主題:三星手機 114DNS「資料送中」事件跟進:升級後可解決?不過要等.....

  • 發表時間:2020-10-16 10:12
    早幾日鬧得滿城風雨的三星手機 114DNS 後門事件 (連結一:ePrice 新聞版,連結二:Patreon 收費平台詳細解說版)  ,三星終於有最新的動作喇! 官方今次用行動嚟亡羊補牢,部分型號三星手機突然收到 Firmware 升級,更新後發現 114 DNS 設定終於喺手機消息! 到底三星今次乜玩法呢?用家點解決好?

    三星手機 114DNS「資料送中」更進:可解決?不過要等..
     

    怎樣處理 114DNS 事件

    今次三星處理 114DNS 事件,用咗好原始方法:Firmware 升級,但你無得控制幾時輸到你升級。114DNS 問題,我哋係 Patreon 收費頻有提及,是需要三星自己修補,方法是 Firmware 升級。Firmware 升級同時會將一堆 Bug 修正,亦會加入 Android 自家保安更更新,但問是:升級是要排隊,你無法控制先後次序,亦不知你部手機型號排到幾時,你只有只閒 Click 下檢查更新,睇下幾時輪到你。 目前我哋手上只有 Galaxy Note 20 Ultra,S20 Plus 型號收到相關更新包。

    三星手機 114DNS「資料送中」更進:可解決?不過要等..
    ▲ 以我哋嘅  Note20 Ultra 為例,更新包描述並沒有明確顯示是修正了 114DNS 的後門,個人推測係屬於「進一步提升裝置安全」。

    三星手機 114DNS「資料送中」更進:可解決?不過要等..三星手機 114DNS「資料送中」更進:可解決?不過要等..
    ▲ 更新後嘅 Samsung Galaxy Note 20 Ultra 手機軟件版本資訊,供各位參考。

    三星手機 114DNS「資料送中」更進:可解決?不過要等..
    ▲ 更新後看到確實 DNS 2 位置變成正常的 8.8.4.4 服務。(點解要查呢到,睇番之前嘅文章,包括免費及 Patreon 限定)

    三星手機 114DNS「資料送中」更進:可解決?不過要等..
    ▲ 而進行封閉測試下的 DNSLEAK TEST 亦無法登入,似乎恢復正常狀態了。(呢嗰乜嘢 Test 睇番之前嘅文章,包括免費及 Patreon 限定)
     

    小結

    早幾日三星回覆報章查詢時候話「非常重視客戶的私隱及個人資料的保護。當手機連接Wifi網絡時,DNS只會傳送網站的IP地址,並不會儲存任何客戶的個人資料,也不會追蹤用戶所瀏覽的網站或收集瀏覽的內容。

    我哋有揾網絡專家傾過 (當然唔係香港唯一科技萬事通,真 IT 專家都係有料及低調),DNS 地址都被人咁樣植入強制服務器,喺 IT 界唔可以接受嘅操作,會出現持續收集你個人瀏覽記錄就好似你喺不知情下,你被安裝咗個追蹤器,記錄晒你每日的行蹤。

    三星似乎知道呢個 Bugs 嘅嚴重性,低調地修改呢個問題,對用家來講是一件好事。問題是幾時送到你部機?甚至型號太舊或者入門型號有無更新推送?大家可能跟三星多多反映。至於更新咗之後係咪真係部部機都唔再「直送 114DNS」就要靠各位網友一齊進行各類測試。
     

    後記

    有網站喺未有報導過三星114DNS 事件情況下,搶先公佈咗解決方法。不過,佢哋簡單裝個 App,就話三星手機無 114DNS,其實係太粗疏。今次 114DNS 事件重點,唔係預設「寫在手機上嘅 114DNS」 咁簡單,重點係隱藏 DNS,迫你用佢哋安排嘅 DNS,呢一點先得人驚。當然呢個站負責人,唔會因為想知道更詳細,而課金俾我哋去睇解說,當然都唔會爬討論區討論文串,揾出個事實。之前明明無 Follow Up 呢單 News,又可以喺原討論區發現有更新可以 Fixed 到呢個問題前,突然衝出來解說,點解係咁,大家唸唸。

    三星手機 114DNS 事件文章 (部份為 Patreon 收費頻道限定)
    ​網傳 Samsung 手機「資料送中」?上網行蹤直上 114DNS
    網傳 Samsung 手機「資料送中」?詳細測試 + 分析 + 破解 (Patreon 詳細解說版)
    三星手機 114DNS 事件 更加驚人的發現 (Patreon 會員獨家內容)
    三星手機 114DNS「資料送中」事件更進:升級後可解決?不過要等.....

    立即加入Facebook 專頁,新聞/消息/優惠,最快知。

    01樓 ▲TOP 回列表頁