主題:評測:HTC 10 UltraPixel 2 相機,日拍夜攝 + 4K 短片實力試

ePrice HK
  • 發表時間:2016-04-26 11:50 收錄檢舉
    版主有幸得到 HTC 10 測試機,之前已做過 Hands On,而台灣版主 Jason 都測左好多,我暫時唔想又來一個好長好長嘅 Review,不如講講大家最關心嘅項目吧。家陣用家買手機,會最關注乜?相機,電量。呢一 Part 我講講相機。照 HTC 所講,後鏡用上 UltraPixel 2 技術嘅感光元件,拍到 1200 萬像素相片,到底拍出來係咁靚,而用上手係咪就手?

    評測:HTC 10 UltraPixel 2 相機,日拍夜攝 + 4K 短片實力
     

    今次集中試後鏡

    HTC 10 採用自家稱為 UltraPixel 2 相機。事實上,它是採用 Sony IMX377 感光元件。或者你會講,LG Nexus 5x 、華為 Nexus 6p 都係用呢組鏡頭,又唔見得好好?其實 UltraPixel 2 代表了 HTC 自家對 IMX377 感光元件嘅功能提升與效果調控。例如本來是 F2.0 光圈,HTC 改用更大嘅 F1.8 光圈、再加入光學防手震、測光調色等設定,帶來獨家 UltraPixel 2 相機。事實上,再結合處理器 DSP 晶片的調教,就算 HTC 10 有更新版 (如 HTC 10 Lifestyle),也說用上 UltraPixel 2 相機,可能拍出來嘅效果都有唔同。


    評測:HTC 10 UltraPixel 2 相機,日拍夜攝 + 4K 短片實力
    ▲ HTC 10 嘅後鏡頭,同樣採用藍寶石物料,有抗花效果。
     

    關於前鏡

    而前置鏡頭採用 Samsung S5k4e6 模組,其實係同 Samsung Galaxy S7  係同一組,有著 500 萬像素、 1.34μm、並採用 Samsung 的 ISOCELL 技術,透過加強電子的集光能力,能提升 30% 的動態範圍、讓影像色彩更加真實。不過,它相比 S7 (F1.7 光圈)稍細,為 F1.8,wide angle 也比不上 S7 的 21mm (只有 23mm)。不過,HTC 10 嘅前鏡頭,加入了 OIS 光學防手震,並有自動對焦。加上屏幕當作閃光燈嘅 Flash,版主試過,係極黑環境下,都做到補光效果。 

    評測:HTC 10 UltraPixel 2 相機,日拍夜攝 + 4K 短片實力
    ▲  從 HTC 10 機內資料顯示,兩組 Sony 與 Samsung 相機模組,都有 htc 三個字,代表 HTC 的自家改善。
     

    介面、拍攝感受

    先講講介面,繼 HTC One A9 後,今次 HTC 再把相機介面重新再做,右面係用來影相,轉為拍片或自拍,左面是不同影相玩意。介面一睇易明,不過用上手會發覺有點 Bug。首先,大家都知 HTC 10 用番熱感目錄鍵,其實在你打橫部手機影相嗰陣 ,右手係好容易會誤觸返回及 Multi Tasking 目錄掣,令人以為會彈 Apps。最慘是 HTC 10 加入雷射對焦,但知點解,會成日出 warning 話你隻手阻住對焦。前者係用法問題,後者我覺得呢 D 係 Bug 來,希望 HTC 快快透過 Firmware 升級改善。(據知已有 ROM 解決)。至於影相感覺都好好,對焦是快的,大約就是 HTC One M9+ 相機增強版嘅對焦速度,雖然未係零時滯,尤其要影近物,對焦會比較慢,但結合介面的邏輯,拍攝速度感亦有的 。要做到極速影相,可選擇觸屏即影、要連拍的話只要按著拍照鍵不放就可以。

    評測:HTC 10 UltraPixel 2 相機,日拍夜攝 + 4K 短片實力
    ▲ 全新的影相介面,九宮格是可以 Call 出來。左面的目錄可以收埋。

    評測:HTC 10 UltraPixel 2 相機,日拍夜攝 + 4K 短片實力
    ▲ Pro 模式可以調教嘅設定。留意快門部份,只做到最慢 2 秒,影好光度嘅星,有點難度。

    評測:HTC 10 UltraPixel 2 相機,日拍夜攝 + 4K 短片實力
    ▲用家不要把手指放得太近鏡頭,否會有 Laser Auto Focus 不能使用的 Warning。

    評測:HTC 10 UltraPixel 2 相機,日拍夜攝 + 4K 短片實力
    ▲ 無論前鏡頭定後鏡頭,用家都可以係手機屏幕上,用手指撥動進行加減曝光。
     

    睇試相

    HTC 10 的相機加入了 F1.8 大光圈,很容易做出散景嘅效果。至於影風景遠物嘅環境時,以前 HTC 嘅相機,很易會測到爆晒光,係 HTC 10 裡面,都有呢樣問題 (據知會有軟件更新改善),不過,你可以係屏幕上,用手指向下潑作減低曝光,令相片比較光度更切合自然。好啦,講左咁耐,睇相先。先講明,我唔係個 D 全用自動模式去做測試嘅人,因為呢篇唔係比拼。反而我想試出 HTC 10 應有的實力。當然,佢實力係咪咁掂,就由大家去評價了。 

    評測:HTC 10 UltraPixel 2 相機,日拍夜攝 + 4K 短片實力
    ▲ 拍攝時是有少許陽光的環境,全自動 HDR Auto 模式,對焦點係前方部份。雖然光度不太強 HTC 10 也可以用上 ISO 100 再配合 1/350 快門拍攝。相片的實正是意料之內。HTC 10 有著 F1.8 大光圈,令 HTC 嘅手機,首次拍出很好嘅散照嘅效果,焦點集中在樹葉中心,感覺很專業。

    評測:HTC 10 UltraPixel 2 相機,日拍夜攝 + 4K 短片實力
    ▲ 另外一張散景相。同樣在沒有大陽光底下拍攝,對焦點是靠近的葉子。由於比較多戶外的景緻,快門去到 1/1100,配合 ISO100 及 F1.8 大光圈,都係一張十分出色的散景相。

    評測:HTC 10 UltraPixel 2 相機,日拍夜攝 + 4K 短片實力
    ▲ 全自動模式加中央對焦,沒有特別加減曝光。ISO100 + 1/200 快門。手機相機拍攝火紅色的東西,一直有難度,難得 HTC 10 也拍到士多啤梨冰糖葫蘆的大紅。

    評測:HTC 10 UltraPixel 2 相機,日拍夜攝 + 4K 短片實力 評測:HTC 10 UltraPixel 2 相機,日拍夜攝 + 4K 短片實力
    ▲ 在同一個錦上路市集,用全自動模式拍攝,相片飽和度足,好實正。

    評測:HTC 10 UltraPixel 2 相機,日拍夜攝 + 4K 短片實力
    ▲ 這張食照,我係刻意把光度 -1,出來 ISO 160 再配合 1/35 快門拍攝, 令食物 detail 出現番。但有網友說色水不夠突出,我就會話,其實跟現場環境係好最相似。當然,有部份手機相機愛把飽和度再推高一點,實現美食模式效果,不過,相片像真度都十分重要,美食模式,實際可以用數十個不同相片軟件去調整吧。 你又點睇呢?

    評測:HTC 10 UltraPixel 2 相機,日拍夜攝 + 4K 短片實力 評測:HTC 10 UltraPixel 2 相機,日拍夜攝 + 4K 短片實力
    ▲ 呢兩張一看已知是開啟了 HDR 拍攝,因為後面的灰雲實在不太自然,這亦是 HTC 手機鏡頭的弱點。但話分兩頭,今次 HTC 加入 Auto HDR,若果這兩張相不啟動 HDR,效果可能更差。留意左面的相片,版主亦進行了少許減光,令相片不會過曝。

    評測:HTC 10 UltraPixel 2 相機,日拍夜攝 + 4K 短片實力
    ▲ 這張是一般拍攝效果,相信好多郊遊網友,也會用這類單車作素材。沒有陽光的下午,1/150 快門再加 ISO 100。版主會覺得飽和度高一點,感覺會比較大師級。

    評測:HTC 10 UltraPixel 2 相機,日拍夜攝 + 4K 短片實力
    ▲ 這張是典型的新界鄉郊夜攝圖。F1.8 光圈在沒有調暗情況下,可以拍到很光的鄉郊馬路相。難得嘅係快門只有 1/9,也用上超大 ISO3200,但相片沒有明顯鬆嘅感筧,油畫化情況絕對可以接受。可見,大光圈再加新一代光學防手震,對夜攝的幫助。

    評測:HTC 10 UltraPixel 2 相機,日拍夜攝 + 4K 短片實力
    ▲ 同樣係一張全自動拍攝嘅夜景相,夜晚個天光到見雲?無可能啦,肉眼跟本睇唔到,但把 HTC 10 調至 ISO 3200 再加 F1.8 就做得到。呢 D 夾硬放光嘅夜拍照,人人喜好不同,但樂見 HTC 10 在如此在 ISO 下,油畫化情況也在合理水平,這個令人欣喜呢。

    評測:HTC 10 UltraPixel 2 相機,日拍夜攝 + 4K 短片實力
    ▲ 呢張相,版主專登把光度作 -1.17 的調整,光度跟原本嘅情況最近似。因為 ISO 減至 800,快門升至 1/13 相片實正度高好多。

    評測:HTC 10 UltraPixel 2 相機,日拍夜攝 + 4K 短片實力 評測:HTC 10 UltraPixel 2 相機,日拍夜攝 + 4K 短片實力
    評測:HTC 10 UltraPixel 2 相機,日拍夜攝 + 4K 短片實力 評測:HTC 10 UltraPixel 2 相機,日拍夜攝 + 4K 短片實力
    ▲  繼續極暗挑戰。呢個環境,若果用自動模式,HTC 10 又係會推到 ISO 3200 去拍。左面個兩張,我用人手減光 相片會暗一點,但跟本來環境最似,你會揀「推光」定「還原」?

    評測:HTC 10 UltraPixel 2 相機,日拍夜攝 + 4K 短片實力 評測:HTC 10 UltraPixel 2 相機,日拍夜攝 + 4K 短片實力
    ▲ 返回市區,拍攝旺角嘅夜晚又如何?左面是減了光 -1.85,快門 1/100,ISO125。右面是自動模式 ISO250 與 1/35 快門。
     

    4K 拍攝立即睇

    HTC 10 拍到 4K 解像度短片...車。。。 上年 HTC One M9 都有啦。但試過的話,HTC 10 的 4K video 拍攝,由使用感受,到實際效果都可以用大躍進來形容。首先,它拍攝 4K 時,已支援 Zoom,即係可以把影像拉前縮後,當然,係 Digital Zoom,但令拍攝更加靈活,有 Zoom in,有 Zoom Out。另外,HTC 加入了 Hi-res 錄音,即係 4K (其實其他解像度都有) 裡面,會同時可收收錄 Hi-Res 音效!版主用 HTC 10 試拍,拍攝嘅效果,比起上年 M9,或是今年的 X9,都有很顯著的進步!大家睇睇示範短片就最清楚。

    評測:HTC 10 UltraPixel 2 相機,日拍夜攝 + 4K 短片實力
    ▲ Sony Xperia Z5 系手機,拍攝 4K 後,可以透過佢地嘅 Video Creator 做到 4K Chop,即係可以 Chop 出 4K 八百萬像素相片。HTC 10 改用了 Google Photos,就做唔到呢到點。版主嘗試強植 Sony Video Player APK 於 HTC 10 內,好處是可以係播片情況下,照樣做到 Zoom in 效果,由於 HTC 10 都係 2K 芒,Chop 出來都有四百萬解像度! 對於我地網站報導,或大家日常 Share 相片,已十分夠用。所以 4K 拍攝,係有其實際用途嘅。

    評測:HTC 10 UltraPixel 2 相機,日拍夜攝 + 4K 短片實力 評測:HTC 10 UltraPixel 2 相機,日拍夜攝 + 4K 短片實力

    評測:HTC 10 UltraPixel 2 相機,日拍夜攝 + 4K 短片實力 評測:HTC 10 UltraPixel 2 相機,日拍夜攝 + 4K 短片實力
    ▲ 以上就係幾張就係 2K Chop 嘅相片,大家可以放大睇睇效果,都唔差架。

    評測:HTC 10 UltraPixel 2 相機,日拍夜攝 + 4K 短片實力
    ▲ 呢張就係由 HTC 10 拍出來嘅 4K 解像度短片,再用 Zoom 方法,把玩樂中的小朋友放大,再用屏幕 Capture 方式,Chop  出來,解像度都有四百萬,影像都見得下人架。


    ▲ 4K 拍攝效果示範:   30fps + 24K bit FLAC 錄音。


    ▲ 受惠於 F1.8 大光圈, HTC 10 也可以拍到散景感覺的 4K 短片。

    HTC 10 評測相關文章
    HTC 10、三星 S7 Edge、LG G5、華為 P9 攝力大對決
    版主 Hands On! HTC 10 十大強項,強打韓、日品牌
    至強回歸! HTC 10 : UltraPixel 相機 + 前置 BoomSound
    HTC 10 發佈! 四個你可能知,一個你完全唔知嘅消息
    未發佈,外型確定! HTC 10 實機圖搶先流出
    無廣告,無後門!HTC Boost+ 幫你一按清理手機垃圾
    AnTuTu 第一位 ! HTC 10 效能跑分強過華為、完勝三星
    HTC 10 跟機耳機有來頭! Hi-Res 認證 + 8 微米航太材料振膜
    呢個機套好有趣! HTC 10 Iceview 有新意
    中階版本 HTC 10,配 S652 處理器! HTC 10 Lifestyle 中國官網現身

    HTC 10 係文章刊登時,賣價為 $5398,按這裡有最詳細規格及最新報價
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • HTC 10
    • 現時售價: 已下市
    • 尺寸: 145.9 x 71.9 x 9 mm / 161 g
    • 電池: 3000 mAh
    • 插卡: microSD
    • 螢幕: 2560 x 1440、 5.2 吋 SLCD
    • 相機: 1200 萬像素CMOS
    • 顏色: 銀/灰/金
    • 時間: 通話 1620 分鐘 / 待機 456 小時
    • 上市: 2016-05-07
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 無 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔