【疫下新常態】震驚!電器舖最受歡迎唔係賣電器,居然係......

左定坤 (Cho Ting Kwan) | 網絡消息
每日確診人數都幾萬幾萬咁上升,其實除咗返工無辦法之外,平時其他時間根本就唔想出街,版主都一樣,好在以前有同開出面大舖店員打好關係,有時有咩需要想知,一個 WhatsApp 問下,都還可以。而今日就同一個大舖朋友寒暄一番,得知佢哋而家最受歡迎,最多人留意嘅,居然唔係手機、電器產品,居然係......

今日版主就同蘇寧一位朋友寒暄一下,了解下最近有無乜特別嘢,你知啦,有時蘇寧會突然間有啲「寶物」搵到,例如突然將啲好舊嘅機拎返出嚟賣清貨。而呢位朋友就話,最近都無乜特別嘢,反而最近就瘋狂賣快速檢測劑,佢哋有賣嘅係華大基因 BGI GLINE-2019-nCoV Ag 快速抗原檢測試劑 5 套裝,而大家都知市面有好多唔同牌子嘅快速檢測劑,呢款係其中一款符合政府標準嘅快速檢測劑,政府都會派畀指定群組去做自我檢測,詳情可以去返政府相關網站,了解政府派出去嘅有乜嘢品牌

而蘇寧而家賣嘅呢隻快速抗原檢測套裝,就賣緊 $345 一盒,一盒即係有 5 套,平均每套為 $69。而如果你買 10 盒或以上,咁就平均 $270 一盒,計起上嚟平均每套 $54。未買快速檢測嘅網友,會唔會考慮去買呢款快速檢測劑返屋企旁身呢?
   
廣告