HTC Desire Eye 大鋪小減平兩百蚊，部份大鋪有「暗價」可減更多！
同 One M8 或者 M9 呢啲用上金屬機身的旗艦不同，塑料機殼設計的 Desire Eye 賣點不是金屬手感而係佢嘅防水功能，雖然同 Z4 的 IPX5/8 防水同埋 IP6X 防塵相比， Desire Eye 的 IPX7 防水係略遜一級，但仍然可以係 1 公尺水下操作 30 分鐘啊！係規格上 Desire EYE 係上年 Desire 系列中最頂級的一部就當然不會太差。除左有 5.2 吋 FHD 屏幕之外，亦都搭載左 Qualcomm S801 2.3GHz 四核處理器以及 2GB RAM 同埋 16GB RAM 。相機方面更加係 Desire Eye 強項，前後鏡頭都有 1300 萬像素相機，主鏡頭更有 F2.0 光圈以及 28mm 廣角， BoomSound 立體聲雙喇叭當然亦都齊備。最近 Desire Eye 更加可以升級 Android 5.0 ，版主 Eddie 升左之後都覺得感覺唔錯，整體來講都係一部唔差的手機。之於賣價方面，大鋪現時價錢已經由早前的 $3998 跌至 $3798 ，另外版主見網上見到有人話中原電器曾經減至 $3198 ！呢個價連深水埗細鋪都搵唔到，吸引力咁大版主當然要去問問啦！去到大鋪時雖然 Desire eye 價錢牌標示係 $3998 ，但問過店員之後果然價錢平得多！雖然就無 $3198 呢個價（店員話早一兩星期先有，已完結）但係都做到 $3398 ，比起其他大鋪平 $400 。由於呢類「暗價」頗為唔穩定，價錢牌上亦沒有標明有減價，有意 Desire eye 的朋友去到時問清楚會較著數啦。
如果以自拍為主打的手機來講，版主第一時間就諗起同樣係 HTC 的 Desire 826 ，除左係前鏡用左 UltraPixel 的四百萬像素主鏡之外亦都支援 4G 雙卡同有 5.5 吋 FHD 芒。但缺點就係無防水之餘，處理器上只得 Qualcomm S615 ，電量又得 2600mAh ，對 5.5 吋大芒機來講可能會不夠用。價錢方面目前都係 $3398 ，平 Desire Eye 四百蚊。唔知大家又會點揀呢，要 Desire Eye ／ Desire 826 還是等 Z4 ？不妨留言講講啦！
▲ 以 $3798 呢個價錢來講版主覺得其實都叫吸引的（但不算好抵），始終有防水兼相機利害的手機都不少啊。
在文章發佈的時侯， HTC Desire Eye 香港賣價為 $3,398，按此看詳細規格與最新賣價。
