唔止 HTC,三星都有份!數碼通網店手機清貨減價,有無邊部抵玩?

左定坤 (Cho Ting Kwan) 2018-02-02 19:02 | Samsung
版主留意到一個現象,呢兩日開始似乎 SmarTone 網店做緊手機清貨減價,就好似尋晚同大家講過嘅 HTC U Play,其實前日睇仲係賣緊 $1498,點知隔左一日又平多左少少,最新賣價跌到落 $1314,仲平過紅米 5 Plus,難怪即晚就俾網友搶清光。而今日諗住再去 SmarTone 網店睇下啦,又發現到多左幾部手機做緊「超級優惠」,當中仲包括三星手機,你又認為有無邊部抵玩呢?睇下文啦!

SmarTone(Facebook).jpg

無錯,SmarTone 網店係有做緊優惠,但並不是部部清貨手機,都咁抵玩。今期做緊「超級優惠」的,有三星 Galaxy J5 Prime、Moto Z2 Play、G5s Plus 以及 G5 Plus,然而最唔抵的,應該是 Z2 Play,所謂超級優惠都只係賣緊 $3099,同之前大舖價有乜分別呢?再加上,如果去 eLoyal.hk 入手的話,亦只需 $2998,相比 SmarTone 仲要平多一舊水,仲會送 Z2 Play 豪玩禮品套裝 (價值 $599,內含 Carbon Fibre Style Shell、手機金屬保護框、Moto 自拍棒)、自選款式 Moto Style Shell 一個、透明機身保護套以及保護貼。

27707166_556240411401436_513588488_o.png

可以考慮下的只有餘下的三部,當中 Samsung Galaxy J5 Prime 在大舖仲係賣緊 $1598,而數碼通網店則以 $1314 清貨,唔可以話十分抵,畢竟 specs 唔係太好,仲係用緊 N 年前的 Qualcomm S617 處理器,內置 3GB RAM 以及 64GB ROM,同 U Play 一樣無 NFC,而且得 5 吋細芒,值唔值得入手就真係見仁見智。

而 Moto 另外果兩部機,G5 Plus 以及 G5s Plus 又如何呢?G5 Plus 的確係平過大舖嘅,豐澤賣緊 $1999,而 SmarTone 則平多 $200。S625 U 有 4GB RAM 又唔係話特別差,但好似舊左少少喎。咁 G5s Plus 又點呢?其實 G5s Plus 同 G5 Plus 個差別唔算十分大,係個芒大左少少囉,同埋個相機就單鏡變雙鏡,由 1200 萬像素變左 1300 萬像素咁囉。不過咁,G5s Plus 周圍大舖好多都無賣嘅,eLoyal.hk 賣緊 $2198,而家 SmarTone 賣 $1999,似乎仲平一點喎,你又會唔會考慮呢?

Samsung Galaxy J5 Prime 在文章發表時,大舖賣價為 $1598,按這裡有詳細規格及最新賣價
Moto G5 Plus 在文章發表時,SmarTone 清貨價為 $1799,按這裡有詳細規格及最新賣價
Moto G5s Plus 在文章發表時,SmarTone 清貨價為 $1999,按這裡有詳細規格及最新賣價
Moto Z2 Play 在文章發表時,eLoyal.hk 賣價為 $2998,按這裡有詳細規格及最新賣價

相關產品 (4)

相關報導 (3)

唔止 HTC,三星都有份!數碼通網店手機清貨減價,有無邊部抵玩?

唔止 HTC,三星都有份!數碼通網店手機清貨減價,有無邊部抵玩?

版主留意到一個現象,呢兩日開始似乎SmarTone網店做緊手機清貨減價,就好似尋晚同大家講過嘅HTCUPlay,其實前日睇仲係賣緊$1498,點知隔左一日又平多左少少,最新賣價跌到落$1314,仲平過紅米5Plus,難怪即晚就俾網友搶清光。而今日諗住再去SmarTone網店睇下啦,又發現到多左幾部手機做緊「超級優惠」,當中仲包括三星手機,你又認為有無邊部抵玩呢?睇下文啦!

左定坤 (Cho Ting Kwan) | 2018-02-02
越級挑戰最強拍攝 HTC U11! 真三卡 Moto Z2 Play 開箱試玩

越級挑戰最強拍攝 HTC U11! 真三卡 Moto Z2 Play 開箱試玩

版主坤哥話,Moto出左新機Z2Play,相機竟然係用HTCU11同型號感光元件。本YK懷著期待萬分的心情、戰戰兢兢地接過一盒MotoZ2Play。對上一部在港推出的入門機MotoG5Plus實在太醜,缺乏「摩記」應有的剛陽之氣!作為一名Moto愛好者,我一手hold住盒Z2Play,一手伸入條褲,取出紙巾清潔雙手後,深呼吸。好,正式開箱!

YKer | 2017-07-24
特價三星手機!平千一蚊入手 S7 Edge,兼有姆明贈品!

特價三星手機!平千一蚊入手 S7 Edge,兼有姆明贈品!

又到聖誕,又到聖誕!係時候買部手機贈慶!筆者相信,三星手機依然係不少網友嘅選擇!有無想過,可以用特價買機,其中呢排谷得好勁嘅S7Edge,更比原價平足千一蚊之餘,仲有姆明贈品!想知去邊先有呢個優惠?一齊睇睇!

管理員 | 2016-12-15

最新新聞