主題:越級挑戰最強拍攝 HTC U11! 真三卡 Moto Z2 Play 開箱試玩

  • 發表時間:2017-07-23 09:37 收錄檢舉
    版主坤哥話,Moto 出左新機 Z2 Play,相機竟然係用 HTC U11 同型號感光元件。本 YK 懷著期待萬分的心情、戰戰兢兢地接過一盒 Moto Z2 Play。對上一部在港推出的入門機 Moto G5 Plus 實在太醜,缺乏「摩記」應有的剛陽之氣! 作為一名 Moto 愛好者,我一手 hold 住盒 Z2 Play,一手伸入條褲,取出紙巾清潔雙手後,深呼吸。好,正式開箱!

    越級挑戰最強拍攝 HTC U11! 真三卡 Moto Z2 Play 開箱試玩

    「摩蝙蝠」登場
    第一代  Z Play 給我的感覺是試驗機: 背後直板玻璃(脆弱的工業設計方案)、正面方形指紋(跟機身格格不入),過大電池導致機身偏厚等。Z2 Play 與其說是第二代,到不如說是第一代的補完版,硬件上沒有升級,但設計細節上完全補足了前代的缺失!

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 其實讀「Z Two Play」係唔多正確。「Z Square Play」係咪印證我嘅講法:佢係第一代的補完版?

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 差點忘記講,Z 系列的 Moto 手機都可以共用 Moto Mods 任何組件,我最想要個電池 mod,暴增電量之餘又完美貼合機身。不過今次開箱就無 Mods 份,等下次啦!

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 開箱喇! 隨機配件五寶:火牛、數據線、耳機、卡針、說明書。

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 其中值得留意係,Z2 Play 支持 TurboPower 快速充電技術,官方聲稱充電 15 分鐘可續航長達 7 小時! 

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 規格上看到專用火牛有 5V - 3A、9V - 1.6A 和 12V - 1.2A 三種充電模式。 

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 最後係真機登場! 金色? 傻的嗎? 我心中的 Moto 得黑色先叫做 Moto 咋! 官方主打功能都寫嗮係上面,但有部分我認為係正野卻無寫上去。。。(大量氣泡係因為我後期補翻貼上去~)


    造工好、好、好! 
    N 年前 Moto 併入聯想後,成日擔心新出的手機造工會大幅度變差。正所謂「一分錢一分貨」,入門機 Moto G5 Plus 個造工雖然好過同期對手,但始終唔係熟悉的「堅強的摩記」,揸落去無感覺。但 Z2 Play 完全翻嗮黎,畢竟等級唔同,揸落去硬到喊,比到我一種堅實的手握感,而且毫無虛位。再敲敲個金屬背,「噗噗噗」呢種聲音,猶如你揸住一把寶劍係石洞內亂揮亂斬都唔會怕佢斷口一樣! 宜家開始流行玻璃機身,部部旗艦都好似工藝品咁。。。咁容易自動爛,想要一部用料足、造工好的金屬機,本 YK 摸黎摸去都摸唔到幾多部,唉~

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 擁有 5.5 吋 OLED 1920 x 1080 解像度的顯示屏,並蓋上第三代康寧大猩猩強化玻璃。機身加入納米級防水塗層,但並非 IP 規格的防水,官方亦說明請勿放入水中。

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 機身厚度只有 5.99mm,握感非常好。雖然比上一代 6.99mm 更薄,但換來少 510mAh 電量。

    越級挑戰最強拍攝 HTC U11! 真三卡 Moto Z2 Play 開箱試玩
    ▲ Z2 Play 擁有 85 度廣角前鏡頭,五百萬像素配以 f/2.2 光圈略嫌不足,所以亦加入雙色 LED 燈補光。

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 今代指紋改成橢圓形,美學上看比奇怪的方形好得多,指紋同樣是輕觸式並非按壓式,解鎖速度快速。但重點是 Z2 Play 針對話音質素,在正面面板上設有一個獨立收音孔。

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 呢排流行窄邊框,雖然本人對窄邊框毫無喜好,因為窄就等於機身脆弱,但因應部分網友訴求,我請來「一蚊大師」作為對比。

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 音量鍵和電源鍵手感清脆,電源鍵亦有做鋸齒形,增強觸感準確度。

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 機身頂部有另一個收音孔,以及三卡槽,在今天「三選二」的世界裡面,真三卡的手機很少,質素高的選擇更少!

    越級挑戰最強拍攝 HTC U11! 真三卡 Moto Z2 Play 開箱試玩 越級挑戰最強拍攝 HTC U11! 真三卡 Moto Z2 Play 開箱試玩
    ▲ Z2 Play 採用「一卡架」方案,正面安裝一張 micro-SD,最高支持 2TB 容量;反面就是雙 nano-SIM 支持雙卡雙待。

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 機身底部保留了 3.5mm 耳機,因為有妙用(稍後會說); 還有一個 USB 3.0 Type C 接口,以及印上一堆資料標籤。

    越級挑戰最強拍攝 HTC U11! 真三卡 Moto Z2 Play 開箱試玩
    ▲ Z2 Play 機背並非金屬色塗料咁簡單,而係真正全金屬機背! 邊框黑色的物料是訊號天線,底下就是連接 Moto Mods 的金屬接點。 最霸氣的莫過於一顆大眼睛鏡頭,採用的感光元件跟目前攝影最好的手機 HTC U11 相同。


    性能普通、打機免問!
    Moto Z2 Play 配備高通 Snapdragon 626 處理器,配合 4GB RAM 和 64GB ROM,內置電池達 3000mAh,就咁睇真係好入門。係呀,所以買手機剩係睇處理器、專用手機玩大作的朋友係唔需要考慮 Z2 Play。不過,作為中階定位 Z2 Play 已經足夠應付「聽歌、睇戲、碌FB」有餘,有餘,有好多餘喇~

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 系統預載幾乎是原生版的 Android 7.1.1,我看不到有任何大改的痕跡,只有幾個預載應用程式,爽快簡潔無窒機!

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 安兔兔跑分達到 67900 分,性能表現稍比 S625 好(平均是 62000 分),中階處理器當然跟旗艦 S835 有一段差距。

    越級挑戰最強拍攝 HTC U11! 真三卡 Moto Z2 Play 開箱試玩越級挑戰最強拍攝 HTC U11! 真三卡 Moto Z2 Play 開箱試玩
    ▲ CPU-Z 顯示 ROM 可用空間大概有 50GB,可用 RAM 有 1870MB;但令人吃驚的是:我已安裝最新版 CPU-Z,但處理器仍顯示為 S625 而非 S626,究竟係咪比人「狸貓換太監」(換左又閹左)呢?

    根據高通官方網站資料,我整理一個表比大家睇 Snapdragon 625Snapdragon 626 的重點差異:
     
    高通移動方案 Snapdragon 626 Snapdragon 625
    藍牙 4.2LE 4.1LE
    Qualcomm® TruSignal™ Antenna Boost 無顯示
    CPU 最高時脈 2.2GHz 2.0GHz
    部件編號 8953Pro 8953

    其他野一睇就明,S626 明顯同 S625 無太大分別,而我手上的 Moto Z2 Play 確實用 S626 處理器。咁到底 TruSignal Antenna Boost 係乜黎? 呢項技術早應用在旗艦方案 S820 身上,官方聲稱技術針對手機訊號穩定性和質素:減少斷線、加快數據流量、增強話音質素。 最重要係官方文件寫住呢項技術可以提升 20% 續航力!

    越級挑戰最強拍攝 HTC U11! 真三卡 Moto Z2 Play 開箱試玩
    ▲ Basemark ES2.0 Taiji 的圖像性能測試結果只有 47.15 fps,所以我話大作就唔好考慮,普通遊戲都可以玩得開心嘅。

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 順便比埋 AndroBench 結果大家參考下,詳情可以睇本 YK 之前寫過的文章


    貼近原生 Android、無多餘應用
    買 Android 手機最重要睇乜? 當然系統啦! 一個系統寫得好唔好,主宰用戶使用體驗,包括界面流暢度、運行的穩定性、電力續航表現等等,統統與系統是否寫得好有關。 Moto Z2 Play 貼近原生,界面上看不到有明顯的修改痕跡,系統亦跟隨 Android 原有的風格,預載幾個實用的 Moto 自家 App 外,就無任何冗員嘅存在~

    越級挑戰最強拍攝 HTC U11! 真三卡 Moto Z2 Play 開箱試玩越級挑戰最強拍攝 HTC U11! 真三卡 Moto Z2 Play 開箱試玩
    ▲ 保留 Android 7.1.1 原有的上拉式 Launcher,清爽的界面風格;但同時又加入一些實用的小功能,補充原生系統功能上的不便。

    越級挑戰最強拍攝 HTC U11! 真三卡 Moto Z2 Play 開箱試玩越級挑戰最強拍攝 HTC U11! 真三卡 Moto Z2 Play 開箱試玩
    ▲ Moto 自家 App 只有幾個: 裝置說明(具備自帶測試硬體、軟件更新等工具)、檔案管理員、FM 收音機(保留 3.5mm 最大作用就係收音機!)、Moto(設定獨有手勢動作)和 Moto Mods(設定 Mods)。

    越級挑戰最強拍攝 HTC U11! 真三卡 Moto Z2 Play 開箱試玩越級挑戰最強拍攝 HTC U11! 真三卡 Moto Z2 Play 開箱試玩
    ▲ 最新的分割屏幕功能,Moto Z2 Play 自然跟埋;而且部分應用如電話,會跟隨屏幕大小自動切換排位。


    相機界面好用、成像可挑戰旗艦?
    早排睇版主坤哥文章先知道原來 Moto Z2 Play 用上同 HTC U11 一樣的感光元件,後者係目前市面上最好的攝影手機,令我對 Z2 Play 非常期待。要知道 Moto 相機歷史上都係比較差,主要是偏色問題。有段時間「室內變綠魔」成為本人生活常態。之後 Z 系列出現稍有改善,唔知今代會否更上一層樓、直通頂樓呢?

    越級挑戰最強拍攝 HTC U11! 真三卡 Moto Z2 Play 開箱試玩
    ▲ Moto Z2 Play 擁有 1200萬像素 Dual Pixel 主鏡頭,相位對焦 + 雷射對焦配合 f/1.7 大光圈,就咁聽落已經覺得吸引。

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 有人話大眼鏡頭好醜樣,但本 YK 就覺得好型,係 Moto Z 系列的象徵!但鏡頭究竟有幾厚? 實測係厚過一蚊。但呢個鏡頭厚係有原因,因為 Moto Mods 除了金屬磁力接點吸附外,亦需要突出的鏡頭作為一個固定的受力點。 如果安裝 Mods 後,反而希望鏡頭再厚少少唔會凹落去咁樣~

    越級挑戰最強拍攝 HTC U11! 真三卡 Moto Z2 Play 開箱試玩越級挑戰最強拍攝 HTC U11! 真三卡 Moto Z2 Play 開箱試玩
    ▲ Moto 手機拍攝界面一向都是簡約風格,而且非常直觀。 相機應用有齊自動、手動、錄影、慢動作、全景五大功能外,仲有一個深度配合 Youtube 直播的即時串流功能!


    相機越級挑戰 U11 實測
    呢度我做一個簡單對比測試,用 Moto Z2 Play 嘗試越好多級挑戰號稱最高分 DxOMark 的 HTC U11,睇睇結果如何? 測試條件依然是全自動模式,除了統一對焦點外,其他參數一律保持原狀。兩機均預設打開 AUTO HDR,設定 4:3 的 1200萬像素相片,不使用補光燈等。【擺放位置:Moto Z2 Play (左 / 上);HTC U11 (右 / 下)】

    越級挑戰最強拍攝 HTC U11! 真三卡 Moto Z2 Play 開箱試玩越級挑戰最強拍攝 HTC U11! 真三卡 Moto Z2 Play 開箱試玩
    ▲ 照片色澤上 U11 接近肉眼和實物,Z2 Play 受到輕度逆光影響,妖怪貓輕微變橙。細膩度上, U11 放大後仍可清楚看到妖怪貓頭上的塵埃,Z2 Play 反而在「鼻」格線比 U11 更清楚,這是算法加強黑線條的痕跡所致。

    越級挑戰最強拍攝 HTC U11! 真三卡 Moto Z2 Play 開箱試玩越級挑戰最強拍攝 HTC U11! 真三卡 Moto Z2 Play 開箱試玩
    ▲ 籃球的顏色,看似 Z2 Play 更準確,但實際上現場室內陰暗無燈,肉眼看到的籃球其實係 U11 呢種稍微黯淡偏藍;撇開 Z2 Play 人工化的線條加強痕跡,據我的經驗和印象,這種拍攝表現已遠超過往對 Moto 相機的認知!

    越級挑戰最強拍攝 HTC U11! 真三卡 Moto Z2 Play 開箱試玩越級挑戰最強拍攝 HTC U11! 真三卡 Moto Z2 Play 開箱試玩
    ▲ 這組圖中,Z2 Play 顏色稍微偏暖,但細膩度才見真章:Z2 Play 放大看不能第一時間 100%判斷是假花,但 U11 表現出的細膩度,放大後一秒已經確認是假花無誤。

    越級挑戰最強拍攝 HTC U11! 真三卡 Moto Z2 Play 開箱試玩越級挑戰最強拍攝 HTC U11! 真三卡 Moto Z2 Play 開箱試玩
    ▲ 偏色唔再批評,U11 準確呈現出大陰天下的植物色彩。但值得留意係,兩者照片大小從 3MB 左右激增到 8MB、9MB,而整個測試過程都發現,Z2 Play 相片大小全部比 U11 更大,但奇怪的是,細膩度的呈現卻不及 U11 來得立體。

    越級挑戰最強拍攝 HTC U11! 真三卡 Moto Z2 Play 開箱試玩越級挑戰最強拍攝 HTC U11! 真三卡 Moto Z2 Play 開箱試玩
    ▲ 這張對比圖,色差和細膩度不是主角,重點是同樣 f/1.7 大光圈,Z2 Play 的光學表現遜色於 U11,出現不合理的「白光化邊沿」情況。

    越級挑戰最強拍攝 HTC U11! 真三卡 Moto Z2 Play 開箱試玩越級挑戰最強拍攝 HTC U11! 真三卡 Moto Z2 Play 開箱試玩
    ▲ 最後一組對比,Z2 Play 依然色調偏暖,但整體曝光準確、貼近肉眼。

     越級挑戰最強拍攝 HTC U11! 真三卡 Moto Z2 Play 開箱試玩
    ▲ 我這裡特意做一個放大對比,給大家參考看看。

    挑戰測試短評:細節與色準上 U11 確實毫無疑問勝出,保留更多細節,而且準確還原現場色彩。但作為一部定位中階的手機,輸給暫列第一的 U11 是正常不過的事。而且 Moto 過往不以拍照聞名, Z2 Play 能夠給出這樣的表現實在令人驚喜、驚嚇。這是屬於旗艦手機的拍攝表現,比市面上部分品牌的旗艦手機來的更優異。


    咁,有乜不足之處?
    我認為  Z2 Play 有兩個位唔係人人接受到,最起碼我本人不能短時間內適應:

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 配合 Moto 的 Active Display,Z2 Play 採用 OLED 屏幕,雖然實際顯示效果「唔太味精」,但色彩模式只得兩個選擇,無法獨立調控,而且有機質材的屏幕會有「烙印」的隱憂。

    越級挑戰最強拍攝 HTC U11! 真三卡 Moto Z2 Play 開箱試玩
    ▲ 第二,Z2 Play 配備 One Button Nav 功能,可以關閉虛擬三天王,改用實體指紋感應器來操作:向左滑動 = 返回,向右滑動 = 多工。 我唔太習慣呢種操作,原理雖然跟魅族的 mBack 相同,但由於指紋感應器跟面板有高低差,所以手感上唔爽,會出現卡住卡住的情況。


    結論
    Moto 帶著一貫的優勢(系統與造工)推出 Z2 Play,補完了第一代的缺點和不足。而且擁有真三卡、相機表現又躋身旗艦之列,開價卻只是三千中。 有網友曾經提出處理器 626 並非旗艦處理器,效能無法負荷大食程式,事情確實如此,咁請你選擇其他旗艦 U 的手機。

    或許 Z 系列換 Mods 是最核心的重點,但本人更看重機體本身是否可靠和實用:系統架構貼近原生 Android、長續航力、無垃圾軟件、清晰話音(呢個年代好似無乜需求~)、紮實的造工、真三卡、旗艦級拍攝表現。當然啦,我都想有埋高質音樂體驗、IP 級別防水性能,高像素自拍鏡頭、UFS ROM 之類,但請記住佢賣三千中嘅價錢,係一部中階機黎咋!

    作為一名 Moto 愛好者,我樂於見到廠商繼續推出造工及品質優異的手機。題外話,請問有無人知道幾時會出 MOTO Z2 旗艦機? 
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • Moto Z2 Play
    • 現時售價: 已下市
    • 尺寸: 156.2 x 76.2 x 5.99 mm / 145 g
    • 電池: 3000 mAh
    • 插卡: microSD
    • 螢幕: 1920 x 1080、 5.5 吋 OLED
    • 相機: 1200 萬像素CMOS
    • 顏色: 金 / 灰
    • 時間: N/A
    • 上市: 2017-07-20
    • 外型: 直立
      • 3G
      • 無 HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔