主題: 八核中港 4G 機!華為 Honor 6 Plus 定價三千鬥 A7 + Desire 826

ePrice HK
  • 發表時間:2015-04-27 20:05 收錄檢舉
    繼早兩個星期係英國發佈左新一代的旗艦手機後,華為係香港都有新機發佈,講緊嘅就係之前版主 Eddie 都預告過的 Honor 6 Plus 啦!雖然大陸早係上年 12 月已經發佈,而水貨高配版 Honor 6 Plus 大家都可以輕易買到,不過對於佢能夠玩到 Cat6. LTE 同埋五模十六頻中港 4G 又有雙 800 萬像素鏡頭,不少網友都對呢部機頗有期待。今日華為就公佈左 Honor6 Plus 的正式賣價啦!想知的朋友快留意下文啦。

    打 iPhone! 5.5 吋大芒華為 Honor 6 Plus 二千五有找
     

    華為 Honor 6 Plus 發佈!5.5 吋芒 + 中港 4G 雙卡同埋大電量,定價不過係三千蚊!

    呢部 Honor 6 Plus 有咩賣點相信唔少網友都已經相當熟悉,除左剛剛所提到的支援五模十六頻中港 4G 同埋雙卡雙待之外, 5.5 吋 FHD 大芒亦是賣點之一。另外, Honor 6 Plus 所用的自家研製 Hisilcon 麒麟 925 1.8GHz + 1.3 雙四核配上 3GB RAM 亦係 Mate 7 金色加強版所用上的規格。相機方面,前後鏡頭都用上 800 萬像素固然係賣點,但對不少經常往來中港兩地的朋友來講, Honor 6 Plus 的 3600mAh 大電量無疑係更吸引啊!至於開賣詳情方面, 4 月 29 日起大家就可以從香港 HUAWEI 網上商店買到啦! Honor 6 Plus 有黑、白同埋金色三種顏色可以選擇,而賣價方面就係 $3080 。呢個價位不知大家又點睇呢?

    平價玩 Cat.6 上網、中港4G!華為 Honor 6 Plus 月底香港有!
    ▲ 有意入手 Honor 6 Plus 的朋友, 4 月 29 號就可以係 華為 Vmall 到買到啦,而 5 月頭 3 香港亦都會發售。
     

    Honor 6 Plus 拼大屏幕 FHD + 中港雙卡 4G 機! 魅族、 Samsung 、HTC 你點揀?

    目前來講,有齊 5.5 吋 FHD 大芒,中港 4G 兼支援雙卡的手機主要有幾部,近來推出的就有大家都好熟悉的 HTC Desire 826 。而以輕薄外型加上金屬機身作為主打的 Samsung Galaxy A7 除左有 5.5 吋 AMOLED 屏幕之外其實都可以用到中港 4G 同埋雙卡啊!另一邊廂國產品牌魅族的 MX4 可能係同類型手機之中較為平價的選擇。雖然支援頻段少啲(五模十三頻)屏幕都細啲( 5.36 吋 IPS) ,但係勝在有兩千萬像素鏡頭同埋行貨目前只係兩千幾蚊就有交易!唔知以上幾部機之中網友們又會點揀呢?一齊留言講講意見啦!icon

    八核中港 4G!  華為 Honor 6 Plus 定價三千鬥 A7、Desire 826
     

    華為 Honor 6 Plus、 Honor 4X 開賣資料

    千三蚊! 4G 雙卡 + 5.5 吋芒! 華為 Honor 4X 挑機 Zenfone 2
    八核中港 4G 機!華為 Honor 6 Plus 定價三千鬥 A7 + Desire 826
    限時快搶呀喂!華為 Honor 6 Plus 半價優惠賣 $1,500 !

    在文章發佈的時侯,華為 Honor 6 Plus 定價 $3080 ,按此看詳細規格和最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁