主題:【攻略+教學】超簡單!Pokemon Go 7 個重點技巧、密技

ePrice HK
  • 發表時間:2016-07-25 21:05 收錄檢舉
    老老實實,今日《Pokemon Go》香港版一推出,有幾多個網友即刻 download 左落黎,搶先體驗一下呢? 我身邊就有朋友,明明本身不算是 Pokemon 粉絲,但因為這個潮流大熱,所以都有 download 落黎玩下有乜咁好玩。不過,如果你剛剛開始玩《Pokemon Go》,可能未必太識玩,版主就整理了以下技巧以及建議,幫助新手能夠快速上手,同埋不會亂花一些重要道具!

    【攻略+教學】超簡單!Pokemon Go 7 個重點技巧、密技

    有關遊戲下載、角色創建的教學,版主 Keith 今早已經同大家介紹過,所以版主而家就唔會多講。主要想講嘅係,當你正式踏上你的旅程,開始玩遊戲的時候的一些重要事項。

    001:人物點先可以升 Level 呢?
    大家千萬不要以為,只有寵物小精靈的等級重要,事實上,角色的等級同樣重要,甚至相比收集精靈圖鑑更加重要。點解咁講呢? 你要知道,隨着角色的等級提升,你先能夠解鎖以及獲得更多道具,例如捕捉成功率更高的精靈球、兩倍經驗的 Lucky Egg 等等。同時,你的等級愈高,你先可以抓到更高 CP (即係戰鬥力) 的寵物小精靈,並且能夠提升寵物小精靈的能力。更重要的是,角色至少要去到 5 lv,你先可以入到 GYM 同其他玩家挑機,所以你話,角色等級重唔重要呢?

    【攻略+教學】超簡單!Pokemon Go 7 個重點技巧、密技  【攻略+教學】超簡單!Pokemon Go 7 個重點技巧、密技
    ▲ 捉寵物小精靈都可以獲得經驗值!

    002:見到乜寵物小精靈,捉哂佢就是了!
    好多網友會抱着一個心態,就係擔心精靈球會唔夠用,所以成日見到啲好似好廢、或者 CP 值好低嘅寵物小精靈,就會逃走唔去捉佢,諗住儲住啲精靈球。其實,精靈球真係好容易取得,幾乎每去一個 PokeStop,你都可以獲得至少 2 個的精靈球,而且 Pokestops 的更新速度好快,大約 5 分鐘就已經變番藍色(有道具為藍色,無道具為紫色),等你玩耐左就會嫌精靈球太多架喇 (背包預設只可以放 350 個道具)!所以精靈球的數量,基本上可以唔洗點擔心。而事實上,每捉一隻寵物小精靈,都能夠獲得經驗值、星塵 (STARDUST) 以及糖果 (CANDY),呢啲在遊戲入面都相當重要的!

    【攻略+教學】超簡單!Pokemon Go 7 個重點技巧、密技  【攻略+教學】超簡單!Pokemon Go 7 個重點技巧、密技
    ▲ 左圖圓形果個標誌,就係 PokeStop,更新得好快,按進去,向左/右撥動,一般至少會有 2 個精靈球彈出黎,有時仲會有蛋添!如上圖般,版主一轉就轉左四個精靈球同一粒蛋,所以真係唔洗擔心精靈球唔夠嘅問題。

    003:只保留 CP 以及能力高的寵物小精靈就已經足夠
    咁頭先就同大家講,其實可以唔洗咁慳精靈球,見到乜就捉就已經可以了。咁呢個時候,你應該會捉到好多相同的寵物小精靈。千祈唔好猶疑,淨係保留 CP 以及能力值高的寵物小精靈就夠,其他的可以將佢 Transfer 變成糖果。

    【攻略+教學】超簡單!Pokemon Go 7 個重點技巧、密技  【攻略+教學】超簡單!Pokemon Go 7 個重點技巧、密技
    ▲ 如果好似左圖咁,兩隻小哥達,一隻 CP21,一隻 CP34,咁當然會留 CP34 果隻。假如兩隻 CP 值差不多,咁你可以進入寵物小精靈的資訊頁面,在寵物小精靈資訊頁面下方,可以見到小精靈的攻擊能力,上面係普通攻擊,而下面則係絕招,數字愈大,應該代表攻擊力越強。所以如果 CP 值很接近的話,就保留攻擊力強果隻就已足夠!

    004:唔洗咁急升級以及進化你的寵物小精靈
    剛剛玩的時候,因為角色等級太低,所以捉到的寵物小精靈 CP 值都好低,只有 100 以下,甚至 30 以下。但隨着你的等級愈來愈高,開始捉到 CP 值達二三百的寵物小精靈,到時先再升級進化都未遲。所以一開始最好就先儲起 Stardust 以及 Candy,唔洗咁急住升級。

    【攻略+教學】超簡單!Pokemon Go 7 個重點技巧、密技
    ▲ 一開始精靈等級太低,不用急於幫寵物小精靈升級、進化。

    005:捕捉寵物小精靈時,可以不用停下來
    有些人會好奇,到底捉寵物小精靈的時候,需唔需要停低嘅呢?答案係唔需要的!只要你按下附近的寵物小精靈,進入捉小精靈的畫面,就算你離開了果個位置,都能夠正常捕捉。唯一要注意嘅係,如果你開啟左 AR,手機就要向番住捉小精靈時的方向,先可以見到佢。無開啟的話,就沒有這個煩惱。不過,版主都係要提醒大家,玩還玩,記得過馬路要小心,如果唔係好容易會發生意外。

    006:見到好多人玩 Pokemon Go 時,要特別注意
    如果你有一日,突然間行行下,在街上見到有好多人玩緊 Pokemon Go,你可以即刻打開遊戲,睇下發生乜事!分分鐘係因為你所在的位置,就有稀有精靈出現!


    ▲ 美國紐約中央公園,就曾經有一班人為左捉稀有精靈,而聚集在一起玩 Pokemon Go,呢個情境真係好難想像到。不過我估,香港人應該無咁誇張吧?

    007:想知附近有乜寵物小精靈?
    其實,玩《Pokemon Go》未必一定要盲目喺條街度亂咁行嘅,可以有更好的方法,去知道附近有啲乜野寵物小精靈。無記錯的話,iOS 係有一個叫《Pokemon Radar》的軟件,可以在地圖上顯示邊度有乜野寵物小精靈。不過,如果唔係 iOS 用家,其實你亦可以到 Pokevision 的網站,一樣可以檢測到附近的精靈。

    【攻略+教學】超簡單!Pokemon Go 7 個重點技巧、密技
    ▲ 版主所在位置附近,多數都係波波或者波音蝠,好無癮...... (今早錯過了鬼斯呢!)

    《Pokemon Go》香港上架及相關文章
    Pokémon GO 香港上架!立即睇攻略 (附下載連結)
    香港有份!手機任玩 Pokemon GO 免數據收費夢成真!
    香港版《Pokemon Go》免 Data 收費任玩 ? 知道呢五件事 包無中伏!
    4GB RAM 手機未必玩到!  官方 Pokemon Go 支援手機/問題大解構
    【攻略+教學】超簡單!Pokemon Go 7 個重點技巧、密技

    立即加入Facebook 專頁,新聞/消息/優惠,最快知。

    01樓 ▲TOP 回列表頁