SmarTone 號稱擁有「至快、至穩、至順」，而且網絡覆蓋至廣，點做到，其實都係用到我哋多次提過嘅 DSS (Dynamic Spectrum Sharing) 技術，可以讓 4G / 5G 喺同一個頻段入面共存，並且可以做到喺 1ms 嘅時間內，將 4G 轉為 5G。而 SmarTone 亦表示，佢哋係全亞洲最先採用呢個 5G 網絡技術嘅公司，而呢個技術將來其他網絡商應該都有機會會引入。
SmarTone 的 5G 網絡覆蓋相當廣，在大部分的道路及高速公路、超過 60 個主要的室內地標，包括機場、IFC、APM、V City 等，SmarTone 都能夠覆蓋得到，覆蓋範圍已有 70%，而且就連結界區都有，將會使用 N1 來解決結界問題。另外，數碼通表示，預計到 2021 年中之前，就可以將全港 5G 覆蓋到最全面。
至於 SmarTone 的 5G 月費計劃價錢方面係點？根據發佈會所述，SmarTone 的 5G 月費計劃賣點是夠彈性，價錢資料如下：
▲ SmarTone 話佢哋月費計劃特性係夠彈性。
▲ 月費計劃為 $398 / 80GB，在推廣期 8 月 30 日前申請，會送額外 20GB 5G 本地數據，並且每月有 2GB 的大灣區數據及送埋內地號碼。另外，如果 80GB+20GB 唔夠用，則可以在該月加 $80 升級無限 5G 數據 (毋須簽約)，不過速度會限制為 5Mbps。而如果該月數據多得滯，你亦可以將數據滾存，本地數據可以滾存到上限 500GB，而大灣區數據則可以滾存到上限 10GB。
▲ 如果上台買埋 Samsung S20 系列手機，除了可以享有高達 $2100 淨機折扣，首四個月的月費更只需 $298，可享 100GB 的 5G 本地數據。
▲ 而 SmarTone 表示每個月都可以儲印花，每個印花可當 $200，最多可以儲 8 個，即 $1600，以作之後買其他 5G 手機用途。