HTC U11 現驚喜價!三千蚊可入手,買黎影相都抵玩?

左定坤 (Cho Ting Kwan) | HTC
講到抵玩的旗艦手機喇喎,雖然係過氣了一點,但無可否認的是,版主覺得始終都係 HTC U11 算係幾抵玩。大舖賣緊 $4298,呢個價當然比起同樣用 S835 處理器的 Sony Xperia XZ1 略貴一點,但如果論到使用體驗,個人認為 U11 的系統穩定性,會相對地高一點。不過,版主最近發現有地方將 U11 大劈價,一劈劈到 $3000 可入手,呢個價我又覺得就算買黎影相,都相當抵玩。想了解更多,睇下文啦!

HTC(Facebook).jpg

HTC U11 大舖賣價為 $4298,同細舖價相比,其實並唔係相差好多,都係二三百蚊之差。想用便宜的價錢入手 U11,就只能向水貨方面考慮。收到最新消息指出,U11 現時旺角先達水貨最新賣價,已經跌到 $3080,有黑色、藍色以及白色三種選擇 (可惜無紅 唔制)。呢個價,就算本來對 U11 性趣不大的版主來說,都覺得有相當的吸引力。

htc-u11-back-720x720.jpg

版主都有加入 HTC 的 Facebook 群組,成日都會有網友在群組內分享用 HTC 手機拍攝的美照,可以見到其實 U11 的拍攝質素,是相當不俗。儘管版主對 U11 的外型不太欣賞,然而當呢部手機跌到落三千一唔使,我就覺得:嘩!真係買部用黎做旅行影相專機,都唔錯。就算唔講影相,其實在效能上 U11 亦都不差,有 S835 處理器,就算係一般打 3D 遊戲,都可以有順暢的表現。咁嘅 specs,咁嘅價錢,係咪無得輸呢?

HTC U11 在文章發表時,大舖賣價為 $4298,按這裡有詳細規格及最新賣價

查詢及鳴謝: 三禾電氣23740618 (旺角) 23740718 (銅鑼灣)
廣告