主題:S810 極速跑分大挑戰!LG G Flex 2 版主開箱心得分享!

ePrice HK
    • Eddie http://anserbridge.info
    • 帳號:
    • 發文:2575
    • 經驗:7831
    發表時間:2015-02-02 16:07 收錄檢舉
    今日到港既 LG G Flex 2 有唔少網友留意,重點似乎唔係佢既曲面屏幕,而係傳聞中 LG G Flex 2 因為 Qualcomm S810 處理器會有發熱問題。(而消息係由 Samsung 放風…)版主 Eddie 今日試玩過呢部機,的確流暢度同埋跑分都超越上一代機種了,而係咪真係帶來更多發熱、耗能問題?即刻同大家做個開箱同心得分享!

    S810 頭炮超強跑分有幾勁?LG G Flex 2 版主開箱分享!
     

    LG G Flex 2 韓版開箱!運行 Android 5.0,用盡 64bit 優勢!

    今日版主借到開箱的是韓國版本的 LG G Flex 2 ,今次開賣不久香港就已經有貨引入,真係算得上「新鮮滾熱辣」,而第一水定價 $6,280 老實講亦唔算誇張。雖然佢係支援到 1800+2600Mhz 頻段既 4G LTE ,不過因為冇本地電訊商幫忙調整過,接收穩定性比起行貨稍為差一點(版主以手上的 HTC One M8 與 Sony Xperia Z3 比較,三部機都是用 csl. 卡),亦不支援 Vo-LTE 功能。

    開箱第一步當然係同大家講下機身同埋手感,版主之前都有玩過第一代既 LG G Flex ,今次感覺就縮水左唔少,畢竟用了 5.5 吋屏幕和特窄邊框,上手感覺與 LG G3 差不多,而曲面屏幕的手感其實幾特別。對了,這部機也是採用機背實體鍵的設計,手比較小的版主 Eddie 亦可以簡單按到,我覺得操作感是相當好的,和我去年玩到 LG G3 的第一感覺差不多吧。機背官方指出會有自動修復效果,版主因為是借回來的手機所以就不敢試啦,只能跟大家說是不太易沾指紋的材質,機背紅色的同心圓也相當好看。

    另外 LG G Flex 2 是原生Android 5.0 系統,在軟件方面已經支援到 64bit 架構,可以完整發揮 Qualcomm S810 的 64bit 優勢,即使只有 2GB RAM 同時開多個網頁再開影片也不覺得有拖慢手機,流暢度相當好。在運行 Android 5.0 的同時 LG G Flex 2 亦保留了 LG 自家的操作介面和樣式,快捷通知列、主畫面、 Apps Drawer 與 LG G3 等機種沒太大分別,是容易上手的。

    S810 頭炮超強跑分有幾勁?LG G Flex 2 版主開箱分享!
    ▲LG G Flex 2 開箱!稍為側一點看就見到機身有一定弧度,這個弧度與第一代差不多

    S810 頭炮超強跑分有幾勁?LG G Flex 2 版主開箱分享!
    ▲盒裡除了有火牛、充電線之外,亦有傳聞好好聲的 QuadBeat 2 

    S810 頭炮超強跑分有幾勁?LG G Flex 2 版主開箱分享!
    ▲機身正面與背面都與 LG G3 風格有點相似,版主特別喜歡那個 Home 鍵,有點樣寶石的樣子

    S810 頭炮超強跑分有幾勁?LG G Flex 2 版主開箱分享!
    ▲機身可以外置插 Micro-SD 卡,採用的也是 Micro-SIM 

    S810 頭炮超強跑分有幾勁?LG G Flex 2 版主開箱分享!
    ▲機頂有紅外線,可以用來遙控電視,而 USB 連接埠和 3.5mm 耳機孔都在機底位置,大家可以留意到喇叭也在機背

    S810 頭炮超強跑分有幾勁?LG G Flex 2 版主開箱分享!
    ▲運行 Android 5.0 ,所以 Multi Task 的介面跟以前有所不同,不過快速設定和通知欄也是 LG 的款式
     

    採用 5.5 吋曲面屏幕!銳利度、顏色、可視角度對比 HTC One M8

    上面都有提到, LG G Flex 2 比較特別的就是 5.5 吋的曲面屏幕,而今次曲面屏幕終於做到 FHD 解像度啦,同唔少旗艦手機平分秋色,雖然比起 LG G3、Samsung Galaxy Note 4 等 2K 芒手機仍然差一級,不過唔係太仔細去睇既話講真好難睇得出「狗牙」。因為要設計成曲面屏幕,所以呢部手機冇用到 LG 常用的 IPS 而採用了 POLED ,特點就係黑位完全不發光,做到相當強的對比度,在黑色為主的畫面亦相對上較省電。

    版主用手上的 HTC One M8 與 LG G Flex 2 對比,如果要講屏幕亮度與銳利度的話, HTC One M8 是略勝的,不過版主亦在室外用過一陣子 LG G Flex 2 ,因為有著高對比關系所以在室外使用也可以輕鬆睇得清楚,效果相當不錯。至於大家關注的偏色問題,跟 HTC One M8 對比的話顏色是稍為偏紅一點,看藍、綠色為主的風景相對鮮豔,但其實看白色為主的網頁也不覺得有明顯問題。

    下面有幾組屏幕翻拍,網友們可以參考一下:

    S810 頭炮超強跑分有幾勁?LG G Flex 2 版主開箱分享! S810 頭炮超強跑分有幾勁?LG G Flex 2 版主開箱分享!

    S810 頭炮超強跑分有幾勁?LG G Flex 2 版主開箱分享! S810 頭炮超強跑分有幾勁?LG G Flex 2 版主開箱分享!
    ▲左邊是 LG G Flex 2 的屏幕翻拍,右邊是 HTC One (M8) 的屏幕翻拍,大家可以留意到 HTC One M8 銳利度較高(因為屏幕較小, PPI 較高),而這片 FHD 解像度 POLED 屏幕要放到很大看才見到「狗牙」

    S810 頭炮超強跑分有幾勁?LG G Flex 2 版主開箱分享!
    ▲在關閉屏幕的時侯,向下拉可以見到時間和重要通知,不用啟動手機

    S810 頭炮超強跑分有幾勁?LG G Flex 2 版主開箱分享!
    ▲與 HTC One M8 (右)對比, LG G Flex 2 是稍為偏紅的,屏幕亦沒有那麼光

    S810 頭炮超強跑分有幾勁?LG G Flex 2 版主開箱分享!
    ▲兩部手機的可視角度差不多
     

    安兔兔跑分最高超過 53,000!S810 跑分皇者 LG G Flex 2 係咪有發熱問題?

    終於來到大家最關注的一點,就是 Qualcomm S810 的效能啦。傳聞 2015 年初的旗艦機當中,有唔少都會採用同樣的處理器,應該會是新一代的「機皇」級配置吧。呢顆八核心處理器時脈在 2.0GHz ,亦只配合 2GB RAM ,然而流暢度版主覺得跟 Qualcomm S801 2.5GHz 配 3GB RAM 的機款有得比,可能因為 Android 5.0 配合 64bit 的架構之下有更好的運算吧?

    因為之前傳聞 LG G Flex 2 會有過熱問題,版主亦針對這一點進行測試。連續跑了 3 次安兔兔之後分數雖然由 53,000 降到 46,000 左右,不過機身表面不算太過發熱,要講的話 HTC One M8 等金屬機發熱的情況更嚴重哩。版主亦拆開過機殼去感受一下溫度,發熱情況是有的,但未去到嚴重的地步,有機會是因為膠質導熱能力較弱吧?同時版主亦試過放置在桌上看影片半小時,得出來的結果是相同的,大家也未必需要擔心發熱問題。

    S810 頭炮超強跑分有幾勁?LG G Flex 2 版主開箱分享!
    ▲安兔兔新版本支援到 64bit ,而跑出來的分數最高有 53,000 分,在不連續跑分之下成績大約在 52,000 ~ 52,500 左右,是很穩定的分數,這個分數真的完勝之前所有 S805 旗艦手機;而 Quadrant Standard 得出來的分數有 25,000 分,亦比起 S805 機款高一級

    S810 頭炮超強跑分有幾勁?LG G Flex 2 版主開箱分享!
    ▲ Vellamo 的分數實在令版主嚇一跳,因為 HTML5 可以跑身 4,095 的分數比起以往 3,500 高上不少,網頁流暢度可見一班;多核效能方面有 2175 分,比起 S805 的 Samsung Galaxy Note 4 高上 300 分左右,也是高一級的分數,硬件效能分數有 2153 分,是排行榜的第一位,明顯比上一代旗艦快

    S810 頭炮超強跑分有幾勁?LG G Flex 2 版主開箱分享!
    ▲Basemark 2.0 的分數方面怎麼跑也去不到滿分的 60fps ,是大約在 55~57fps 左右,不過也足夠應付 3D 遊戲啦

    S810 頭炮超強跑分有幾勁?LG G Flex 2 版主開箱分享!
    ▲版主試過用 Youtube 上網睇影片,發熱沒想像中嚴重(相對之下其實 HTC One M8 更熱icon
     

    版主小結:Qualcomm S810 強大效能加持!曲屏幕 LG G Flex 2 效能不錯

    在版主寫文章的時侯,知道今日番貨的 LG G Flex 2 已經極速斷貨啦,真係咁受歡迎?我認為大家都係睇中佢 Qualcomm S810 八核心的超高效能,的確流暢度是有一定保證,即使配合 2GB RAM 亦足夠使用。而它的 5.5 吋曲面屏幕老實係咪真係實用?版主就覺得玩味多過實際用途,但講到銳利度.可視角度與色彩準確程度,亦比第一代 G Flex 好得多,就算與其他旗艦比亦不會失色。

    如果用佢同 LG G3 比又點比?版主私心講一句:單單係個紅色亮面機背,就已經迷到唔少人(包括我)。網友們又會唔會考慮入手呢部機呢?留言講講吧!

    在文章發佈的時侯, LG G Flex 2 香港仍未公佈行貨定價與開賣日期,按此看詳細規格與最新賣價。

    鳴謝及查詢:三禾電氣 23740618 (旺角) 23740718 (銅鑼灣)

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • LG G Flex 2
    • 現時售價: 已下市
    • 尺寸: 149.1 x 75.3 x 8.9 mm / 152 g
    • 電池: 3000 mAh
    • 插卡: microSD
    • 螢幕: 1080 x 1920、 5.5 吋 OLED
    • 相機: 1300 萬像素CMOS
    • 顏色: 黑/紅
    • 時間: N/A
    • 上市: 2015-02-13
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔