iPhone 15 Pro Max 開箱
先來個開箱！iPhone 15 Pro Max 今次都係用咗同前幾代相似嘅「環保」包裝設計，盒嘅背面加入咗透過紫外線光照射先見到嘅 QR Code，透過掃描 QR Code，可以確認係咪同盒裝標示嘅手機序號相同，避免消費者到來歷不明嘅組裝機。包裝盒入面有一條 USB 2.0 規格嘅 Type-C to Type-C 充電線，就算今次 Pro 系列已經支援 USB 3.0，如果你想做到高速傳輸，都係要額外買條支持 USB 3.0 嘅 Type C 線，變相係需要洗多啲錢。
▲ 手機 + 包裝盒。
▲ 包裝盒正面係咁。
▲ 強調環保包裝設計，而且為咗防偽，仲喺盒子背面嘅右上同右下方，加入咗用紫外線燈照射先會出現嘅防偽 QR code，可以用嚟對照係咪同盒裝上嘅序號相同。
▲今次我哋開箱嘅係鈦金屬原色嘅 iPhone 15 Pro Max。見到網路上對於呢隻新色嘅評價褒貶不一，有人覺得佢睇落太似一般家電嘅無聊配色，亦有人覺得佢呢種銀灰色嘅金屬光澤睇落好有科技感，唔知各位對呢隻配色嘅睇法又係點呢？
▲因為今次 iPhone 15 系列都更換成 Type-C 接口，盒裝內附嘅傳輸線亦因此更換成為 Type-C 規格。
▲第一次攞到 iPhone 15 Pro Max 嘅時候，相當令人滿意，「明明係金屬邊框，卻帶來溫潤手感」，一方面今次邊框拎起嚟唔似上一代咁刮手；另一方面則係因為機身比上一代細咗少少，而且重量大幅減輕了 19g。
▲ 左邊嘅 iPhone 15 Pro Max 機身尺寸係 159.9 x 76.7 x 8.3mm，重量有221g。右邊嘅 iPhone 14 Pro Max 則係 160.7 x 77.6 x 7.9mm，重量就有240g。睇正面就可以睇到 iPhone 15 Pro Max 嘅螢幕邊框窄咗好多，保持相同螢幕尺寸嘅情況下，機身變細咗啲，仲有視覺同手感上都有明顯嘅提升！
▲兩款手機的按鍵配置大致上都相同，最大差異就係過往調撥式的靜音鍵，今次改成一個多功能鍵按壓鍵。
▲頂部都冇任何按鍵或孔洞，睇呢張相都可以睇到兩部手機喺金屬邊框嘅設計差異。iPhone 15 Pro Max嘅邊框相對圓潤，而上一代嘅邊框就比較方正同比較刮手。
▲底部嘅配置包括麥克風、Type-C充電傳輸插槽同喇叭。兩款手機都支援 IP68 防水防塵同無線充電。不過，新嘅 iPhone 15 Pro Max 更加咗一個反向充電嘅功能，你可以透過傳輸線嚟幫助 Type-C 版本嘅 AirPods Pro 充電。
▲靜音鍵改成多功能鍵，都係 iPhone 15 Pro 系列今次嘅一項改變，從調撥方式變成長按的方式來切換靜音模式。
▲呢個多功能鍵仲可以設定成其他功能，例如快速打開相機、開啟手電筒、調整專注模式，甚至可以自訂捷徑功能。咁就可以將傳統嘅單一靜音功能鍵轉變成更加個人化嘅快速功能鍵。
iPhone 15 Pro Max、iPhone 14 Pro Max 性能比拼
雖然而家嘅處理器性能已經非常強大，超過大部分人嘅使用需求，但係人哋買最新旗艦手機都會期待有明顯嘅性能提升，特別係今次 iPhone 15 Pro 系列使用嘅全球首款 3nm 製程嘅 A17 Pro 晶片，大家對佢嘅期待值自然都好高。可惜嘅係，我地實際跑咗安兔兔、3Dmark 同埋 Geekbench，發現測試結果好似冇預期嘅大幅度提升。以安兔兔嚟講，我哋手上嘅 iPhone 14 Pro Max 喺升級 iOS 17 之前曾經跑出過1444491分，升級第一版 iOS 17 嗰陣都有跑出過1437714分，但之後升級最新嘅 iOS 17.0.1 之後，測到嘅分數只剩 1370471 分。而最新軟件版本 iOS 17.0.2 嘅 iPhone 15 Pro Max 跑出1431236 嘅成績，雖然得到比前一代高嘅分數，但都冇帶嚟太大嘅驚喜效能表現。
另外，兩款手機喺高強度使用嘅時候，都會有明顯升溫嘅情況，例如跑分同玩大型 3D 遊戲，特別係機背鏡頭嘅右側位置同邊框都可以感覺到溫度上升。而我哋喺測試 15 Pro Max 嘅過程中，當我哋喺戶外拍攝嘅時候，都有出現過升溫嘅情況，雖然感覺唔似跑分嗰陣咁嚴重，而且套個保護殼嘅話就冇咁明顯，但仍然希望後續嘅更新可以改善升溫情況。
不過，我哋都要提醒大家，iPhone 15 Pro Max 同 14 Pro Max 嘅性能表現仍然係智能手機當中嘅頂尖存在，只係要講返 iPhone 15 Pro Max 系列嘅 A17 Pro 喺而家嘅表現可能冇我哋預期咁好，但我哋相信 A17 Pro 未來仲有好大嘅潛力未發揮哂出嚟。
▲iPhone 15 Pro Max （左）與 14 Pro Max （右）測試跑分的時候，都已經升級成各自的最新版本（9月22日）。
 |
 |
 |
 |
 |
 |
iPhone 15 Pro Max 續航
續航方面，我哋都用相同方法去測試 iPhone 15 Pro Max 以及 iPhone 14 Pro Max，就係連續播放線上串流影片。我哋將兩部手機嘅亮度同音量調到 50% 左右，然後喺 Wi-Fi 嘅環境下連續播放高清嘅 YouTube 影片一個鐘頭，再以耗電量嘅方式計算出滿電狀態下可以持續播放嘅時間。實際測試結果係，iPhone 15 Pro Max 可以連續播放 20 個鐘頭高畫質串流影片，而 iPhone 14 Pro Max 就只有 16.67 個鐘頭。睇嚟新嘅處理器製程對於續航有幫助，畢竟根據而家嘅電池規格，iPhone 15 Pro Max 嘅電池容量係 4422mAh，上一代嘅則係 4323mAh，提升咗 99mAh 唔算多，但實際測試出嚟嘅續航差距就比較明顯。
▲我哋以 Wi-Fi 連網方式連續播放 youtube 高畫質影片進行續航力測試，而呢兩款手機嘅電池健康度都係 100%，兩部手機上所安裝嘅 App 亦都係一樣。測試結果 iPhone 15 Pro Max 從 67% 掉到 62%，即跌咗 5%，而 iPhone 14 Pro Max 則從 42% 降到 36%，即跌咗 6%。
