主題:Tiny1 擬於年尾推出! 專為天文攝影而設的小型相機!

ePrice HK
  • 發表時間:2015-10-02 12:43 收錄檢舉
    唔知大家有無試過用你嘅智能手機影夜空呢? 啱啱中秋節過左,有無見到又大又圓嘅月亮,想用手機影低佢,但影嚟影去都好似影唔到你心目中嘅效果呢? 而家 Tinymos 設計左一款專為天文攝影而設嘅相機,佢嘅名叫做 Tiny1,佢可以幫助我哋影到比一般相機或者手機更高質素嘅夜景。咁勁? 就等版主同大家簡單介紹一下啦!

    Tiny1 擬於年尾推出! 專為天文攝影而設的小型相機!
    ▲ 機身細小,但功能強大。

    攝影師平時影夜空,都需要一堆又大、又重、又貴嘅器材,成日都拎住咁重嘅野拎黎拎去,其實都好辛苦。不過如果你只係業餘玩下,得閒又想影下夜空,Tiny1 就幫到你! Tiny1 係一部體積細小但功能強大嘅相機,能夠喺陰暗嘅環境下都可以影到好靚嘅相。

    Tiny1 擬於年尾推出! 專為天文攝影而設的小型相機!
    ▲ 上方有個紅色嘅快門鍵。

    Tiny1 擬於年尾推出! 專為天文攝影而設的小型相機!
    ▲ 鏡頭方面尚未有更多資料。

    以下就俾大家睇下用呢部 Tiny1 相機影出嚟嘅相係點嘅樣架啦!
    Tiny1 擬於年尾推出! 專為天文攝影而設的小型相機!

    Tiny1 擬於年尾推出! 專為天文攝影而設的小型相機!

    Tiny1 擬於年尾推出! 專為天文攝影而設的小型相機!

    睇完啲相係咪覺得好吸引呢? 不過咁,目前呢部 Tiny1 仍在研發階段,初步估計將會喺年尾推出,計劃到時將會在 Indiegogo 網站上進行集資。價錢以及更多詳情暫時未有消息,純粹俾大家知道下先,唔知大家睇唔睇好呢部相機呢? 留言講下你嘅睇法啦!

    來源:Photo Rumors | Ubergizmo

    立即加入Facebook 專頁,新聞/消息/優惠,最快知。

    01樓 ▲TOP 回列表頁