主題:「夢」一場? 網友「爆」Pentax FF 相機資料! 傳明年初推出!

ePrice HK
  • 發表時間:2015-10-14 17:56 收錄檢舉
    Pentax 之前一直都話會推出一部 Full Frame 相機,不過講左好耐,由年頭講到而家年尾,等到大家頸都長都仲未有進一步消息! 而最近終於再有呢部相機嘅進一步資料流出,今次嘅爆料人係來自 Xitek Forum 嘅某位網友,佢自己話佢已經玩過配上 DFA 24-70mm 鏡頭嘅 Pentax Full Frame 相機,並發文話佢自己「夢見」有關呢部機嘅資料喎! 版主不妨分享俾大家睇下佢講啲咩!

    「夢」一場? 網友「爆」Pentax FF 相機資料! 傳明年初推出!

    首先之前曾經有流傳話呢部相機將會配置 4200 萬像素鏡頭,但呢位網友話「夢見」呢部相機唔係 4200 萬像素,而外國傳媒亦曾透露,呢部相機只有 3600 萬像素,而非傳聞中的 4200 萬像素。另外,呢位網友話呢部相機喺自動對焦功能方面十分出色,除左對焦速度快之外,仲擁有前好多對焦點。不單如此,佢話呢部相機嘅 SR (Super Resolution) Mode 可以手持的,而且功能好強大。最後佢總結,覺得呢部相機嘅整體性能比 Nikon D810 好咁話喎!

    唔知大家覺得呢位網友嘅「夢」會唔會成真呢? 畢竟佢話佢自己已經親身玩過,唔排除亦有爆料嘅嫌疑。你信又好,唔信又好,都係俾大家知下,初步了解下呢部相機! 另外,亦有外國傳媒指,呢部 Pentax Full Frame 相機將會喺 2016 年初發佈,唔知大家期唔期待呢?

    來源:Photo Rumors | Xitek Forum

    立即加入Facebook 專頁,新聞/消息/優惠,最快知。

    01樓 ▲TOP 回列表頁