主題:數碼通 SmarTone 話你知 5G 開台覆蓋有幾廣,結界問題解決方法

  • 發表時間:2020-01-21 19:34
    5G 會係今年 (2020 年) 開台,唔少網絡商代表都出來講幾句。繼早前中國移動香港話俾大家知係 5G 制式上面,佢哋走得最前、3 香港透露 5G 網絡嘅收費模式搶先宣佈係長和系商場起 5G 網外,今日終於輪到數碼通。佢哋係一個記者會上,講過 5G 手機初期覆蓋及收費問題,大家好想知吧。

    數碼通話你知 5G 開台覆蓋有幾廣,結界問題有無解決方法
    今日 21/1,數碼通係香港科學園舉行咗一次 5G 係不同環境下應用嘅記者會。席間,SmarTone 總裁葉安娜女士及科技總裁鄒金根先生接受在場記者訪問,講過幾樣 ePrice 網友都想知嘅事。

    數碼通話你知 5G 開台覆蓋有幾廣,結界問題有無解決方法
    ▲ 右起:SmarTone 科技總裁鄒金根先生、SmarTone 總裁葉安娜女士
     

    六個訪問重點

    001: 5G 開台,有無你份?葉安娜表示 SmarTone 打算係今年第 2 季推出 5G 服務,希望喺服務推出一年內,覆蓋全港 8 成戶外地區,特別係人流集中嘅地方。

    版主 Keith 表示:大家記得當年 4G 開台時,Coverage 係點?版主覺得 8 成戶外覆蓋,都係合理嘅。

    002:係香港,5G 網絡會有「結界」問題 (按呢度了解更多),我住係大埔區,係咪無 5G 用架?鄒金根用「思考緊」去形容加陣嘅狀態,但相信會有方案去處理,包括運用現有頻譜,配合新頻譜提供服務,佢仲話開台嗰陣係「結界」地方,唔會全部變左「黑洞」咁,用唔到 5G。

    版主 Keith 表示:呢個係好消息嚟嘅,不過留意嘅係,若果用加陣 3G / 4G 頻譜轉為做 5G,因為 Bandwidth 唔夠闊,速度上,唔會及得用新頻譜嘅 5G 網咁快架。

    003:  香港起 5G 網絡,駛唔駛加好多機站架?鄒金根表示,好多人認為因為 5G 採用嘅頻段比以往 3G / 4G 都高,所以要更多嘅基站數目。不過,因為香港本身人流好集中,機站密度本身都高,可以用現有嘅基站去加建 5G 網絡,做出嚟嘅覆蓋會跟現時嘅 4G 差唔多。當之後流量更加大,先至要將基站做得更加密。

    版主 Keith 表示:咁似乎係香港起 5G 網,都唔係好困難嘅。

    004:數碼通 5G 收費會係點,會唔會好似 3 香港咁講,大約每月 300-400 蚊左右月費?鄒金根咁講:「世界上嘅 5G 網絡,收費都會比現時嘅 4G 高,但因為每月包括嘅用量 (data) 多咗,每 GB 嘅收費,會比加陣平好多。」而葉安娜強調:「係 5G 上,佢哋見到更多 B to B 或 B to B to C 嘅場景,令應用上有更大嘅想像空間,Smart X, Y, Z  (智能應用) 先係 5G 更重要嘅 Element」

    版主 Keith 表示:點解次次網絡商都咁講嘅?各大網絡商,都狂推數據任用嘅 Plan 喎,每 GB 收費?難度 5G 會無任用計劃?

    005:數碼通會跟 3HK、中國移動香港一樣先起 NSA (Non Standaone) 網絡嗎?鄒金根繼續表示,NSA 技術是比較成熟,但係數碼通建立 5G 網絡時,會起一個兼容網絡,當 SA 網手機出現,會自動都用到。

    006:大家都關心數碼通係咪唔用 Ericsson 嘅網絡設備,改用華為?葉安娜就話,其實佢哋睇緊網絡供應商嘅標書去決定 5G 網絡用邊個供應商,當中技術及費用都會係考慮之列,佢叫大家「拭目而待」因為 5G 網絡會係第三季推出,佢哋會好快有決定架啦!

    版主 Keith 表示:我無意見!亦無呢份勇氣去講,唔知網友點睇?
     

    香港 5G 重點消息

    香港 5G 實力搶先試!最快上網速度最快會係......
    長實首個有 5G 網絡商場!3 香港於「海之戀」建網
    3 香港高層講 5G:收費模式參考中韓 係平定係貴
    香港 5G 「結界」限制區可解決?政府新頻譜政策速睇

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
    • unclechak U11 80分droid turbo90分 艾瘋SE90分
    • 帳號:
    • 發文:955
    • 經驗:1768
    發表時間:2020-01-22 09:06
    香港點會唔用華記網絡呀...唉
    02樓 ▲TOP 回列表頁