主題:預測 2021 手機五大趨勢!邊項改變會令你更期待?

ePrice HK
  • 發表時間:2021-01-02 11:55
    各位親愛嘅網友,2021 年終於到了,先同大家講句 Happy New Year,而今日 1/1 大家都放假,講下啲輕鬆啲嘅嘢,到底今年手機界嚟講,會有咩新趨勢呢?會唔會有啲好勁爆、好正嘅新嘢,可以畀到大家睇呢?內文同大家一齊估下啦~

    預測 2021 手機五大趨勢!邊項改變會令你更期待?
     

    001: 手機愈出愈輕薄,或會傾向方正設計?

    Apple 今年推出 iPhone 12 系列,手機用返方正設計大受歡迎,所以有傳聞,下年 2021 年將可能會有一大批類似設計的手機推出,而且會愈出愈輕薄,手機厚度會控制喺 8mm 內。不過計我話,手機薄唔薄都係其次,手感先係最重要,有啲手機出到好薄,但影響到揸得唔舒服,咁我就覺得唔合格囉。

    預測 2021 手機五大趨勢!邊項改變會令你更期待?
     

    002: 屏下鏡頭手機漸趨廣泛應用

    手機設計愈來愈簡潔,都會係未來趨勢,所以好似而家好興,為咗放前置鏡頭而特登整個瀏海,挖個窿,但呢啲係咪網友所喜歡的?當然不是。事實上,今年已經有大陸品牌手機,推出咗屏下鏡頭,相信去到 2021 年,技術更成熟時,屏下鏡頭手機將會愈來愈普及。

    預測 2021 手機五大趨勢!邊項改變會令你更期待?
     

    003: 屏幕刷新率再進一步提高

    原本以前手機屏幕刷新率只係 60Hz,近呢一兩年開始轉變,愈來愈流行更高的屏幕刷新率,90Hz、120Hz、144Hz...... 而可以推測,今年應該只會愈推愈高,160Hz? 200Hz? 或者啦。不過又老實,可能我對眼有問題,60Hz 同 90Hz 我都睇到有分別,90Hz 同 120Hz,實際使用上真係有咁大分別?除咗碌得快啲,我覺得實際使用無乜大差別。另外,屏幕自適應調節應該都會普及,即係會自動根據你做緊乜,自動調節刷新率,有助慳電。唔知你又點睇呢?

     

    004: 充電更快,或會效法 Apple 推「MagSafe」

    大家今年都有眼見,無論係無線快充定係有線快充,都有好大速度上嘅提升,無線就去到 50W,而有線就去到 125W。不過就主要係大陸廠推出嘅手機,但去到 2021 年,相信其他品牌旗艦機都會提升到 60W 甚至 120W 嘅有線快充,而無線快充亦有望由 30W 起跳。另外,Apple 今年玩到磁吸「無線」充電,你估其他廠會唔會跟呢?我就覺得都會,只係時間問題。(Btw 機背磁吸充電,Apple 唔係先例,之前黑鯊 3 都有推出過,概念上一樣,只係設計稍有不同)

    預測 2021 手機五大趨勢!邊項改變會令你更期待?
     

    005: AR 技術更成熟

    Apple iPhone 12 用到雷達激光感應器,大大增強 AR 方面嘅表現,而有預測其他品牌智能手機,或會相繼使用這種感應器,令雷達激光感應呢個技術成為標配,同時亦會讓 AR 技術更加成熟,更加好玩。
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁