越級挑戰最強拍攝 HTC U11! 真三卡 Moto Z2 Play 開箱試玩

YKer 2017-07-23 09:37 | Moto
版主坤哥話,Moto 出左新機 Z2 Play,相機竟然係用 HTC U11 同型號感光元件。本 YK 懷著期待萬分的心情、戰戰兢兢地接過一盒 Moto Z2 Play。對上一部在港推出的入門機 Moto G5 Plus 實在太醜,缺乏「摩記」應有的剛陽之氣! 作為一名 Moto 愛好者,我一手 hold 住盒 Z2 Play,一手伸入條褲,取出紙巾清潔雙手後,深呼吸。好,正式開箱!

FB.jpg

「摩蝙蝠」登場
第一代  Z Play 給我的感覺是試驗機: 背後直板玻璃(脆弱的工業設計方案)、正面方形指紋(跟機身格格不入),過大電池導致機身偏厚等。Z2 Play 與其說是第二代,到不如說是第一代的補完版,硬件上沒有升級,但設計細節上完全補足了前代的缺失!

IMAG0095.jpg
▲ 其實讀「Z Two Play」係唔多正確。「Z Square Play」係咪印證我嘅講法:佢係第一代的補完版?

IMAG0096.jpg
▲ 差點忘記講,Z 系列的 Moto 手機都可以共用 Moto Mods 任何組件,我最想要個電池 mod,暴增電量之餘又完美貼合機身。不過今次開箱就無 Mods 份,等下次啦!

IMAG0098.jpg
▲ 開箱喇! 隨機配件五寶:火牛、數據線、耳機、卡針、說明書。

IMAG0099.jpg
▲ 其中值得留意係,Z2 Play 支持 TurboPower 快速充電技術,官方聲稱充電 15 分鐘可續航長達 7 小時! 

IMAG0100.jpg
▲ 規格上看到專用火牛有 5V - 3A、9V - 1.6A 和 12V - 1.2A 三種充電模式。 

IMAG0101.jpg
▲ 最後係真機登場! 金色? 傻的嗎? 我心中的 Moto 得黑色先叫做 Moto 咋! 官方主打功能都寫嗮係上面,但有部分我認為係正野卻無寫上去。。。(大量氣泡係因為我後期補翻貼上去~)


造工好、好、好! 
N 年前 Moto 併入聯想後,成日擔心新出的手機造工會大幅度變差。正所謂「一分錢一分貨」,入門機 Moto G5 Plus 個造工雖然好過同期對手,但始終唔係熟悉的「堅強的摩記」,揸落去無感覺。但 Z2 Play 完全翻嗮黎,畢竟等級唔同,揸落去硬到喊,比到我一種堅實的手握感,而且毫無虛位。再敲敲個金屬背,「噗噗噗」呢種聲音,猶如你揸住一把寶劍係石洞內亂揮亂斬都唔會怕佢斷口一樣! 宜家開始流行玻璃機身,部部旗艦都好似工藝品咁。。。咁容易自動爛,想要一部用料足、造工好的金屬機,本 YK 摸黎摸去都摸唔到幾多部,唉~

IMAG0115.jpg
▲ 擁有 5.5 吋 OLED 1920 x 1080 解像度的顯示屏,並蓋上第三代康寧大猩猩強化玻璃。機身加入納米級防水塗層,但並非 IP 規格的防水,官方亦說明請勿放入水中。

IMAG0121.jpg
▲ 機身厚度只有 5.99mm,握感非常好。雖然比上一代 6.99mm 更薄,但換來少 510mAh 電量。

IMAG0105.jpg
▲ Z2 Play 擁有 85 度廣角前鏡頭,五百萬像素配以 f/2.2 光圈略嫌不足,所以亦加入雙色 LED 燈補光。

IMAG0106.jpg
▲ 今代指紋改成橢圓形,美學上看比奇怪的方形好得多,指紋同樣是輕觸式並非按壓式,解鎖速度快速。但重點是 Z2 Play 針對話音質素,在正面面板上設有一個獨立收音孔。

IMAG0107.jpg
▲ 呢排流行窄邊框,雖然本人對窄邊框毫無喜好,因為窄就等於機身脆弱,但因應部分網友訴求,我請來「一蚊大師」作為對比。

IMAG0108.jpg
▲ 音量鍵和電源鍵手感清脆,電源鍵亦有做鋸齒形,增強觸感準確度。

IMAG0110.jpg
▲ 機身頂部有另一個收音孔,以及三卡槽,在今天「三選二」的世界裡面,真三卡的手機很少,質素高的選擇更少!

IMAG0113.jpg IMAG0114.jpg
▲ Z2 Play 採用「一卡架」方案,正面安裝一張 micro-SD,最高支持 2TB 容量;反面就是雙 nano-SIM 支持雙卡雙待。

IMAG0109.jpg
▲ 機身底部保留了 3.5mm 耳機,因為有妙用(稍後會說); 還有一個 USB 3.0 Type C 接口,以及印上一堆資料標籤。

IMAG0117.jpg
▲ Z2 Play 機背並非金屬色塗料咁簡單,而係真正全金屬機背! 邊框黑色的物料是訊號天線,底下就是連接 Moto Mods 的金屬接點。 最霸氣的莫過於一顆大眼睛鏡頭,採用的感光元件跟目前攝影最好的手機 HTC U11 相同。


性能普通、打機免問!
Moto Z2 Play 配備高通 Snapdragon 626 處理器,配合 4GB RAM 和 64GB ROM,內置電池達 3000mAh,就咁睇真係好入門。係呀,所以買手機剩係睇處理器、專用手機玩大作的朋友係唔需要考慮 Z2 Play。不過,作為中階定位 Z2 Play 已經足夠應付「聽歌、睇戲、碌FB」有餘,有餘,有好多餘喇~

Screenshot_20170722-215614.png
▲ 系統預載幾乎是原生版的 Android 7.1.1,我看不到有任何大改的痕跡,只有幾個預載應用程式,爽快簡潔無窒機!

Screenshot_20170722-223420.png
▲ 安兔兔跑分達到 67900 分,性能表現稍比 S625 好(平均是 62000 分),中階處理器當然跟旗艦 S835 有一段差距。

Screenshot_20170722-224518.pngScreenshot_20170722-224511.png
▲ CPU-Z 顯示 ROM 可用空間大概有 50GB,可用 RAM 有 1870MB;但令人吃驚的是:我已安裝最新版 CPU-Z,但處理器仍顯示為 S625 而非 S626,究竟係咪比人「狸貓換太監」(換左又閹左)呢?

根據高通官方網站資料,我整理一個表比大家睇 Snapdragon 625Snapdragon 626 的重點差異:
 
高通移動方案 Snapdragon 626 Snapdragon 625
藍牙 4.2LE 4.1LE
Qualcomm® TruSignal™ Antenna Boost 無顯示
CPU 最高時脈 2.2GHz 2.0GHz
部件編號 8953Pro 8953

其他野一睇就明,S626 明顯同 S625 無太大分別,而我手上的 Moto Z2 Play 確實用 S626 處理器。咁到底 TruSignal Antenna Boost 係乜黎? 呢項技術早應用在旗艦方案 S820 身上,官方聲稱技術針對手機訊號穩定性和質素:減少斷線、加快數據流量、增強話音質素。 最重要係官方文件寫住呢項技術可以提升 20% 續航力!

Screenshot_20170722-222740.png
▲ Basemark ES2.0 Taiji 的圖像性能測試結果只有 47.15 fps,所以我話大作就唔好考慮,普通遊戲都可以玩得開心嘅。

Screenshot_20170722-220834.png
▲ 順便比埋 AndroBench 結果大家參考下,詳情可以睇本 YK 之前寫過的文章


貼近原生 Android、無多餘應用
買 Android 手機最重要睇乜? 當然系統啦! 一個系統寫得好唔好,主宰用戶使用體驗,包括界面流暢度、運行的穩定性、電力續航表現等等,統統與系統是否寫得好有關。 Moto Z2 Play 貼近原生,界面上看不到有明顯的修改痕跡,系統亦跟隨 Android 原有的風格,預載幾個實用的 Moto 自家 App 外,就無任何冗員嘅存在~

Screenshot_20170723-112435.pngScreenshot_20170722-215113.png
▲ 保留 Android 7.1.1 原有的上拉式 Launcher,清爽的界面風格;但同時又加入一些實用的小功能,補充原生系統功能上的不便。

Screenshot_20170723-112445.pngScreenshot_20170723-112449.png
▲ Moto 自家 App 只有幾個: 裝置說明(具備自帶測試硬體、軟件更新等工具)、檔案管理員、FM 收音機(保留 3.5mm 最大作用就係收音機!)、Moto(設定獨有手勢動作)和 Moto Mods(設定 Mods)。

Screenshot_20170722-220850.pngScreenshot_20170722-220919.png
▲ 最新的分割屏幕功能,Moto Z2 Play 自然跟埋;而且部分應用如電話,會跟隨屏幕大小自動切換排位。


相機界面好用、成像可挑戰旗艦?
早排睇版主坤哥文章先知道原來 Moto Z2 Play 用上同 HTC U11 一樣的感光元件,後者係目前市面上最好的攝影手機,令我對 Z2 Play 非常期待。要知道 Moto 相機歷史上都係比較差,主要是偏色問題。有段時間「室內變綠魔」成為本人生活常態。之後 Z 系列出現稍有改善,唔知今代會否更上一層樓、直通頂樓呢?

IMAG0111.jpg
▲ Moto Z2 Play 擁有 1200萬像素 Dual Pixel 主鏡頭,相位對焦 + 雷射對焦配合 f/1.7 大光圈,就咁聽落已經覺得吸引。

IMAG0119.jpg
▲ 有人話大眼鏡頭好醜樣,但本 YK 就覺得好型,係 Moto Z 系列的象徵!但鏡頭究竟有幾厚? 實測係厚過一蚊。但呢個鏡頭厚係有原因,因為 Moto Mods 除了金屬磁力接點吸附外,亦需要突出的鏡頭作為一個固定的受力點。 如果安裝 Mods 後,反而希望鏡頭再厚少少唔會凹落去咁樣~

Screenshot_20170722-215151.pngScreenshot_20170722-215217.png
▲ Moto 手機拍攝界面一向都是簡約風格,而且非常直觀。 相機應用有齊自動、手動、錄影、慢動作、全景五大功能外,仲有一個深度配合 Youtube 直播的即時串流功能!


相機越級挑戰 U11 實測
呢度我做一個簡單對比測試,用 Moto Z2 Play 嘗試越好多級挑戰號稱最高分 DxOMark 的 HTC U11,睇睇結果如何? 測試條件依然是全自動模式,除了統一對焦點外,其他參數一律保持原狀。兩機均預設打開 AUTO HDR,設定 4:3 的 1200萬像素相片,不使用補光燈等。【擺放位置:Moto Z2 Play (左 / 上);HTC U11 (右 / 下)】

IMG_20170723_124132854_HDR.jpgIMAG0126.jpg
▲ 照片色澤上 U11 接近肉眼和實物,Z2 Play 受到輕度逆光影響,妖怪貓輕微變橙。細膩度上, U11 放大後仍可清楚看到妖怪貓頭上的塵埃,Z2 Play 反而在「鼻」格線比 U11 更清楚,這是算法加強黑線條的痕跡所致。

IMG_20170723_124242904_HDR.jpgIMAG0127.jpg
▲ 籃球的顏色,看似 Z2 Play 更準確,但實際上現場室內陰暗無燈,肉眼看到的籃球其實係 U11 呢種稍微黯淡偏藍;撇開 Z2 Play 人工化的線條加強痕跡,據我的經驗和印象,這種拍攝表現已遠超過往對 Moto 相機的認知!

IMG_20170723_124405409.jpgIMAG0128.jpg
▲ 這組圖中,Z2 Play 顏色稍微偏暖,但細膩度才見真章:Z2 Play 放大看不能第一時間 100%判斷是假花,但 U11 表現出的細膩度,放大後一秒已經確認是假花無誤。

IMG_20170723_124518518.jpgIMAG0129.jpg
▲ 偏色唔再批評,U11 準確呈現出大陰天下的植物色彩。但值得留意係,兩者照片大小從 3MB 左右激增到 8MB、9MB,而整個測試過程都發現,Z2 Play 相片大小全部比 U11 更大,但奇怪的是,細膩度的呈現卻不及 U11 來得立體。

IMG_20170723_124647810.jpgIMAG0130.jpg
▲ 這張對比圖,色差和細膩度不是主角,重點是同樣 f/1.7 大光圈,Z2 Play 的光學表現遜色於 U11,出現不合理的「白光化邊沿」情況。

IMG_20170723_124754419_HDR.jpgIMAG0131.jpg
▲ 最後一組對比,Z2 Play 依然色調偏暖,但整體曝光準確、貼近肉眼。

 螢幕擷取畫面 (13).png
▲ 我這裡特意做一個放大對比,給大家參考看看。

挑戰測試短評:細節與色準上 U11 確實毫無疑問勝出,保留更多細節,而且準確還原現場色彩。但作為一部定位中階的手機,輸給暫列第一的 U11 是正常不過的事。而且 Moto 過往不以拍照聞名, Z2 Play 能夠給出這樣的表現實在令人驚喜、驚嚇。這是屬於旗艦手機的拍攝表現,比市面上部分品牌的旗艦手機來的更優異。


咁,有乜不足之處?
我認為  Z2 Play 有兩個位唔係人人接受到,最起碼我本人不能短時間內適應:

Screenshot_20170722-225230.png
▲ 配合 Moto 的 Active Display,Z2 Play 採用 OLED 屏幕,雖然實際顯示效果「唔太味精」,但色彩模式只得兩個選擇,無法獨立調控,而且有機質材的屏幕會有「烙印」的隱憂。

IMAG0122.jpg
▲ 第二,Z2 Play 配備 One Button Nav 功能,可以關閉虛擬三天王,改用實體指紋感應器來操作:向左滑動 = 返回,向右滑動 = 多工。 我唔太習慣呢種操作,原理雖然跟魅族的 mBack 相同,但由於指紋感應器跟面板有高低差,所以手感上唔爽,會出現卡住卡住的情況。


結論
Moto 帶著一貫的優勢(系統與造工)推出 Z2 Play,補完了第一代的缺點和不足。而且擁有真三卡、相機表現又躋身旗艦之列,開價卻只是三千中。 有網友曾經提出處理器 626 並非旗艦處理器,效能無法負荷大食程式,事情確實如此,咁請你選擇其他旗艦 U 的手機。

或許 Z 系列換 Mods 是最核心的重點,但本人更看重機體本身是否可靠和實用:系統架構貼近原生 Android、長續航力、無垃圾軟件、清晰話音(呢個年代好似無乜需求~)、紮實的造工、真三卡、旗艦級拍攝表現。當然啦,我都想有埋高質音樂體驗、IP 級別防水性能,高像素自拍鏡頭、UFS ROM 之類,但請記住佢賣三千中嘅價錢,係一部中階機黎咋!

作為一名 Moto 愛好者,我樂於見到廠商繼續推出造工及品質優異的手機。題外話,請問有無人知道幾時會出 MOTO Z2 旗艦機? 
 

相關產品 (1)

相關報導 (2)

唔止 HTC,三星都有份!數碼通網店手機清貨減價,有無邊部抵玩?

唔止 HTC,三星都有份!數碼通網店手機清貨減價,有無邊部抵玩?

版主留意到一個現象,呢兩日開始似乎SmarTone網店做緊手機清貨減價,就好似尋晚同大家講過嘅HTCUPlay,其實前日睇仲係賣緊$1498,點知隔左一日又平多左少少,最新賣價跌到落$1314,仲平過紅米5Plus,難怪即晚就俾網友搶清光。而今日諗住再去SmarTone網店睇下啦,又發現到多左幾部手機做緊「超級優惠」,當中仲包括三星手機,你又認為有無邊部抵玩呢?睇下文啦!

左定坤 (Cho Ting Kwan) | 2018-02-02
越級挑戰最強拍攝 HTC U11! 真三卡 Moto Z2 Play 開箱試玩

越級挑戰最強拍攝 HTC U11! 真三卡 Moto Z2 Play 開箱試玩

版主坤哥話,Moto出左新機Z2Play,相機竟然係用HTCU11同型號感光元件。本YK懷著期待萬分的心情、戰戰兢兢地接過一盒MotoZ2Play。對上一部在港推出的入門機MotoG5Plus實在太醜,缺乏「摩記」應有的剛陽之氣!作為一名Moto愛好者,我一手hold住盒Z2Play,一手伸入條褲,取出紙巾清潔雙手後,深呼吸。好,正式開箱!

YKer | 2017-07-24

最新新聞