必去攤位 001 （G01 / H01)：Le 2 灰色版、Le Max 2 首度開賣！$990 換 43 吋電視機！
同去年一樣，今年的電腦節都有 LeEco 樂視的攤位，而且亦都有一些會場優惠。要講最着數嘅野，不如就講下唔洗錢果啲先：即場下載樂視視頻應用程式，並即時註冊做新用戶，就可以免費享用一個月超級影視服務，未睇過樂視影視節目，可以趁呢個機會，體驗一下。另外，除左 Le 2 推出了灰色版之外，樂視旗艦手機 Le Max 2，亦都會趁着電腦節首度公開發售，買 $3499 的會員組合（超級影視會員、英超狂睇組會及超級體育組合），就可以得到 Le Max 2。想知道 Le Max 2 的規格詳情，可以按這裡睇番 ePrice.HK 的 database。
同時，只要在電腦節首日 (19/8) 購買售價 $990 的一年樂視超級影視會員，亦有機會得到超級手機 Le 2 連 LeTV Box (4K 標準版) (總值 $2298) (限量 100 套)，或者超級電視 Super4 X43 (價值 $2999) (限量 50 部)。個人認為後者會比較抵玩啲，網友覺得呢？
▲ Le Max 2 正式在電腦節首次開賣，不過特別在，今次係要買會員先至有手機。就算無打算買的話，都可以過黎試玩下。
▲ $990 有 43 吋電視喎！呢個堅係抵，不過限量 50 部。
必去攤位 002 (E32)：小米手環 2 賣斷貨？電腦節有得買，多款小米產品即場試！
話說唔知大家有無留意到，近排小米手環勁好賣，無論係小米手環第一代抑或第二代，官網都已經賣斷貨，真係想買的話唯有慢慢等佢出番貨，好麻煩。唔想等的話，電腦節會場有一個 booth 叫「冠恆集團」，佢係小米的代理商之一，都係賣行貨的，在佢嘅攤位上，就會見到有不少的小米產品擺哂出黎，甚至連小米空氣清新機，都可以順便即場試用，唔洗特登上去小米之家。另外，頭先講到官網賣斷貨的小米手環 2，唔洗等，呢度就有，如果入開電腦節而又想買的話，可以過黎買。
▲ 無錯，就係呢間，佢個 booth 編號係 E32，係小米的代理商，內有不同的小米產品可以試用，甚至係空氣清新機，都有得試。
必去攤位 003 (J15-J20)：全新 SanDisk USB Type-C 雙用隨身碟首次現身
今時今日大部份的新機，上至旗艦機，下至入門機，都開始慢慢捨棄舊式的 microUSB 插口，改為 USB Type-C 插口。就好似最近發表的 Samsung Galaxy Note 7 咁，都投向 Type-C 的懷抱。對於大部份人黎講，咁就麻煩喇！以前 microUSB 專用的 OTG 手指，通街都係，要將手機的資料過到手指，無難度。而家？假設你買左部 Note 7 番去，Type-C 手指並唔係咁容易搵到的。而藉着電腦節呢個機會，SanDisk 就推出了一款全新的 SanDisk USB Type-C 雙用隨身碟，一邊 USB Type-C，一邊 USB Type-A，等你就算用 Note 7，過資料都係話咁易。呢隻雙用手指有 32GB 至 128GB 不同容量，建議零售價為 $149 至 $439 不等。
▲ SanDisk 今次推出呢隻專為 USB Type-C 而設的雙用手指，有 32GB 至 128GB 不同容量。
必去攤位 004 (E32, E34)：Motorola 自己無手機出，但場內仲有 Motorola 的耳機賣！
大家都知道，Motorola 的手機業務由最初被 Google 收購，後來由 Lenovo 接手，變相 Motorola 自己已經無手機出。雖然 Motorola 無手機出，但其實佢仲有其他的產品，例如藍牙耳機。就在 E32、E34 的攤位上，就有好多 Motorola 的藍牙耳機以優惠價出售，相比原價平左百幾蚊左右，唔算平得多，但如果你對 Motorola 耳機有興趣，可以過黎呢個攤位睇下，看看對佢嘅耳機有無興趣。
▲ 雖然 Motorola 無出手機，不過其實佢仲有其他產品，在呢個攤位上，你可以搵到 Motorola 的藍牙耳機，大家不妨過黎睇下。
必去攤位 005 (D35-D38)：靚仔健身手環二百五有隻！
其實近呢兩年手環真係開始受歡迎，特別係平果堆手環，好似小米手環咁，淨係睇佢官網賣斷貨，已經知道有幾多人買。而除左小米手環之外，其實想搵平價靚仔手環，你都仲有得揀。在會場其中一個叫「訊域科技」的攤位上，就有好多睇落幾靚仔嘅 Archon 健身手環賣，有啲甚至四折發售，$250 有交易！
▲ 呢隻中華英雄版本的 Archon 健㡽手環，個樣幾靚仔，而且四折發售，$250 就可以帶佢番屋企，你又啱唔啱？
必去攤位 006 (Q21, Q23)：全場最平！精選貨品最平 $1 有交易！
記得上年 YK 仔同大家講過，發現到有間「十蚊店」，有好多着數的優惠。今年其實都有，而且有啲限量貨品仲低至 $1 添，呢個價錢，仲唔係全場最平？不過，$1 可以買到啲乜呢？例如 $1 保護貼以及保護套，不過係陳年舊機如 Note 4。而 iPad mini 保護貼都有抵，都只係 $2，夠哂抵未？呢間真係記得必去呀！
▲ $1、$2、$10，呢間舖賣嘅野全部都好似好抵咁，仲唔係必去中嘅必去之地？
入場門票 $30？電腦節 2016 免費入場有秘技！
今年的電腦節亦都嚮應環保，舉行了一個「電腦及通訊產品回收計劃」，如果你屋企有唔要、壞的桌上電腦、手提電腦、打印機、Scanner、CRT 或者 LCD 電腦顯示屏，都可以拎去會場回收，免費獲贈「香港電腦通訊節 2016」入場券 2 張以及環保文具一款 (數量有限，換完即止），咁咪又可以環保，又可以免費入場，一舉兩得囉！網友會唔會咁做呢？
以下為電腦節 2016 ePrice.HK 即時報價系統（以下價錢只作參考）：
▲ 以上報價系統，可以根據類別選擇產品，會不定期更新。網友亦可以隨時報價給版主，到時版主都會在系統中更新。
更多香港電腦節 2016 優惠相關文章
[電腦節16] 數六大荀貨：七百蚊有找 Win10 平板 | 旗艦手機千四蚊
版主教路：電腦節 2016 免費入場！精選貨品最平 $1 有交易！
格到至著數！電腦節 2016 ePrice 即時報價，包你無蝕底！
【電腦節 16】 手機三寶格價：記憶卡 + 尿袋 + 外置 HD 會場最荀價？
2 年數據比較！免做「水魚」！版主教你揀 電腦節 2016 真正減價貨
電腦節 2016 華碩新舊手機「大特價」？小心中伏！快充尿袋貴過原價！
Le 2 在文章發表時，賣價為 $1799，按這裡有詳細規格及最新賣價。
Le Max 2 在文章發表時，「買會員送手機」價為 $3499，按這裡有詳細規格及最新賣價。