主題:可換電 + 真三卡:三星 XCover 5 美國軍規三防機評測

  • 發表時間:2021-04-16 10:29
    呢部三星 XCover 5 機,上個月 Patreon 金主們已經提早知道港行會出此機,當時已引起高度關注。皆因一部手機可以換電池、可以插雙 SIM 卡再加一張 microSD 卡,更屈機係通過美國軍規級測試,具備防水防塵防撞的 Rugged Phone,令到 XCover 5 成爲今年最吸引本 YK 的手機之一。 事不宜遲,立刻睇睇以下的試玩評測啦!

    可換電 + 真三卡:三星 XCover 5 美國軍規三防機評測

    真機到手
    上一部香港三星可以插卡換電的產品,係去年年底罕有地推出三防平板 Galaxy Tab Active 3,當時亦獲得本 YK 高度讚賞,詳情可以參考相關的評測內容。唔知係咪市場反應好,今次將一部入門 hardcore 新機光速引到香港,而呢部 XCover 5 建議零售價係 2498 元,本身價錢已經相當合理,再行出街望望,原來部分網絡商已經有淨機優惠 2200 元左右。買翻部咁硬淨的手機做郊遊出行用副機,絕對令人出行安心。 甚至可以話,呢部機係行山友必備工具黎!

    可換電 + 真三卡:三星 XCover 5 美國軍規三防機評測
    ▲ 機身重量只有 172 克,採用 5.3 吋的小型屏幕,機身自然相當小巧、一掌輕鬆握緊;揸機相當爽,我急急腳跑到隔離公園影多少少比大家睇。

    可換電 + 真三卡:三星 XCover 5 美國軍規三防機評測
    ▲ 塑膠外殼所具備的是通過美國軍規 MIL-STD 810H 的耐衝擊力測試,而機身獲得  IP68 防塵防水測試。

    可換電 + 真三卡:三星 XCover 5 美國軍規三防機評測
    ▲ 正面的這塊 5.3 吋屏幕是 LCD 芒,並非 OLED 質材,非常正! 三星亦相當細心,並沒有強行推行 FHD 解像度,畢竟 5.3 吋咁細的屏幕,用 1480 X 720 的解像度足夠有餘。

    可換電 + 真三卡:三星 XCover 5 美國軍規三防機評測
    ▲ 機身右側擁有特大音量鍵和電源鍵,而電源鍵亦特意加入凹凸紋,咁你單憑觸感都知道係 POWER BUTTON 喇;留意機身邊框是加強塑膠硬度,抗跌防撞能力絕對比一般玻璃機身的手機更高。

    可換電 + 真三卡:三星 XCover 5 美國軍規三防機評測
    ▲ 機身左側有另一個相當 SHARP 的紅框按鈕 XCover Key 設計,呢個係一個多功能按鍵,有乜特別功能? 稍後會詳細介紹。

    可換電 + 真三卡:三星 XCover 5 美國軍規三防機評測
    ▲ 機身底部自然是 USB-C 接口,以及外放單喇叭; 金屬接點是留給充電座配件用,查詢過三星官方回覆是,暫時未引入相關配件。 

    可換電 + 真三卡:三星 XCover 5 美國軍規三防機評測
    ▲ 頂部有一個 3.5mm 耳機孔。

    可換電 + 真三卡:三星 XCover 5 美國軍規三防機評測
    ▲ 細心看機身背殼,你會發現佢係有個凹位比你開蓋!

    可換電 + 真三卡:三星 XCover 5 美國軍規三防機評測
    ▲ 背蓋本身具備防水膠條,所以唔好長期直接曝晒導致機身積熱,咁樣會導致防水膠快速老化。

    可換電 + 真三卡:三星 XCover 5 美國軍規三防機評測
    ▲ 大家見到真三卡槽嗎? 一張 SIM 2 卡槽,另一邊採用上下卡槽方式支持 SIM 1 和 microSD 卡擴充最高 1TB 容量。

    可換電 + 真三卡:三星 XCover 5 美國軍規三防機評測
    ▲ 呢部 XCover 優點係真三卡,但要留意電池會頂住卡槽,意味住換任何卡都需要關機拔出電池才能換卡。

    可換電 + 真三卡:三星 XCover 5 美國軍規三防機評測
    ▲ 電池自然係可以任意更換,拆得出黎就唔怕老化; 我亦問過三星香港官方,官方電池係客戶服務中心就有得買,一個 298 元都值得買多個黎做後備。

    可換電 + 真三卡:三星 XCover 5 美國軍規三防機評測
    ▲ 電池容量約 3000mAh,而電池本身亦是 NFC 模組的所在地,換電池實際上係換埋 NFC 模組。


    性能測試
    規格上 XCover 肯定唔係旗艦機,而係入門級的性能,採用 Exynos 850 晶片組(LTE 晶片),配 64GB ROM 和 4GB 記憶體。 比較重要的 5GHz WiFi 和 NFC 都出現在 XCover 5 身上。出廠就已經係自家 OneUI 3.1 加持的 Android 11 系統。入門規格三防機黎講,本 YK 覺得絕對收貨。 

    可換電 + 真三卡:三星 XCover 5 美國軍規三防機評測可換電 + 真三卡:三星 XCover 5 美國軍規三防機評測
    ▲ 入門規格的 XCover 5 在安兔兔綜合性能測試中得分自然唔高,只有 142748 分。

    可換電 + 真三卡:三星 XCover 5 美國軍規三防機評測
    ▲ 在 Geekbench 5 性能測試中,單核心 181 分及多核心 1119 分;可以見到獵戶座 850 處理器的性能對標高通 S626 / S636 處理器的水平。

    可換電 + 真三卡:三星 XCover 5 美國軍規三防機評測
    ▲ 但入門機不代表操作體驗慢,在 Androbench 的讀寫測試中 XCover 5 獲得令我驚喜的結果:連續讀寫速度分別是 315MB/s 和 232MB/s,隨機讀寫速度亦有 104MB/s 和 68MB/s;在非 UFS 制式的硬件下,這個讀寫表現跟實際用機體驗的流暢度相當吻合。

    可換電 + 真三卡:三星 XCover 5 美國軍規三防機評測可換電 + 真三卡:三星 XCover 5 美國軍規三防機評測
    ▲ 在 Geekbench 4 續航測試中,耗時接近 8.5 小時得出 4461 分;成績稱不上亮麗,畢竟只有 3000mAh 電量,但實際用電一天是毫無難度。


    系統功能
    本 YK 當然知道三防機市場上極少選擇,三星今次引進的 XCover 5 擁有 Hardcore 外觀、規格偏向入門級。 但其實你用落就會發現,三星都相當用心地係 XCover 5 內加入各種實用系統功能。  

    可換電 + 真三卡:三星 XCover 5 美國軍規三防機評測
    ▲ 具備防止意外觸控,以及提高屏幕靈敏度的手套模式;而實際測試 XCover 5 濕了水的芒依然可以順利操作!

    可換電 + 真三卡:三星 XCover 5 美國軍規三防機評測
    ▲ 留意翻 XCover 5 並無指紋解鎖,但就支持人面識別解鎖功能。  

    可換電 + 真三卡:三星 XCover 5 美國軍規三防機評測
    ▲ 加入 SOS 求助功能,可以預先設定好連續快速按壓「側鍵」,就可以發送定位和求助信息給自訂聯絡人,相當適合需要安心出門的行山人士用。

    可換電 + 真三卡:三星 XCover 5 美國軍規三防機評測
    ▲ 入門機亦具備雙開 IM 信息功能,一部機裝兩個 Whatsapp 都無問題。 

    可換電 + 真三卡:三星 XCover 5 美國軍規三防機評測可換電 + 真三卡:三星 XCover 5 美國軍規三防機評測
    ▲ 而三星的 Adapt Sound 功能亦被加入到 XCover 5 身上。 

    可換電 + 真三卡:三星 XCover 5 美國軍規三防機評測
    ▲ 比較特別的是 XCover 5 額外多一個 XCover 專用鍵,預設可以比你設定爲各種功能,包括開啓指定應用程式。 

    可換電 + 真三卡:三星 XCover 5 美國軍規三防機評測可換電 + 真三卡:三星 XCover 5 美國軍規三防機評測
    ▲ 呢個 XCover Key 係非常實用,支持 Zello 對講機按壓對話功能,唔需要再用觸控屏幕講野,又係一個適合安心出山之友的功能。


    指定測試項目
    本 YK 根據 Patreon 金主提出的額外項目進行測試,係 GPS 衛星定位速度體驗測試。可能呢位金主經常會野外行,所以衛星定位的速度和準確度就相當重要。 我呢度亦透過專業定位軟件進行測試,睇下到底一發出定位要求,XCover 5 順便對比我手上的 HTC U20 邊個定得快! 當然,定位過程會關閉數據和 WiFi 掃描,確保單純利用衛星進行定位。

    可換電 + 真三卡:三星 XCover 5 美國軍規三防機評測
    ▲ XCover 5 支持 GPS、Glonass、Galileo 和北斗四大定位系統;意味住只要任何一個系統下,能夠捉到該系統係天上其中三個衛星,咁就可以完成定位喇!

    可換電 + 真三卡:三星 XCover 5 美國軍規三防機評測
    ▲ 定位成功的畫面係可以出到經緯數值,咁就可以輸入 Google Map 得知本 YK 的位置再哪裏; 實測 XCover 5 需要 10 秒完成純衛星定位,而 HTC U20 5G 需要 15 秒。


    相機實拍樣本
    可換電 + 真三卡:三星 XCover 5 美國軍規三防機評測
    ▲ 令我相當有驚喜反而係 1600 萬像素 f/1.8 單鏡頭,無 OIS 防震設計,但影出黎畫質相當不錯;詳情大家可以自己睇下面的拍攝,都是原裝直出、真機一到手就直接影的樣本。

    可換電 + 真三卡:三星 XCover 5 美國軍規三防機評測可換電 + 真三卡:三星 XCover 5 美國軍規三防機評測
    可換電 + 真三卡:三星 XCover 5 美國軍規三防機評測可換電 + 真三卡:三星 XCover 5 美國軍規三防機評測
    可換電 + 真三卡:三星 XCover 5 美國軍規三防機評測可換電 + 真三卡:三星 XCover 5 美國軍規三防機評測
    可換電 + 真三卡:三星 XCover 5 美國軍規三防機評測可換電 + 真三卡:三星 XCover 5 美國軍規三防機評測
    可換電 + 真三卡:三星 XCover 5 美國軍規三防機評測可換電 + 真三卡:三星 XCover 5 美國軍規三防機評測


    結論
    本 YK 非常滿意呢部 XCover 5,從功能上睇,佢絕對不能成爲主機,但副機的角色相當稱職:美國軍規防塵防水,特別適合上山下海、安心出遊的朋友; 真三卡、可換電設計,更靈活配置手機的使用時間,而雙卡設計可以更好地保證信號接收的覆蓋範圍,同時保留擴充容量的選擇。 對於我這類喜歡與朋友一齊行山的人,有人走得快、有人走得慢的情況下,用 Zello 對講機可以話係指定動作。 估唔到 XCover Key 會咁爽手好用。

    如果你正在找一部物理性可靠的手機、支持真三卡、防水防塵的話,不論我荷包預算多 or 少,三星 XCover 5 都應該會係你清單中排第一的手機。 三星香港今次真係 Good Job 喇! 

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • Samsung Galaxy Xcover 5
    • 現時售價: HK $2,498
    • 尺寸: 147x 71.6 x 9.2 mm / 172 g
    • 電池: 3000 mAh
    • 插卡: microSD
    • 螢幕: 1480 x 720、 5.3 吋 TFT
    • 相機:
    • 顏色:
    • 時間: N/A
    • 上市: 2021-04-14
    • 外型: 0
      • 3G
      • 無 HSDPA
      • 衛星導航
      • Wi-Fi
      • 藍牙
      • microSD 記憶卡
      • 無 觸控
      • 無 自動對焦
      • LED 閃光燈
      • 無 氙氣閃光燈
      • 3.5mm 耳機孔