主題:[教學] 香港 5G 行貨手機大檢閱!超過大半是 「5G 不全」

ePrice HK
  • 發表時間:2020-07-12 14:42
    雖然網友覺得 5G 月費未算好抵,但入手新手機,支援 5G,多咗樣功能,若果未來 5G 月費減價,我立即轉 Plan 就可以享用,點都有著數。加上,賣二千幾、三千幾嘅 5G 手機都有得選擇,入貨唔痛苦。不過,若果你想你部機,接收到香港任何一個台嘅 5G 網絡全部訊號,香港嘅行貨 5G 手機,超過一半就達唔到呢個標準,版主會用「5G 不全」(唔係五音不全) 去形容佢哋。想知邊幾部係「5G 不全」手機,立即睇睇!

    香港 5G 行貨手機大檢閱!超過大半是 「5G 不全」
     

    何謂「5G 不全」

    要收到 5G,你嘅手機都要支援接收 5G 網絡。但 5G 網絡,其實又劃分為不同嘅頻譜。以揸車做比喻,5G 頻譜等於唔同嘅 5G 高速公路,但唔係部部手機,都上到全部 5G 高速公路。萬一你去嘅地區,你住嘅地方,5G 高速公路去得到,但你部手機上唔到去,就變咗得物無所用,以下就係香港四間網絡商,已開啟或快張開啟嘅 5G 高速公路。用 5G 技術來講,就係會採用嘅 5G 頻譜。
     
    5G 頻段 (GHz) csl CMHK 3HK SmarTone
    n1 (2.1) 快將啟用 主力
    n78 (3.3/3.5) 主力 主力 主力 旺區採用
    n79 (4.9) 限制區
    已部份啟用
    限制區
    未啟用

    ▲ 以香港嚟講,主要採用上面圖表三個 5G 頻譜。csl 與 CMHK 主力會用 n78 頻段,但有留意我哋講過好多次,n78 係去唔到一D 叫 「5G 結界」或者官方叫 「5G 限制區」嘅地方,例如大埔、馬鞍山、科學園、粉嶺及赤柱一帶。csl. 與 CMHK 會用 n79 呢個頻段,進入呢 D 地區。其中,根據版主測試,csl 已喺大埔開咗部份 n79 頻段供用家使用。3HK 都會用 n78 做 5G 主力頻段,但因為佢哋無 n79,佢哋會用 n1 頻段做 5G 限制區嘅覆蓋。而 SmarTone 暫時以 n1 做主力全港覆蓋,包括 5G 限制區,而繁忙地區,會加入 n78 頻段補足。而 3HK 亦係好快嘅將來,全港開設 n1 頻段覆蓋。

    換句話講,你部 5G 手機,最好支援晒 n1、n78 及 n79 頻段,支援唔晒,就係「5G 不全」。其中,n78 會係最主力,n1 會係次要,n79 有就最好。
     

    有一半手機係 5G 不全

    以下,就係香港已上市,或將會上市嘅 5G 行貨手機,對 n1,n78,n79 三個頻段嘅支援情況。我哋會加入埋 5G 雙卡雙待嘅考慮。原來部份手機,若啟用兩張 SIM 卡,就不能使用 5G 網絡,呢個情況,對用家來講都係好大困擾。
     
    品牌 型號 n1 n78 n79 雙卡雙待 雙卡下支援 5G
    華為 P40 香港 5G 行貨手機大檢閱!超過大半是 「5G 不全」
    華為 P40 Pro 香港 5G 行貨手機大檢閱!超過大半是 「5G 不全」
    華為 P40 Pro+ 香港 5G 行貨手機大檢閱!超過大半是 「5G 不全」
    華為 nova 7 5G 香港 5G 行貨手機大檢閱!超過大半是 「5G 不全」
    華為 nova 7 SE 香港 5G 行貨手機大檢閱!超過大半是 「5G 不全」
    三星 Galaxy S20 Ultra 香港 5G 行貨手機大檢閱!超過大半是 「5G 不全」
    三星 Galaxy S20+ 香港 5G 行貨手機大檢閱!超過大半是 「5G 不全」
    三星 Galaxy S20 香港 5G 行貨手機大檢閱!超過大半是 「5G 不全」
    小米 10 香港 5G 行貨手機大檢閱!超過大半是 「5G 不全」 X 不適用 不適用
    小米 10 Pro 香港 5G 行貨手機大檢閱!超過大半是 「5G 不全」 X 不適用 不適用
    小米 10 Lite 香港 5G 行貨手機大檢閱!超過大半是 「5G 不全」 X X
    小米 POCO F2 Pro 香港 5G 行貨手機大檢閱!超過大半是 「5G 不全」 X X X
    Sony Xperia I II 香港 5G 行貨手機大檢閱!超過大半是 「5G 不全」 X X
    黑鯊 3 香港 5G 行貨手機大檢閱!超過大半是 「5G 不全」 X X X
    黑鯊 3 Pro 香港 5G 行貨手機大檢閱!超過大半是 「5G 不全」 X X
    Oppo Find X2 Pro 香港 5G 行貨手機大檢閱!超過大半是 「5G 不全」 不適用 不適用
    Vivo NEX 3 5G 香港 5G 行貨手機大檢閱!超過大半是 「5G 不全」 X X 未有資料
    ZTE Redmagic 5G 香港 5G 行貨手機大檢閱!超過大半是 「5G 不全」 X X 未有資料
    Realme X50 5G 香港 5G 行貨手機大檢閱!超過大半是 「5G 不全」 X 不適用 不適用
    HTC U20 5G 香港 5G 行貨手機大檢閱!超過大半是 「5G 不全」 X X
    TCL 10 5G 香港 5G 行貨手機大檢閱!超過大半是 「5G 不全」 X 未有資料
    Sharp AQUOS R5G 香港 5G 行貨手機大檢閱!超過大半是 「5G 不全」 X 不適用 不適用
    Lenovo Legion Phone 香港 5G 行貨手機大檢閱!超過大半是 「5G 不全」 未有資料
    三星 Galaxy Z Flip 5G 香港 5G 行貨手機大檢閱!超過大半是 「5G 不全」 不適用 不適用
    ASUS ROG Phone 3 香港 5G 行貨手機大檢閱!超過大半是 「5G 不全」
    One Plus Nord 香港 5G 行貨手機大檢閱!超過大半是 「5G 不全」 X 未有資料
    Vivo X50  香港 5G 行貨手機大檢閱!超過大半是 「5G 不全」 X 未有資料
    Vivo X50 Pro 香港 5G 行貨手機大檢閱!超過大半是 「5G 不全」 X X 未有資料
    ▲ 想知道上面咁多部香港 5G 手機行貨嘅其他賣點及規格,進入我哋 ePrice.HK 嘅手機資料庫,就可以知得更加清楚手機 5G 以外嘅賣點及規格。

    睇完嗰表,原來咁多行貨 5G 手機都係「5G 不全」,22 款裡面,有 14 款咁多。以品牌計算,小米出機數算多,有四款 5G 行貨手機,但全部都係 「5G 不全」,不支援 n79。其中 POCO F2 Pro 同時不支援 n1,即係呢部機,係 5G 限制區,永遠都收唔到 5G,而用數碼通及 3HK 亦會好多地方收唔到 5G。而小米 10 Lite 及 POCO F2 Pro 喺雙卡雙待情況下,用唔到 5G。而 Sony,HTC 等大廠,第一次出 5G  手機,都係 5G 不全,不支援 n79,都做唔到雙卡情況下收 5G。而 vivo NEX 3 5G、黑鯊 3 只支援 n78,5G 不全嘅情況嚴重。值得讚係三星及華為,全部 5G 手機都無呢 D 問題。

    結論:5G 網絡未必係大家買手機嘅重點,但的確有網友想試新嘢。若果你對 5G 網絡有需求,就最好買部全 5G 頻段兼全面支援雙卡嘅 5G 手機。無理由又要洗錢,又要買部缺陷機架呀。

    最後更新:2020 年 7  月 28 日
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
    • unclechak U11 80分droid turbo90分 艾瘋SE90分
    • 帳號:
    • 發文:982
    • 經驗:1824
    發表時間:2020-07-14 09:00
    行貨都唔齊BAND, 不如買水
    02樓 ▲TOP 回列表頁