LG G Flex 2 韓水跌價近 $2,000！場價賣 $5,398 你會考慮嗎？
大家仲記唔記得係 LG G Flex 2 上市之前炒到 $6,880 既高位，真係誇張到冇人信，係行貨上市之後，場內價錢急跌，係一個星期之間場內韓水由接近 $7,000 跌到落去 $4,880 有交易，差價有成 $2,000 ，所以話遲買真係點只平幾舊。雖然話佢採用 Qualcomm S810 八核心 2.0GHz 的超速處理器配合 2GB RAM，亦有 LG G3 的 1300 萬像素鐳射對焦相機，不過屏幕仍然在 5.5 吋 FHD 水準，同 2K 屏幕機皇都係差一級的，版主之前都同大家試玩過水貨，覺得比較重要的賣點是超靚的紅色
，香港行貨直接賣 32GB 版本定價 $5,698 比起大家預期低，但也是 Android 機中比較貴的幾部啊（更貴的？ Note 4 囉）當然，版主同大家預告過「大鋪即減」其實已經去到尾水，好似 HTC Desire Eye 要上市一個月先有減價，今次 LG G Flex 2 上市之後衛訊、百老匯、豐澤都未有減價，照官價 $5,698 去賣，店員都話未有特別優惠。當然版主有去過深水埗福仁問，現時細鋪賣 LG G Flex 2 「全新行貨」都要 $5,398，比起同門的 LG G3 (32GB)貴 $1,000 左右，亦未算太吸引。
題外話，唔少鋪都鐘意用「屈機」去形容 LG G Flex 2 ，其實上過手既網友都知道要屈 LG G Flex 2 其實都要幾大力下，而 POLED 係用力既情況亦有可能損壞，就算有彈性都唔建議咁玩囉
。其實 LG 搶先推出左 Qualcomm S810 手機，而家要搶先感受「機皇」級威力真係得佢，自問等到既，當然要留意 ePrice 版主們係 3 月開始同大家直擊 HTC、Samsung 同埋其他新旗艦既消息，貨比三家先買機啦！
▲場內一次跌接近 $2,000 ，而家用 $4,888 就買得到韓水 LG G Flex 2 ，實在太誇張了吧？版主都已經見到有人用緊了（不過太遠分唔到行貨定水貨）
在文章發佈的時侯，LG G Flex 2 定價 $5,698 ，按此看詳細規格和最新賣價。
