• 日本網站推介!窮到燶都照食和風料理
    日本網站推介!窮到燶都照食和風料理
    月頭嘅時候大魚大肉,又食壽司又去放題,而家仲有成個禮拜先到月尾,份糧已經使到七七八八,仍然仲想食和風料理?其實就算窮到燶都一樣可以食到日式食物,而且價錢一啲都唔貴,畢竟日本都有唔少月光族,每到月尾就要諗方法捱埋佢。今次呢個日式料理又好味又飽肚,日本網站瞓身推介,跳轉睇睇點做。


    日本網站推介!窮到燶都照食和風料理

    赤貧都想食餐好?日本人會用牛油豉油撈飯,或者就咁打隻生雞蛋加豉油撈飯食,假如連牛油、雞蛋都買唔起,仲可以點算?有網站就以「最強窮飯」推介茶漬飯。材料只需要一碗白飯,一杯茶同少少豉油,做法更加簡單將茶倒入白飯,再加入適量豉油調味。咁樣就一餐,係咪又慳錢,又食到日式料理呢?

    係咪幾吸引呢!
    日本網站推介!窮到燶都照食和風料理


    資料來源:rocketnews24