主題:版主 5 步教你搶!3HK 五萬張免費 5GB 4G SIM 卡

ePrice HK
  • 發表時間:2016-03-07 20:24 收錄檢舉
    之前版主 Keith 就同大家提過, 3HK 將會同 TVB 合作,而且會係 3 月大派免費 SIM 卡,裡面包左 5GB 4G LTE 數據用量及 30 日任睇 mytv super 通行証。消息一出網友們反應都好熱烈!梗係啦, 5GB 4G 數據免費用喎,係人都流口水啦!好了,剛剛 3HK 正式公佈左派 SIM 詳情了,快啲睇下點樣搶啦!

    版主 5 步教你搶!3HK 五萬張免費 5GB 4G SIM 卡-0
     

    免費・5GB・ 4G LTE! 3HK 全線門市派 SIM 卡點樣拎?

    3HK 早一陣子就宣佈會同 mytv 合作,推出 myTV SUPER 的「影視娛樂數據服務組合」以及重頭戲-派免費 SIM 卡!不過,上次記者會上就未有提到點樣派 SIM 卡同埋相關細節。版主就同大家分享免費 5GB SIM 卡五部曲!

    001 日期: 3HK 剛剛宣佈,免費 5GB 4G SIM 卡將會係 3 月 15 日開始派發,大家要 mark 低呢個日子啦!

    002 地點:一於之前 3HK 放風消息一樣,免費 5GB 4G SIM 卡會係全線 3Shop 以及 3XPress 一共超過 60 個熱點派發,時間方面佢哋就提到係營業時間派發,即係一開鋪就會派啦!

    003 人人都可以拎 :  好多網友可能會諗住今次個活動只係比 3HK 客戶,其實唔係!因為就 3HK 提到免費 SIM 卡係會「向公眾人士免費派送」,即係人人有份。

    004 拎到 SIM 卡要點樣啟用:  呢個相當重要,大家要留意,拎到 SIM 卡之後都要知點樣啟用啊!首先,拎到 SIM 卡的網友要係  2016 年 12 月 31 號之前啟動儲值卡,跟住下載 myTV SUPER 手機 app ,再登記為期一個月的 myTV SUPER 體驗帳戶,咁就正式用到啦!其他收費如下圖:

    版主 5 步教你搶!3HK 五萬張免費 5GB 4G SIM 卡-1

    005 搶唔到免費 SIM 點算好:  相信好多人都有呢個問題,免費 SIM 卡始終有限,搶唔到機會都唔細。如果想免費睇 myTV Super 的話,只要係 4 月 17 號之前下載  myTV SUPER 手機 app,一樣有得免費睇一個月嘅!

    版主 5 步教你搶!3HK 五萬張免費 5GB 4G SIM 卡-2
    ▲ 今次話到明係同 TVB 合作搞,所以張 SIM 卡都只係可以用來睇大台啦⋯⋯
     

    搶 SIM 成功後, 4 大重點你要知!

    講完點樣拎 5GB 4G 數據 SIM 卡後,有一些重點係大家要留意的。

    第一,呢次免費派 SIM 卡 3HK 一早就帶晒頭盔話「數量有限,派完即止」,但之前係記者會上 TVB 都主動放風,話一共會有 5 萬張 SIM ,數量唔算少吧!

    第二, 3HK 方面講得相當清楚, 5GB 數據只適用於 myTV SUPER 服務以及係本地收看,換句話講呢張 SIM 係「為 myTV 而生」,不能用作其他用途的。

    第三,因為 myTV SUPER 係一個收費電視平台,版主 Keith 都有提過 TVB 的收費詳情,而今次 3HK 派免費 SIM 同時都送 30 日免費試睇 myTV SUPER ,所以大家要留意 30 日免費試用期過後,用戶睇 myTV Super 就要另外比錢。

    第四,搶到免費 SIM 的朋友可能都會問,如果用爆左 5GB Data ,點算好呢?都可以為 SIM 卡增值(再唔係用 WiFi 都睇到)。

    版主 5 步教你搶!3HK 五萬張免費 5GB 4G SIM 卡-3
    想搶免費 SIM 的朋友,唔使諗太多,記得 3 月 15 號去 3HK 門市拎就可以了!

    以上就係今次「搶 SIM 重點」啦!如果大家有咩問題,不妨留言講講啊!(最後最後,版主都要講句,個人實在無乜意欲搶呢張 5GB SIM 卡,因為 TVB 嘛⋯⋯曬時間睇實在唔值得,但版主 Keith 又話一定用,搶唔搶,睇下你係咪大台 Fans 啦!  )

    OTT 手機煲劇:myTV SUPER
    開台! myTV SUPER 你一定要知十五個間題
    版主 5 步教你搶!3HK 五萬張免費 5GB 4G SIM 卡
    谷客+谷收視 ! TVB + 3HK 聯手 3 月份大派 5GB 免費 SIM 卡
    無限上網,變面回歸! 3 香港 推 4G 1Mbps 全月任用
    MyTV SUPER 手機計劃登場! 月費 $39 起
    力撐 MyTV SUPER! $148 月費包寬頻 + OTT + App 收費電視
    光纖寬頻+無限Wi-Fi!「MyTV SUPER」寬頻組合平價登場!
    比錢睇大台?學維基、挑樂視 ! TVB Mytv SUPER 月中登場 月費最平 $38
    $38 十五條收費頻道任睇! 回答十個 MyTV SUPER 你要知嘅問題

    OTT 手機煲劇:NetFlix 使用天書
    一個月費,美劇、電影任睇!Netflix 香港版正式啟動
    Lycamobile 出動! 平 $13 兼睇有 House of Cards 嘅 Netflix
     

    亞視永恒+新免費電視:ViuTV 四月開台

    PCCW 推出 Viu OTT 視象服務! 樂視、myTV 有新對手了......
    HKT 香港電訊 正式推出 4K OTT 視像內容服務
    亞視提早停播! 睇晒八條 Q&A  要睇新免費電視 ViuTV 無難度
    網友公投:ViuTV 同 TVB 大比拼! 你會揀睇邊台?
    ViuTV 手機搶先看! 多套節目獨家追播! 並配上繁中字幕!
    搶睇 ViuTV 新免費台! 網友必記三大日子
    OTT 睇片 + 可錄影! NOW TV + 網上行推 all-in-one 4K 盒子!

    立即加入Facebook 專頁,新聞/消息/優惠,最快知。

    01樓 ▲TOP 回列表頁