近年比較有吸引力嘅手機,我覺得一係就好似 Sony Xperia 1 II 影相夠掂,一係就好似三星 Galaxy Fold / Galaxy Z Flip 咁,叫做相對其他手機有特色。呢兩部三星摺機,一部傾向實用性,一部傾向便攜性,初出果陣係貴嘅,不過而家出咗咁耐,已經跌到一個不錯嘅價位,唔知對於各位網友嚟講,呢個價錢又有無得諗呢?睇下文吧!
相對較便宜嘅,係後期推出嘅三星 Galaxy Z Flip,雖然大舖一蚊都無減,企硬 $11998 嘅價位,不過細舖已經平咗好多,根據旺角先達嘅報價,Galaxy Z Flip 行貨最新賣價為 $8900,而水貨價更跌到 $7380!