百老匯無貨唔緊要!衛訊出招 HTC S820 旗艦手機 平價反擊

左定坤 (Cho Ting Kwan) | HTC
問版主近期最抵玩手機係乜?雖然我個人興趣就不大,但無可否認的是,最值得入手的,一定是百老匯以 $2500 出售的 HTC S820 旗艦 - HTC 10。二千五蚊,喺大舖入手仲要有原廠保養,實在是抵到爛,問題係,貨量非常少,雖然版主有朋友好彩可以用同樣價錢,買到部紅色 10 仔,但佢呢啲不過是個別例子,版主咪話問過百記職員,佢哋都話全線幾乎都只剩下金色。咁成村人搶住一部無乜人要嘅機為乜先?而家衛訊就唔同呢,出招反擊百老匯,有唔同顏色選擇之餘,而且亦都將呢部 10 仔減價至差不多的價位。即刻睇下文啦!

場料(Facebook).jpg

等左兩個月,終於來到衛訊新一期的信用卡優惠。不過衛訊信用卡優惠,提唔提都無緊要,因為唔似得百老匯,在衛訊即使你無果張信用卡,但都一樣可以用相同價錢買機。可能知道百老匯將 10 仔清貨,所以今期衛訊就決定反擊,同樣地將 10 仔落價,最新賣價為 $2698。的而且確係會比百老匯貴近二百左右,但一來起碼唔使左搵右搵,唔使搶,二來你仲可以揀你想買的顏色,未必齊色,但至少有得選擇。上星期問過衛訊職員,紅色就未必有貨,但銀、金、黑還是有貨的 (1/7 18:30 更新:同衛訊職員再 update,而家全線剩番金、黑兩色,銀色賣哂)。差百老匯一二百,但既可以慳番左搵右搵嘅時間,又唔使怕買唔啱心水的顏色,何樂而不為?上次買唔到 $2500 十仔的網友,今次終於可以出手了吧?

19688574_459872354371576_968510816_o.jpg

HTC 10 在文章發表時,衛訊最新賣價為 $2698,按這裡有詳細規格及最新賣價
廣告