主題:iOS8 發佈! 版主同你數 十個 K.O. Android 必殺招!

ePrice HK
  • 發表時間:2014-06-03 03:55 收錄檢舉
    凌晨時份 (13/6 一時),Apple 舉行了 WWDC 開發者大會中的 keynote! 新手機、電腦、iPad 通通沒有,帶來只有全新 MacOS 與 iOS8。蘋果 CEO Tim Cook 在演說中,明串 Android 用家是用錯機,上錯會。今次 iOS8 的升級好多,版主睇過了,精選了十個可能威脅到 Android 地位的升級。iFansboy、An 機 Fans,睇了版主的介紹,不如齊齊講下,你點睇 iOS 升級;An 機 Fans 你又會否因為 iOS8 而轉投 iPhone 吧!

    iOS8 發佈! 版主同你數 十個 K.O. Android 必殺招!
     

    IOS 8 Beta  即日有、秋季有得升級

    在 WWDC 蘋果開發者大會,iOS8 的公佈,似乎是大家預期的事。到底 iOS8 會有什麼新功能你要知呢?在分享之前,要同大家講,iOS8 的 Beta 版本,即日起就有了。若果你有 Developer 戶口,不妨 Download 來玩玩。至於,你的 iPhone、iPad、iPod Touch  幾時有得升級?要等到秋季了 (即係新 iPhone 如常在係秋季推出啦 iconicon  )。基本上,iPod Touch 第五代、iPad 2、iPhone 4s 打後的型號都可以升級。

    iOS8 發佈! 版主同你數 十個 K.O. Android 必殺招!
    ▲ 可以升級 iOS 的 iPhone 、iPad 型號都好多!可以說,近幾年買入 iPhone、iPad、iPod Touch 用家,在秋季也可以享用到 iOS8 的升級級了。
     

    升級 001  :  互動式提示

    以上講了 iPhone 用家最想知的東西:幾時升級! Android Fans 反而想知,iOS8 又是否比起 Android 系統先進、好用好多呢。版主第一項要講的 iOS8 升級, 是 Notificaiton 的改進。在 iOS8 裡用,家可以在 Notification 提示裡,即時作出不同的反應。例如有人用 SMS 或 Facebook Messenger 找你。你可以直接在 Notification 的地方回應,唔駛下下叫個 Apps 出來。雙按 Home 鍵,以前會叫出 Recent Apps,在 iOS8 裡,會叫出你最常聯絡到的朋友!提示部份,亦包括了 Mail 電郵裡新加了不同顏色的標示,掃一掃把某電郵列為重要、刪除、存檔等等。用開 Android Gmail 用家,會似曾相識,因為這就是類似 Android 版本的 Gmail Apps 功能啦。而個別 Apps 如 Whatsapp、Line 等都有在 Notification 裡回覆訊息功能,Android 版本更可以選擇開或關。iOS8 會在這個範圍是有改進,會否吸引到 Android Fans,又是另一個問題。

    iOS8 發佈! 版主同你數 十個 K.O. Android 必殺招!
    在屏幕上方的提示,在 iOS8 下,可在那裡直接回應,不用開啟相關的 App。如圖中建入SMS 回應,或把鬧鐘關閉。
     
    iOS8 發佈! 版主同你數 十個 K.O. Android 必殺招!
    新增最常用聯絡人的提示表列。

    iOS8 發佈! 版主同你數 十個 K.O. Android 必殺招!
    Mail 電郵程式有更多快捷選項。


    升級 002  :  更好用的圖像 App

    以前 iOS 裡的 Photos,真的只用來睇相與 Share,相片編輯功能也過份簡單。iOS8 裡的 Photos,會增強 Photo Editing 部,除了以前的 Filer 及 Auto Enhance,iOS8 可以 Tune 相,如調教光暗與飽和度等等。Android 系統一早已有 Photo Editing,HTC、Sony、Samsung 也在自家系統中,加入不同 Photo Edit 功能。Android Fans 對此未必有興趣,但對於 iPhone  用家來說卻是很有新意。

    iOS8 發佈! 版主同你數 十個 K.O. Android 必殺招!
    iOS8 相片編攝功能,更強更完善。

    iOS8 發佈! 版主同你數 十個 K.O. Android 必殺招!
    ▲Time Lapse Videos 縮時攝影,即係影天光到天黑,花開到花落果,再把它變成幾十秒 Video。


    升級 003 :  萬能 Spotlight Search + Siri

    不知用開 iPhone 的網友,知不知 iPhone  的 Spotlight Search 是很厲害,只要你在 Search Bar 鍵入文字,iPhone 裡的內容也可以找到出來。在 iOS8 裡,這個名為「Spolight Light」更會連上網,自動找出 Wikipedia 維基百科、電影、App Store 裡的 App 找到出來。想像一下,基本上就是把 Google Search 加入 iPhone 裡面,連 Sarfari 也像 Chorme 一樣,你打 Keyword,iPhone 會自動聯想你想找的字,十分方便呢。而 iPhone 的語音認對系統 Siri 亦會升級,結合認歌軟件,可以聽音樂認出歌名字!

    iOS8 發佈! 版主同你數 十個 K.O. Android 必殺招!
    ▲ iOS8 的 Spotlight 搜尋功能現在不只能搜尋手機中的 App 或郵件,也能搜尋網路上的資訊,像是維基百科條目、最近電影、新聞、App Store 等等,而且是即打即搜尋。

    iOS8 發佈! 版主同你數 十個 K.O. Android 必殺招!
    ▲ Safari 的網址列也能有即時搜尋與符合條目推薦的功能。


    升級 004: 鍵盤有智能 識分老闆定朋友

    在 iOS8 裡,採用全新 QuickType 輸入法,它會按照用家先前輸入的文字,預測出接下來可能會輸入的內容成為待選字,而且它還會根據前後文自動提示,例如對方 SMS 詢問「你想要看電影還 是吃晚餐」,QuickType 輸入法會自動跳出「晚餐」、「電影」跟「不確定」當做候選字。最誇張是,若果電郵裡,你跟老闆或生意夥伴,以純正書面語回應,待選字也是純正語文。若果你跟豬朋狗友對話,待選字可能是比較粗皮的選擇。在 QuickType 的支援地方列表中,版主見到有香港特區旗,唔知真正使用時,會否有高登潮語出現呢?

    iOS8 發佈! 版主同你數 十個 K.O. Android 必殺招!
    ▲ 不少輸入法會有待選字的功能,IOS8 的 QuickType 會用你對話的內容,估計應對的字眼,要斯文有斯文,要攪笑有攪笑?真係要試過先知。

    iOS8 發佈! 版主同你數 十個 K.O. Android 必殺招!
    ▲ QuickType 香港地區,期待香港潮語出現係 iPhone 的估字系統裡。


    升級 005: iPad 當埋電話打,WiFi 版已夠晒玩

    不少 iPhone 用家也買 iPad。若果只買 iPad WiFi,下下要找 Hotspot 都幾麻煩。不過 iOS8 起,你要記得呢個 Term: 「Contiunity」。這個「連續性」的功能,實情是把 iPhone、iPad 與 Mac 電腦,以 WiFi 方式,串連一起。以 iPhone 與 iPad 為例,以後 iPad 與 iPhone 會自動連線,iPhone 當 Modem、iPad 上網。最誇張係,iPhone 當電話,iPad 收聽。同樣功能,iPhone  與 Mac 連接也一樣。iPhone 可以方便地與 iPad 連接使用電話與分享上網,你還買 iPad 4G 版來做什麼?
     
    iOS8 發佈! 版主同你數 十個 K.O. Android 必殺招!
    ▲ Contiunity 功能同時可用在通話或 SMS 上,當使用者的 iPhone 有電話響時,iPad 與 Mac 會同時出現通知,使用者可利用 iPad / Mac 接聽 iPhone 上的電話或直接撥打電話,即使 iPhone 在另外一個房間充電。同樣的情形可用在簡訊上。 
     


    iOS8 發佈! 版主同你數 十個 K.O. Android 必殺招!
    ▲ 「Contiunity」功能使用者在 Mac 與 iPhone / iPad 上都可無縫執行正在進行的工作。比方說,當使用者在 Mac 上編修簡報,這時 iPad 或 iPhone 的鎖定畫面左下角會有一個簡報的圖示,只要按住這個圖示往上滑,就可在 iPhone / iPad 上繼續編修簡報的動作。

     

    升級 006:  手機、電腦、平板 可以 AirDrop

     iPhone 一直被認為,值存與分享檔案都比 Android 手機難得多,又無記憶卡、又要用 iTunes。不過,在 iOS8 配上  Mac OS X Yosemite 就可以支援 AirDrop。即是什麼呢?就是 iPhone 與 Mac 機之間,透過 WIFI 直接連接傳送檔案,過程十分簡單易用,不用需要什麼設定。Android 系統本身無呢個功能,要靠 Apps 完成,方法亦無 Air Drop 咁方便。


    升級 007: 打通 iColud Drive

    Android 手機有 Google Drive 可以用。iPhone 有 ICloud。在 IOS8 裡,iCloud 變為 iCloud Drive。點樣用呢? 你當是 Dropbox 加 Google Drive 混合體。在 Mac 機或 PC 裡,會有一個 iCloud 專用地區,你把檔案放在去,連線上網,自動更新。而 Apple 又有對應 Apps,如 iWork,你直接在那裡改檔案,你名下 iPhone、iPad 全部打通一齊修改。iCloud 要收費嗎? Apple 在 WWDC 其實靜靜雞「減價」,同以前一樣首 5GB 免費,如果想用到 20GB 空間既話每個月係比 $0.99 美金(大約 7.8 港幣);每個月用到 200GB 就係 $3.99 美金(約港幣 $31) ,比起 Dropbox 便宜啊,不過香港方面價錢幾時先跟到就未知啦(版主試過,文章刊出時還是舊有收費)

     

    iOS8 發佈! 版主同你數 十個 K.O. Android 必殺招!
    iOS8 發佈! 版主同你數 十個 K.O. Android 必殺招!
    ▲ iOS8 支援新的 iCloud Drive 功能,系統會出現 iCloud 上的資料夾,使用者可取用其中的檔案,或是把檔案儲存在裡面。
     

    升級 008  :開放 SDK !唔使 JailBreak 有好用輸入法!

    其實版主唔用 iPhone 既一個原因,就係內建既輸入法選擇唔似得 Android 咁多,畢竟每個人都有唔同既輸入習慣,一些打慣「行列」、「廣東話拼音」既網友用起 iPhone 總要段日子習慣,而慣用速成的版主 Eddie 都不太滿意 iOS 上面的排位。要 JailBreak iPhone 才可裝輸入法。今日起 iOS8 的 SDK 終於開放給第三方開發使用,以後App Delevoper 可開發更深度的 Apps,想裝合心意既輸入法就唔使再靠 JailBreak 啦,係 WWDC 上面, Apple 展示左 Cydia 中相當有名的 鍵盤 add-on 「Swype」,慣用這個鍵盤的網友應該很開心吧。

    iOS8 發佈! 版主同你數 十個 K.O. Android 必殺招!
    ▲在 Cydia 上紅極一時的「Swype」有望在非 JB 裝置上使用,令 i-Device 更個人化。
     

    升級 009: iPhone 進一步「開放」! Widget 、Touch ID 更方便、更自由!

    以前我地講 iOS 同埋 Android 既分別,簡單黎講就係 Android 有 Widget 、傳輸資料更加自由,而 iOS 係「封閉式」既系列。今次 WWDC 終於在 iPhone 上面「破格」使用 Widget 啦,不過用既方式同 Android 上面唔同,而係將 Notification Bar 上面既 Widget 開放比第三方開發者,記得上年 iOS 7 既時侯版主都講過預計到走到呢步,並唔太意外。

    除此之外,iPhone 5s 既重心功能要 Touch ID 亦開放了 SDK,這就表示了指紋認證的功能就不會再局限於為 iPhone 解鎖或是在 App Store 上購物,而是可以在其他的 app 上使用 Touch ID 來認證,大大增加 Touch ID 的可用性。版主諗起現時 Android 上面用到指紋既技術同埋廠商都好多,不過就冇一套概定既標準,所以往往令到指紋掃描功能有所規格,咁發展落去 iPhone 會唔會領先 Android 一大步?

    iOS8 發佈! 版主同你數 十個 K.O. Android 必殺招!
    ▲開放 TouchID,令更多 app 可以利用它來進行認證,可用性大增。


    升級 010  Beta Apps

    Apple 亦改變了對於 App 的政策,推出「TestFlight」。 原本 Beta 階段的 app 要進行公測,只能向已 JB 的用家提供 api 來 sideload 到 i-Device。但「TestFlight」就是可以把 Beta 階段的 App 上載到 App Store 上,再以電郵向一般用戶提供邀請連結。好處是非 JB 用家也可以參與 Beta 階段的測試,用家亦不需要為了參與公測而冒險把裝置越獄。

    同時開發者可以把多個 app 綑綁出售,在於開發者角度是有利於把 app 推廣。對消費者亦有好處,就是可以用較低的平均價錢買到同一系列的 app。

    iOS8 發佈! 版主同你數 十個 K.O. Android 必殺招!
    ▲「TestFlight」可以讓更多用戶參與公測

    iOS8 發佈! 版主同你數 十個 K.O. Android 必殺招!
    ▲App bundles 是把多個 app 綑綁一起作套餐式出售。
     

    小結:「參考」 Android ? iOS 「補完」了必須功能?

    其實要講 iOS 8 既更新,版主都係抽認為最有意思既幾點分享,其實仲有一啲功能係幾有趣,例如佢地「順應潮流」推出 Health Apps ,聲稱可以統合其他「健康類」應用既資料,最少換穿戴式裝置既時侯唔從將個人資料從新來過;而 Family Sharing 就可以一個家族分享購買了的應用程式,變相減少了一大筆開支;至於 iHome 概念雖然聽落唔錯,但未有相關產品推出要討論仲係言之尚早, Apple 其實都火速更新左佢地既網頁,想知道更多 iOS 功能可以去官網睇番。

    近年見到 Apple 的 iPhone 市佔率有所下降,應該就是不少網友從 iPhone 轉投到 Android 了吧?這次的 iOS 8 算唔算係「參考」了 Android 搶客既重點,從而去補完 iOS 未有的功能呢?再講,iOS 8 雖然開放左唔少地位,不過從硬件到軟件既統合係「一條龍式」,網友認為會唔會比起 Android 更加可靠呢?無論大家係用緊 iPhone 定係 Android 手機,版主都想聽聽大家意見,就係下面留言討論一下吧!
     

    Apple WWDC 2014 iOS / MacOS 更新發佈會文章總合:

    WWDC 發佈會圖文直擊!見證新一代 iOS + Mac OS X 面世
    Mac OS X Yosemite 發表!功能全面睇
    Mac OS x iOS 統合強化!電腦加入打電話功能!網頁、文件同步!
    iOS8 發佈! 版主同你數 十個 K.O. Android 必殺招!  
    多謝支持 ePrice.HK

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    熱門討論▼
  • 發表時間:2014-06-03 12:11 檢舉
    垃圾, 舊 TECHNOLOGY
    02樓 ▲TOP 回列表頁