老豆老母都識嘅簡單絕招!一招化解 Netflix 「同住者」限制!

左定坤 (Cho Ting Kwan) 2023-05-29 19:59 | 手機綜合區
為咗慳錢,但又想緊貼潮流追 Netflix 劇,不少人都出動到一招:共享帳號,搵幾個朋友一齊夾,除開每人 $20 都唔使,幫到慳返唔少錢。不過最近 Netflix 就限制共享帳號,而且仲燒到香港!版主自己其實都有 share 帳戶,正所謂「佢有張良計,我有過牆梯」,限制係要用來破解,有咩方法可以做到?睇下文啦!

FB.jpg

Netflix 改咗新政策,淨係得「標準」同埋「高級」方案嘅用家,先可以喺主帳戶以外,加入非同住嘅人作為額外成員,前者可以加入額外一個人,而後者就可以加入 2 個,但畀你加,但唔係免費,要焗你額外課金,位位 $28。

螢幕截圖 2023-05-29 下午7.08.47.png

「非同住者」如何界定?

而點樣為之「非同住者」,如何界定呢?唔通你出街,唔喺屋企,就當你唔係同住,唔畀你用?咁又唔係,Netflix 用一個最簡單嘅方法,一般屋企先會有嘅,係啲咩?就係電視機,所以佢會用「電視」,去定義嗰度係你屋企,並且根據 IP、設備 ID、活動狀態等等,判斷係咪同住者。換句話說,有經電視機連接嘅 IP Address 睇 Netflix,就會被當成同住用戶。而呢個 point,可以成為破解 Netflix 新政策限制嘅突破點!

最屈機破解大法:唔用電視睇咪得囉!

係呀,頭先講到,Netflix 會用「電視」去判斷係咪同住用戶,咁如果你唔用電視睇,咪判斷唔到邊度先係屋企,變相你用手機、電腦、平板睇 Netflix,暫時嚟講都唔會有限制。所以呢個方法,係最屈機嘅破解大法。

小小 Tips:用 shared email 或者 Forward Email 功能,驗證不求人

如果你廳一部電視,房一部電視,咁你喺第二部電視播放 Netflix 嘅時候,都係需要透過 Email 或者 SMS 進行驗證,確定係同住者嘅電視,咁先可以繼續使用,而如果你新增嘅額外成員,喺佢屋企度打開 Netflix,同樣都係需要 SMS 或者 Email 驗證,唔想下下都要求人咁麻煩,你哋就可以使用共用 Email 帳戶,咁樣就可以方便自己去驗證,又或者喺 Gmail 嘅「轉寄及 POP/IMAP 功能」設定入面,加入同你 share 帳戶嘅人 email,咁樣亦都方便使用者自己去驗證,達至「不求人」之效!

螢幕截圖 2023-05-29 下午7.15.37.png
 

最新新聞