嘟」過數，實際又係唔係咁呢？其實， O!ePay 又係基於安全理由，在手機 app 上係沒有一個功能讓用家透過八達通即時 P2P 轉賬的。咁即係點呢？即係每個 O!ePay 帳戶只能登記十張八達通卡，而且係登記後需要 24 小時先能夠讓八達通將款項轉出或轉入 O!ePay 帳戶。換言之，幫屋企人增值呢啲功能 O!ePay 當然做到，但係想沒有 O!ePay 帳戶的朋友，透過八達通即時「嘟一聲」轉帳給你，其實不能呢！
▲ O!ePay 的確有透過八達通轉錢入 O!ePay 的功能，但係用意就唔係要來收人哋錢，而係為戶口充值。
要點 5:咁 O!ePay 又有咩功能，可以點用？
上面講完 O!ePay 做不到的事，接下來當然要再講 O!ePay 做到的事啦！簡單來講， O!ePay 就係一個比你「畀錢」、「收錢」同「增值」的平台。用家可以透過 O!ePay 帳戶即時過數比其他 O!ePay 用家，當中「收錢」呢個功能版主都有玩過，其實係幾好用的，以下來重點講下！
▲收錢方式其實頗為簡單易上手，亦有「平分賬單」或者不同人有不同數額得選項。
要點 6：重點功能「收錢」有幾好用？可以追數嗎？
八達通公司係介紹時都強調， O!ePay 係一大班 friend 食飯睇戲時「收錢」最好用。因為主打的收錢功能，其實都幾啱港人要求，除左支援賬單自動平均計數之外，又可以「分單」。更重要係有「追數」選項，係「收錢項目」搞左一日之後，可以發送提醒比未畀錢的朋友，咁就唔怕有人走數啦！
▲ 係「收錢」項目一出，其他人的手機會即時收到提示。
▲ 「追數」功能其實係可以再發送提示，提未俾錢的朋友咪走數。但要係「收錢項目」推出後第二天先有。
要點 7：八達通卡在 O!ePay 支付的角色是甚麼？
可能大家仲會有疑問，其實八達通卡係成個 O!ePay 的角色好似可有可無，因為上述「收錢」或者「畀錢」的過程其實都只係在 O!ePay 平台上進行，而且仲可以用渣打銀行戶口增值，不一定要透過八達通啊！版主初步用過後，就覺得 O!ePay 最好用的功能其實唔係「追數」，而係幫八達通增值，係緊急的時候發現八達通負錢（好似係巴士上），用 O!ePay 救急，都幾好啊！（反過來說，要用八達通幫 O!ePay 充值，看來都係加返自動增值比較好呢！）
▲個人覺得，O!ePay 最大的作用都係緊急幫八達通「補水」呢！
要點 8：O!ePay 係咪真係完全唔收費？
呢個是個好問題，好多人會擔心作為一個支付平台，O!ePay會唔會收年費、每次過數會唔會收手續費等等。官方都有就呢個方作出解答，不論年費、 P2P 付款、取消帳戶，都一樣不會收費，但係就有月結單列印費呢個收費項目，每月份月結單收費 $50。
▲八達通公司列明，年費等等係唔會收的，但係月結單一份就要收 $50。
更多有關八達通及 O!ePay 的消息：
立即轉新卡！八達通「好易畀」功能大提升，嘟一聲即時過數免費更換兩百萬張八達通！ 入黎話你知邊個有份換新卡
食飯追數無難度！8 個八達通「O!ePay」秘技你要知！