主題:攜號轉台自己搞掂!3HK 推 DIY 儲值卡 最平 $120 年卡 Plan

ePrice HK
  • 發表時間:2021-03-15 16:12
    講到儲值卡,唔少網友都會留意呢幾件事:係咪年卡? 有幾多 GB 數據? 有無得攜號轉台? 麻唔麻煩? 而家駛乜諗咁多,3HK 推出全新 DIY 儲值卡,Join 乜 Plan,攜唔攜號轉台,由你話事,最平 $120 就有年卡 Plan,而且去旅行仲唔使換 SIM,一張卡搞掂,非常有彈性。想知呢張 SIM 嘅詳情,睇下文啦!

    攜號轉台自己搞掂!3HK 推 DIY 儲值卡 最平 $120 年卡 Plan
     

    3HK 推出全新 DIY 儲值卡,賣點有以下四個:


    001: 可自選年、月、日服務組合
    002: 可隨時購買本地 / 外遊數據計劃
    003: 可攜號轉台
    004: 無合約、無行政費


    攜號轉台自己搞掂!3HK 推 DIY 儲值卡 最平 $120 年卡 Plan

    而版主首先 Click 入去本地 4.5G 數據計劃,見到有 1 日、30 日以及 365 日計劃選擇,如果你選擇 1 日,就每日 $10 有 1GB 全速數據 + 無限 128kbps 限速數據,但要注意就係購買新儲值卡最低消費為 $50,即係如果你買 1 日 Plan,就要起碼買夠 5 日先得。

    而如果選擇 30 日計劃,則有 2GB、12GB、20GB 以及 36GB 四個數據用量選擇,當中嘅 20GB 以及 36GB 數據計劃,仲包埋「歡樂通宵」任用數據,即係每日 23:00-07:00 呢段時間,可以享有無限 7.2Mbps 數據。另外,除咗 2GB Plan 用哂變成 128kbps 限速任用數據之外,其他 3 個 Plan 都係用爆之後有 384kbps 限速數據。

    至於 365 日「年卡」Plan,則有 24GB 以及 120GB 兩個選擇,當中的 24GB 數據計劃,其中 12GB 係社交媒體數據,而 120GB 數據計劃,則有 20GB 係社交媒體數據。同時,兩個年卡 Plan 都有高達 10000 通話分鐘,而且同樣有「歡樂通宵」可以喺 23:00-07:00 任用 7.2Mbps 數據。

    攜號轉台自己搞掂!3HK 推 DIY 儲值卡 最平 $120 年卡 Plan

    除咗本地數據 Plan,DIY 儲值卡另有外遊數據計劃選擇,不過而家大家都無得外遊,有興趣就 Click 入嚟睇下外遊數據又幾錢啦

    立即加入Facebook 專頁,新聞/消息/優惠,最快知。

    01樓 ▲TOP 回列表頁