金屬薄身吸引嗎? Samsung Galxay Alpha 電量變細、冇插卡!

Eddie 2014-08-13 18:14 | Samsung
早幾日版主虎仔同大家睇 Samsung Galxay Alpha 既流出照既時侯都講過,呢部機又似小米 4 ,又有 iPhone 5/5s 既影子,今日呢部機正式現身,外型方面真係用左金屬邊框,不過規格方面,呢部新機中 720p 屏幕、 雙四核處理器、 32GB ROM 亦都唔可以插卡,而電池得 1860mAh ,2014 年仲出呢個規格會唔會有少少落後呢?傳聞呢部機唔會賣得平,網友不如又講下,你肯用幾錢買佢?

精巧金屬風,Samsung Galaxy Alpha 正式發表!


Samsung 終於採用金屬機身! Galxay Alpha 賣薄身不過電量細!

Samsung 終於出番部有金屬手機 Galaxy Alpha ,唔使再比網友話佢得膠機啦(傳聞下個月發佈的 Samsung Galxay Note 4 都係會用金屬邊框),不過就同小米 4 一樣只係得邊框地方係金屬,機背仍然係沿用塑膠質感。呢部機賣既就係薄身設計,最薄既地方只有 6.7mm ,只係厚 Sony Xperia Z Ultra 少少,重量 115g 亦都係好輕身,唔知網友 Buy 唔 Buy 呢個設計呢?

不過講起規格方面, Samsung Galxay Alpha 其實規格算係入門到中階,屏幕方面係 4.7 吋 1280 x 720 解像度屏幕、採用與 Galaxy S4 時脈相同的 1.8GHz + 1.3GHz 雙四核心處理器,搭配 2GB RAM / 32GB ROM(不能外置插卡), 1200 萬像素主相機可以拍 4K 影片,而前鏡頭 210 萬像素,可換電池容量得 1,860 mAh,現時入門級既機種例如紅米、 Zenfone 5 都有 2000mAh 電池既時侯,真係唔知呢部機續航力夠唔夠。


雖然規格普通,不過 Galaxy Alpha 呢部手機用到 Samsung Galxay S5 既部份功能,例如指娛解鎖、心跳偵測、超省電模式、隱私模式功能,亦都有 4G + WiFi 同時使用既下載加速器。而呢部手機上網速度係支援到 Cat 6 制式,可惜香港仍然行 Cat 4 速度,估計香港發售亦都用唔到。

而最最最重要既野大家應該想知,呢部機幾時賣,又會賣幾多錢呢? Samsung Galaxy Alpha 將會係 9 月正式發售,然而官方未公佈香港會唔會賣,亦都未有價錢既資料。根據 GSM Arrena 既資料,俄羅斯定價接近 $690 美金(約 $5,348 港幣),不過就要留意俄羅斯賣機比較貴,香港到貨有可能會平少少。不過而家 HTC One (E8) 定價 $3,998,買邊部比較好就真係見仁見智啦。網友們又認為呢部 Samsung 推出既金屬邊框手機你肯用幾錢去買呢?留言講下意見吧!

精巧金屬風,Samsung Galaxy Alpha 正式發表! - 8
▲Samsung Galaxy Alpha 共發佈黑、白、灰、金、藍五種顏色,將於 9 月上市。

在文章發佈的時侯,Samsung Galaxy Alpha 未公佈在香港的定價,按此看詳細規格和最新賣價。

相關產品 (1)

相關報導 (3)

香港獨家!Samsung Galaxy Alpha 金屬質感挑機 iPhone 5s!

香港獨家!Samsung Galaxy Alpha 金屬質感挑機 iPhone 5s!

SamsungGalaxyAlpha是一部很神奇的手機!擺是衝著iPhone64.7吋而來,唔玩大玩細芒,4.7吋還要用720p解像度,跟傳聞iPhone64.7吋芒版好鬼似。今次ePrice的版主有機會上手試,呢部機太似iPhone?實際上又係點呢?就比大家睇睇真機圖啦!

Eddie | 2014-09-02
金屬薄身吸引嗎? Samsung Galxay Alpha 電量變細、冇插卡!

金屬薄身吸引嗎? Samsung Galxay Alpha 電量變細、冇插卡!

早幾日版主虎仔同大家睇SamsungGalxayAlpha既流出照既時侯都講過,呢部機又似小米4,又有iPhone5/5s既影子,今日呢部機正式現身,外型方面真係用左金屬邊框,不過規格方面,呢部新機中720p屏幕、雙四核處理器、32GBROM亦都唔可以插卡,而電池得1860mAh,2014年仲出呢個規格會唔會有少少落後呢?傳聞呢部機唔會賣得平,網友不如又講下,你肯用幾錢買佢?

Eddie | 2014-08-13
6.7mm 薄 + 金屬機邊! 三星 Galaxy Alpha 戰 iPhone

6.7mm 薄 + 金屬機邊! 三星 Galaxy Alpha 戰 iPhone

未推出,先害怕?還是當別人未上市,已出招?講的是Samsung終於發佈了衝著傳聞4.7吋屏幕+薄身的iPhone6而來的SamsungGalaxyAlpha。用上跑分好快的Samsung自家雙四核心處理器,有6.7mm薄機身。今次無咁膠,換來金屬機邊。不過,它只有4.7吋芒,解像度是720p不是全高清。更一改插卡設計,32GBROM配2GBRAM。最重要是,真機靚唔靚?外國已有Review了,齊齊睇睇。

Keith Yim | 2014-08-13

最新新聞