上網慢得要命?網速緩慢的隱藏原因

石先生 2020-08-13 22:56 | 網絡消息
networkspeed01.jpg

Download 野好慢,睇 YouTube、Netflix 片經常空轉?可能大家會懷疑自己今日會不會是當黑,如果大家知道網速緩慢的隱藏原因,大家就可以趨吉避凶啦。

首先要清楚上網的服務計劃
點解屋企上網咁慢?係愛定責任?因為無睇清楚上網服務計劃呀。上網慢就好似你覺得部電器壞,其實係無入電一樣,最大主因係頻寬上網服務計劃的速度大慢而引致,如果大家要應付 Netflix 的 4K HDR 影片,建議大家最少都用 1 Gbps 頻寬服務。

Router 太差累事
相信大家都習慣用 WiFi 上網,家中網速太慢的原因,有可能是個 Router 規格太差出事。最新的 Router 的 WiFi 6 標準,已支援最高約 900 Mbps 的上網速度,接近完美對應屋企 1 Gbps 頻寬服務。當然,如果大家屋企較大,要完整地整間屋都用到 WiFi 上網,都建議大家用 Mesh WiFi Router。

Router 頻道超載
舊款 Router 主要用 2.4GHz 頻道上網,不過其實整棟大廈,都是用 2.4GHz 頻道上網,當頻道超載時,網速就會變慢。用 Network Analyzer Lite(iOS)或 Wifi Analyzer(Android)之類的工具,就查看 WiFi 有否超載,手動選擇網絡通道都可以解決問題。新款的 Router 都已經支援 2.4GHz 及 5GHz 兩個網絡頻道,建議盡量使用 5GHz 頻道,可將網絡變慢問題大大改善。

其他裝置干擾
其實除左 Router 用 2.4GHz 頻道通訊外,屋企入面好多電器都用 2.4GHz,例如電視、收音機、雪櫃、微波爐等,將 Router 遠離這些網置,亦可減低干擾,令各個裝置都可以有更出色的表現。

重啟 Modem 及 Router
如果上網速度比預期中慢,重啟 Modem 及 Router 都是一個方法,重新使用不同 IP 及頻道上網,或許可以改善問題,如重啟後連接 Lan 線上網都是很慢甚至沒有反應,就要致電到 ISP 作維修了。

Router 置放位置不夠好
上網慢亦有可能是大家放 Router 的位置不夠好,置放 Router 其實應該盡量遠離牆邊,能放於屋企中心的範圍就最好,當然理想與現實會有很大距離,如果大家想整間屋中有良好的 WiFi 接收,都係建議大家用 Mesh WiFi Router。因為暫時無一款 WiFi 比它無線覆蓋更大範圍。

後台消耗網絡頻寬
大家用手機或電腦上網,除左自己正常睇網頁或播片以外,其實後台都可能正在消耗網絡頻寬,例如正在更新 Apps、系統提升、而保持應用連接,都要用到網絡頻寬。如果上網速度慢得不能接受,都可以看看手機或電腦的後台,是否有大量應用正在消耗網絡頻寬。

手機或電腦可能中毒
檢查了以上網絡速度變慢的原因,如果都沒有改善的話,那麼大家使用的手機或電腦可能中毒。因為染上電腦病毒時,通常黑客都會利用網絡竊取用家的資源,因而令網速變慢。安裝有效的防毒軟件,則可避免中毒情況,或者直接選擇有防衞機制嘅 Router 好似 NETGEAR RS400 咁都係一個方法。

最新新聞