主題:iPhone 用家必睇!Mac OS x iOS 統合強化 電腦可以打電話!

ePrice HK
    • Eddie http://anserbridge.info
    • 帳號:
    • 發文:2575
    • 經驗:7831
    發表時間:2014-06-03 02:13 收錄檢舉
    在剛剛完結既 WWDC 入面,就見唔到有新 iPhone 啦,不過對於 iPhone 用家黎講,都唔係完全冇驚喜。原因就係新發佈既 Max OS X Yosemite 入面有加強到 Mac OS 同埋 iOS 既整合,令到用緊 Android 手機既版主 Eddie 都想即刻衝部 iPhone 黎用(不過當然等埋新機先啦icon),想知道有乜野新功能?所有 iPhone 用家就要睇呢篇文章啦!

    iPhone 用家必睇!Mac OS x iOS 強化!電腦可以打電話!-1
     

    Mac 機 x iOS 同步強化!連接上網、分享文件更簡單!

    最近既 Mac OS X Yosemite 點樣同 iOS 配合?首先大家期望已久既手機/平板 Air Drop 至電腦終於在新一代 Mac OS 實現到,以後如果想將 iPhone / iPad 上面既圖片、影片傳到電腦上面,就唔需要再成日帶住一條傳輸線,亦都唔需要用到 Dropbox / iCloud 呢類浪費數據量又靠網速既方法,直接用 Air Drop 速度快很多。

    除此之外就係將 Mac OS 正在使用的網頁、程式同步到 iPhone / iPad 上面,這個新功能叫 Hands-off。舉個例子,當係電腦上面睇緊一個網頁既時侯,只要係手機/平板上面打開 Sarfari ,就會自動開啟同一個網站;根據 WWDC 上面的示範,應該 Number、 Page 同埋 Keynote 文件都可以,遲些會不會有第三方軟件都可以用到同樣的效果?就要等 Apple 進一步公佈了。

    除此之外,還有一個版主覺得很棒的功能,就是 Mac 會自動感應到附近會不會有同一個用家的 iPhone / iPad ,當搜尋 Wi-Fi 的時侯可以自動連接,還可以見到手機的訊號(例如接收幾多格,正在用 3G/4G 等等),就算第一次連結也不用輸入密碼,相當方便啊!

    iPhone 用家必睇!Mac OS x iOS 強化!電腦可以打電話!-2
    ▲在電腦開啟一個 Number 檔案,只要按住 iPad 上面的 Number Icon 就可以自動同步開啟同一個檔案,很方便吧?

    iPhone 用家必睇!Mac OS x iOS 強化!電腦可以打電話!-3
    ▲同樣原理,在 Mac 上面開啟網站,解鎖開啟 Safari 就自動同步,連分享網址的時間也省下了

    iPhone 用家必睇!Mac OS x iOS 強化!電腦可以打電話!-4
    ▲版主主要是用 iPad 分享訊號上網,所以每次出門都要帶 iPad 連接線,以後只要感應到 iPhone / iPad 在附近,就會自動連接,就算是第一次也不用輸入 Password ,相當方便哦!
     

    Mac 機打電話+ SMS ?!整合同步電話功能!

    Mac OS 同埋 iOS 進一步同步並唔只係強化 iPhone / iPad  功能, Mac OS 亦都進一步強化。其中一個幾有趣既功能就係當 iPhone 與 Mac OS 電腦同步之後,就可以利用 Mac OS 打電話,即使手機不在身邊也可以做到接聽/致電功能,更進一步的就可以在電腦瀏覽網頁的時侯,直接按網頁的電話號碼撥號,再利用電腦上面的收音咪/喇叭通話。

    而大家愈來愈少用的 SMS 呢, Apple 亦有重視這方面的功能,新版本 OS X Yasemite 入面可以將手機的 SMS 同步到電腦和 iPad 上面,雖然大家已經愈來愈少用,不過總會需要用到 SMS 的時侯,版主的電話費帳單除了 Email 外也收 SMS ,可以整合也是一件好事吧?

    睇完呢方面既整合,用緊 Mac 機既網友又會唔會想去入一部 iOS 裝置呢?而用緊 iPhone /iPad 既網友又會唔會轉投 Mac 方面呢?留言講下意見吧!

    iPhone 用家必睇!Mac OS x iOS 強化!電腦可以打電話!-5
    ▲當和 iPhone 連線之後就可以打電話,直接用 Mac 機的收音咪就可以通話,很棒吧!

    iPhone 用家必睇!Mac OS x iOS 強化!電腦可以打電話!-6
    ▲另外,以後 SMS 會自動同步,雖然已經很少人在用了,不過就變了經常漏掉 SMS ,這也是不錯的功能啊!


    Apple WWDC 2014 iOS / MacOS 更新發佈會文章總合:

    WWDC 發佈會圖文直擊!見證新一代 iOS + Mac OS X 面世
    Mac OS X Yosemite 發表!功能全面睇
    Mac OS x iOS 統合強化!電腦加入打電話功能!網頁、文件同步!
    iOS8 發佈! 版主同你數 十個 K.O. Android 必殺招!  

    立即加入Facebook 專頁,新聞/消息/優惠,最快知。

    01樓 ▲TOP 回列表頁