• 杯麵薯片口味互換,真係冇問題嗎?
    杯麵薯片口味互換,真係冇問題嗎?
    日本杯麵嘅口味五花八門,經常有令人驚喜嘅新口味。最近鬍鬚叔叔品牌薯片為了慶祝發售 50 週年,喺日本同杯麵生產商 Super Cup Max 搞咗個 Crossover,推出薯片味杯麵和杯麵味薯片,究竟味道掂唔掂?版主唔知,但寫呢篇文時真係好混亂。跳轉睇更多。


    杯麵薯片口味互換,真係冇問題嗎?
    Super Cup Max 貢獻出醬油拉麵同烏賊炒麵味,俾鬍鬚叔叔製作 50 週年特別版杯麵味薯片;即食麵口味的薯片之前都推出過唔少,就連我哋熟悉嘅出前丁丁麵都有,所以將兩款杯麵嘅口味變成薯片後並唔會太過古怪。唔知係鬍鬚叔叔玩嘢還是太有信心,佢用作交換嘅味道係酸奶洋蔥和墨西哥辣椒,前者相信唔少網友都食過,但用來做杯麵結果會係點?

    杯麵薯片口味互換,真係冇問題嗎?

    先講下墨西哥辣椒味杯麵,因為係湯麵嘅緣故,所以辣辣哋加少少雞肉嘅香味,應該入得口。至於酸奶洋蔥味竟然用撈麵嘅形式呈現,有指為了呈現薯片嘅原味,會提供調味油讓顧客自行調整口味,不過諗起將洋蔥味薯片加水嘅感覺,版主就接受唔到啦!四款限量版新口味,月中會喺日本上市,話唔定遲啲香港都會有得賣。

    資料來源:sirabee
     
    • 2018-10-08
    • 暱稱:虎仔
    • 文章分類:網上奇趣
    • 閱讀 5077 次
    • 1篇討論