主題:Canon G5 X 現身美國官網,或會下周發佈!

ePrice HK
  • 發表時間:2015-10-12 12:40 收錄檢舉
    影開相嘅朋友要留意喇! 今日喺 Canon 美國官網上,出現左一部叫做 G5 X 嘅相機。呢部 G5 X 嘅相機目前仲未正式發佈嘅,相信應該會喺下星期 Canon 發佈會上,Canon 就會為大家介紹一下呢部全新嘅相機。不過雖然目前仲未發佈,但版主都有一啲有關呢部 G5 X 嘅消息想同大家分享一下!

    Canon G5 X 現身美國官網,或會下周發佈!

    呢款嘅 G5 X 嘅定位介乎 G3 X 同 G7 X 之間,G3 X 就強調多段變焦,而 G7 X 就強調輕便使用,咁相信呢款 G5 X 應該能夠同時達到多段變焦同輕便使用呢兩個優點。首先外型方面,G5 X 嘅機身俾我嘅感覺有少少復古 feel,但又使用左翻轉式嘅觸控屏幕,能夠方便你從不同的角度拍攝出更專業嘅效果。

    Canon G5 X 現身美國官網,或會下周發佈!
    ▲ Canon G5 X 嘅正面圖,就咁睇有少少復古 feel。

    Canon G5 X 現身美國官網,或會下周發佈!
    ▲ 機身上面會有個內置嘅閃光燈,當然如果你想效果好啲,最好就另行購買外置閃光燈。

    Canon G5 X 現身美國官網,或會下周發佈!
    ▲ 配備可翻轉屏幕。Canon G5 X 現身美國官網,或會下周發佈!
    ▲ Canon G5 X 嘅背面圖,讓大家看看有啲咩按鍵。

    Canon G5 X 現身美國官網,或會下周發佈!
    ▲ 隨機將包括一個充電器、一個電池以及一條相機帶。

    而規格方面,根據官方對於呢部 G5 X 嘅介紹,呢部 G5 X 將會配備了 4.2x 倍率、24mm - 100 mm、f/1.8-2.8 變焦以及 2020 萬像素嘅鏡頭,能夠在低光情況下都擁有最好嘅表現,並採用了高感應度的 CMOS 傳感器,搭配 236 萬像素嘅電子觀景器以及廣闊嘅色域,能夠提供更高對比度、更真實的拍攝享受。另外,G5 X 亦使用了 Canon IS 防手震功能。而在影片拍攝上,G5 X 亦為你提供流暢嘅錄影享受,在每秒 120 格嘅 Smooth Mode 下,能夠讓錄像畫面更清晰、更順暢。

    售價方面,G5 X 嘅官方定價為 US $799,折合港幣約 HK $6192,價錢方面尚算合理。大家對於呢部相機有啲咩野睇法呢? 你平時用開咩品牌嘅相機呢? 留言講下啦!

    來源:Canon (US)

    立即加入Facebook 專頁,新聞/消息/優惠,最快知。

    01樓 ▲TOP 回列表頁