用 App 派利是!八達通送你高達 $118
|
網絡消息
八達通公司今日發出新聞稿,宣佈由 2 月 12 日 (大年初一) 至 3 月 12 日 (年廿九) 期間,推出八達通銀包「e利是」功能,讓用戶可以派發及接收「e利是」,話可以疫情下減低接觸病毒嘅機會,同時可以省免使用利是封以及換新鈔喎。家長亦可以代收小朋友利是,透過八達通銀包直接嘟入小朋友八達通卡,令未能親身拜年嘅小朋友可遙距逗「e利是」。
為鼓勵用戶使用「e利是」,首 20000 名已設立轉數快銀行自動轉賬嘅八達通銀包用戶,如成功派發「e利是」畀 20 個用戶累計 $300,就可獲 $38「e利是」獎賞; 成功派發畀 40 位用戶累計 $600,則可獲 $88「e利是獎賞」。另外,新設立轉數快銀行自動轉賬嘅八達通銀包用戶,仲可獲 $30 迎新「e利是」,最高送你 $118。網友又會唔會用八達通 app 嚟派利是呢? 留言討論下啦!