網友關心月費多過速度
5G 推出,唔少網站都走去試速度。我哋 ePrice 無咁做,因為我哋知道,似乎網友更關心嘅係月費有無得減,無限上網係咪真無限。事實上,5G 推出背後,代表咗 4G 高用量上網計劃更加平。當然,大家都會記得,只要你識用儲值卡原來 21Mbps 速度,每月 20GB 用量,每用平均收費四十蚊有找。就算正正經上台簽合約,呢個速度嘅真無限上網都可以做到 $138。呢 D 都令正常嘅上台計劃,甚至好似 Birdie 嘅無合約計劃,都變咗無乜著數嘅雞肋。SmarTone 嘅 自由鳥 Birdie 近日開始通知客戶,會係 2020 年 5 月 5 日推出新計劃。點解咁早講定,因為佢哋要話俾 Birde 用戶知道,全部舊 Plan 係 5 月5 日會無晒。因為 Birdie 可以個個月轉計劃,所以點都要同客戶講聲先。若果你用舊 Plan 用得好開心,咁你可以繼續用落去。
點解 Birde 要轉 Plan,版主 Keith 有以下嘅想法:
001: 舊 Plan 唔夠打。csl. 嘅 club sim 近月學埋 Birdie 出無合約月費計劃,平又唔算平,但全部送無限分鐘,上網速度仲升級到最高 42Mbps。
002:進擊的 3 香港,透過 MO+ 副品牌,賣平價簽約計劃,其中 $138 月費免行政費,就有 21Mbps 真. 無限上網。最近連 Sun Mobile 都正式重推呢個 Plan。
或者 Birdie 都有推真無限的打算!?
003:CMHK 同 Birdie 阿媽數碼通,谷得最多唔係 5G Plan,一街都係賣緊 2Mbps 速度真無限上網。阿媽數碼通做緊 $98 月費 + $18 行政費;CMHK 連行政費都無,$88 月費 2Mbps 速度無用途限制任上網。2Mbps 係手機睇片都夠啦,真係廿四小時睇爆晒 Neflix 嘅劇都仲得。Birdie 會加推 2Mbps Plan,都唔出奇。
大家一齊睇下 5 月 5 日,佢地有乜攪作啦。
更多儲值卡優惠情報,請按此 (手機) 請按此 (電腦)