做齊六招提高成功率,下午三點 超快 AOS 搶 iPhone 7 亮黑

Keith Yim | Apple
大家記得今日 9/9 下午三點,Apple 開始係 AOS 系統,Apple Online Store 開賣 iPhone 7 與 iPhone 7 Plus。之前,版主已同你分析過,若果你唸住進行一年一度嘅 iPhone 買賣活動,今年劍指只有一個 Target :  Jet Black 亮黑版大機 iPhone 7 Plus。以下 3 個要點,6 個步驟,大家可以立即記下,做足準備,已可以擊退唔少盲摸摸嘅人。係呢到提一提,今年 iPhone 7 嘅改進,不少網友表示歡迎,相信就算用家,想快手有機玩,要搶到機都有一定難度,照計指示去做,都有幫助。祝大家有技術,有運氣,搶機成功。

AOS-fb02.jpg
 

要點一:AOS 訂機 真金白銀付錢等送貨

今日 9/9 下午三點, 香港蘋果官網 Apple Online Store (AOS) 正式作頭輪 iPhone 7 與 7 Plus 頂訂。係 Apple Online Store 訂機,係真金白銀,先用信用卡俾錢,即係是真真正正買機 (淨機,不上台嗰隻)!所以你入貨時,真係要考慮清楚。
 

要點二:AOS 訂機,不等於開賣日 16/9 有機

AOS 第一輪訂購,其實係 Apple 讓用家可以安坐家中等收貨,唔駛去 Apple 實體專門店同人迫,但唔代表佢地會 16/9 正式開賣嗰日送貨俾你,而且人數眾多,送貨都要時間,照以往經驗,對於要即時嘗新,或把握時機,即買即放嘅網友來說,其實不太適合 AOS 訂機。另外,AOS 訂機佢只係即時 Hold 起你嘅信用卡 Credit,之後會寄上確認 Email 去你的 Apple ID 登記電郵地址。這時,你亦可以進入的 Apple ID 戶口,查看配貨情況,若未配貨,你仲可以 Cut 單。但記住 AOS 買機,收左貨,退機要俾手續費。AOS 其實比較適合用家使用。
 

要點三:小心同時開放 IR

版主你都話 AOS 比適合用家,咁點解我仲要參予。其實,上年起 Apple 已更改了系統,AOS 開賣同時,亦同時接受 IR。IR 即係 I Reserve 蘋果實體店預約系統,即係預約首賣當天,即係 16/9 當天到實體買機名額。用 IR 訂機有乜好處,重點攻略,另有文再談
 

要點四:用邊張信用卡有著數

Apple Online Store 接受 Visa、Mastercard (包括 Tap N Go) 及 AE 卡。大家可以因應不同信用卡嘅優惠,選擇用邊張信用卡,例如版主用開 AE CX 卡,仲要在首三個月優惠期,可以儲里數,若果我要訂,一定用呢張卡。若果你仲未想好,我哋有推介,立即 Click 入我哋嘅 Facebook Fanpage 就會知道,最多賺三百獎賞錢架。
 

步驟一:預備一張最多優惠嘅信用卡

係蘋果官網買 iPhone,最快確定付款方法,就是使用信用卡。而香港不少人其實一身有幾卡,而新 iPhone 定價唔平,用家不妨睇睇,這個金額的消費,在個別信用卡有沒有特別回贈,令你買 iPhone 個陣更加超值,所以在搶 iPhone 之前,不妨先查詢信用卡優惠資料。提一提,Apple 只支援 VISA、Mastercard 與 AE 卡,不要多手預備銀聯卡作挑戰。 
 

步驟二:先預備好你的 Apple ID 

係蘋果官網買嘢,都要申請一個 Apple ID 先 OK,若果你係初玩家,預先申請是好需要,到時先開始註冊,就乜都慢過人。若果你已沒有多用 Apple ID 或查閱戶口,也請你立即檢查一次,尤其係當中嘅信用卡資料,睇下有無 Outdated,有就立即更新。

立即按此進入 Apple ID 資料頁,更新資料

步驟四:用 App / 用網上版有著數
其實,除了有電腦網頁版 Apple Online Store (AOS),Apple 自家都寫了隻 Apple Store 嘅 App 俾 iPad 與 iPhone。若果你有手機/平板 (Android) 也用手機平板有數。多次產品開賣及資料發佈,都係 App 版 Apple Store 運作與手機版面,都比電腦版網頁版 AOS 快同準。

立即按此下載 Apple Store App
 

步驟五: Bookmark 直連網址

記得版主分享過,AOS 裡面不同顏色與容量嘅 iPhone 6S 與 iPhone 6S Plus 嘅直接網址嗎?記得把你心儀版本 Bookmark,方便一按即入。
 
立即按此進入 iPhone 7 與 7 Plus AOS 直接網址
 

步驟六: 提早進入 F5  是皇道

根據 Apple 嘅指示 AOS 會係 9/9 下午 3:00 分開放。不過,我地還是覺得你最好依家進入先處理好 Apple ID 的事。記得先 Login 不要 Logout。因為在開賣之前幾小時,AOS 隨時先關閉作預備。我們建議你在 2:50pm 左右,就開始遊戲,看看重開 AOS 沒有,然後就用步驟五 Bookmark 大法,不停 Refresh 你想愛型號嘅網站。重新載入是「 Function 鍵 + 5」即是坊間說的 F5。用 Mac 電腦重新載入網頁是 「Command 鍵 + R」。

iPhone 7 & 7 Plus 賣買攻略
四個要點 6 個步驟,下午三點 超快係 AOS 搶 iPhone 7 亮黑
純數據分析!iPhone 7 炒價必升舊年
今年有無得炒?iPhone 7 / iPhone 7 Plus 售價 + 首發地區
訂 iPhone 7 Plus 亮黑 ! 9 / 9 三點鐘 AOS 買機攻略 (附一按即通連結)
Mark 低日子搶 iPhone!iPhone 7 系列 預訂 + 香港賣價!
前代 iPhone 6s 系列、iPhone SE 大減價,最多劈 $1700 入手是時候?
AOS、iReserve 同時開放?iPhone 7 Plus 亮黑色 必搶攻略
小心!iPhone 7 亮黑色大陸大把貨?第一批機 放貨要快手?
版主醒你特別版「 IR」!開賣前五步登記提前搶 iPhone 7​

iPhone 7 係文章刊登時,賣價分別為 $5588 (32GB)、$6388 (128GB)  和 $7188 (256GB)。按這裡有更詳細規格
iPhone 7 Plus 係文章刊登時,賣價分別為 $6588 (32GB)、$7388 (128GB)  以及 $8288 (256GB)。按這裡有更詳細規格
 
廣告