政府突發緊急警示嚇死人！原因原來係咁......
|
網絡消息
訊息內容係咁嘅：「特區政府提示，醫管局伊利沙伯醫院 3 月 9 日起成為定點醫院，專門接收新冠病人，其急症室亦以接收新冠確診病人及有生命危險的緊急病人為主，其他人士請勿前往，多謝市民配合。」
睇返台灣，其實佢哋一直都有呢啲緊急警示，主要用喺天災 (例如地震)，或者空襲警報，而香港今次就因為提醒人唔好去伊利沙伯醫院，所以就出呢個緊急警告。似乎我哋都可以預計到，第時如果再有其他醫院都用嚟做定點醫院，政府都會一樣照發出類似嘅警示，咁到時大家就記得睇，記得留意一下係唔係真係咁緊急喇！
事實上，政府呢個「緊急警示系統」，喺 2020 年 11 月 26 日已經推出，主要用於極端天氣、嚴重公共安全和衞生事故等緊急情況。而根據政府官網表示，「系統將通過流動網絡向用戶發出具迫切性的訊息，屆時手機將發出長約 10 秒的聲響與振動提示。」另外，訊息會分兩個級別，分別為「極度緊急警示」以及「緊急警示」，而我哋啱啱收到嘅，正正就是「緊急警示」。
