Sony 6 吋大芒機 T2 Ultra 三月賣!行貨 LG G Pro 2 確認可換電!

Eddie | LG
版主仲記得係上年開賣既 LG G2 曾經好受歡迎,先達好多間細鋪都有引入韓國水貨黎賣,原因可能就係 S800 、可以插卡換電同埋有個靚既 IPS 屏幕啦,可惜港版就推大電量既「國際版」,移除插卡換電功能,某程度都影響大家入手既意欲。不過版主 Eddie 已經確認香港行貨版既 LG G Pro 2 會同韓水一樣有得插卡換電,對於大家黎講係咪一個好消息?與此同時, Sony 既大屏幕手機 Sony Xperia T2 Ultra 亦會在三月攻港,呢部機有 4G LTE 架!

//timgm.eprice.com.hk/hk/mobile/img/2014-03/03/169935/unrealandy_1_LG-_58076459cfa9e3fa64812bb66e01f061.jpg
 

沒有分「韓版」、「國際版」!香港行貨確認可插卡換電!

都話左香港 LG 愈來愈快手,版主上星期先玩到水貨版的 LG G Pro 2 ,今日就已經確定這部 6 吋旗艦手機要在三月開賣啦!今次 LG 唔再分「韓版」、「國際版」,所以香港賣的行貨和韓水一樣都有插卡換電功能,電池量維持 3200mAh ,大家對這個安排是否滿意呢?

講到呢部大屏幕既旗艦手機,上次試玩都同大家講過佢特別功能,賣點都係 5.9 吋既 1920 x 1080 解似度 IPS 靚芒同埋 Qualcomm S800 2.3GHz 四核心處理器配 3GB RAM 既效能,香港版亦和韓水一樣內置 32GB 容量,加上插卡很容量應該很足夠吧!機身上的 1300 萬像素鏡頭可以拍攝 4K 影片,亦算是一個賣點吧!但係大家都知道韓國水貨跌價好快,如果 LG Pro 2 行貨開價近六千,唔知大家又會點揀呢?

//timgm.eprice.com.hk/hk/mobile/img/2014-03/03/169935/unrealandy_1_LG-_3aa69bc484b63941cd72335bc72b54d8.png
▲今次 LG G Pro 2 沒有分國際版本和韓國版本,也就是說只有 3200mAh 插卡換電版,大家滿意了嗎?
 

6 吋HD 屏幕配 1300 萬像素相機!Sony Xperia T2 Ultra 抵港支援 4G LTE

同樣在今個月將會登陸的有另一部大屏幕手機 Sony Xperia T2 Ultra ,亦已經確認它會搭載 4G LTE 上網功能。它算是中階級別的大屏幕手機,採用 6 吋 1280 x 720 的 IPS 屏幕,配合中階的 Qualcomm S400 1.4GHz 四核心處理器+ 1GB RAM ,內置 8GB 容量(最大支援 32GB 插卡),值得一提的是這部機邊框只有 2.5mm,機身最薄處是 7.6 mm,重量 172g 亦比起 Sony Xperia Z Ultra 輕上不少(同 G Pro 2 重量一樣)。

在 Sony Xperia Z Ultra 上面只有 800 萬的相機,而且沒有補光燈功能。今次 Sony Xperia T2 Ultra 搭載 1300 萬像素主鏡頭 + 110 萬前鏡頭的組合,亦有著 Sony Xperia Z2 上面的背景散焦、 AR 虛擬場景等拍攝功能,可以說是在拍攝方面有一定強化,而電池方面採用了 3000 mAh ,大家認為足夠嗎?提提大家,這部機是沒有 IP 防水等級的哦,而現在 Sony Xperia Z Ultra 4G LTE 大鋪賣緊 $4,698 ,這部機會不會用三字頭賣呢?大家拭目以待吧!


Sony 愛玩六吋芒!  中檔貨 Xperia T2 Ultra 挑戰大佬 Z Ultra
▲Sony Xperia T2 Ultra 跑分都有接近 20,000 ,而在 6 吋屏幕上面用 720p 屏幕夠不夠?等開賣時自己感受一下了,我仍然未玩到啊icon

在文章刊登的時侯, LG G Pro 2 仍未公佈定價,按此看詳細規格和最新賣價。
在文章刊登的時侯, Sony Xperia T2 Ultra 仍未公佈定價,按此看詳細規格和最新賣價。
廣告