千三蚊玩盡 4G 雙卡＋八核 2GB RAM ！Honor 4X 定價 $ 1280
當華為的 Honor 4X 係 12 月於北京發佈的時候，版主都提過佢以打通全中港所有 3G 、 4G 作為賣點，來到香港係呢方面當然有所調整。係香港推出的 Honor 4X 雖然都有雙卡雙待功能，不過就缺少左對大陸的 3G 、 4G 支援。雖然呢方面比不上大陸版的 Honor 4X ，但就規格來講，其實本身 Honor 4X 都有一定的吸引力，一方面用上左 5.5 吋 IPS 1280 x 720 解像度屏幕。係處理器方面 Honor 4X 其實亦都用左八核的 HiSilicon Kirin 620 1.2GHz 配上 2GB RAM ，以千元機來講算係不俗的配備，可惜內置容量只得 8GB ROM ，雖然支援最大 32GB 插卡但可能對不少朋友來講都未必夠用，呢點就可能係 Honor 4X 主要弱點。係相機方面， Honor 4X 都用上左 1300 萬像素兼有 28mm 廣角而前鏡都有 22mm 廣角的 500 萬像素前鏡。係電池方面就有 3000mAh 電量同埋預載 Andorid 4.4 系統。分享完規格之後就到開賣資料啦！雖然定價已經公佈，不過推出的確切時間就要到 5 月頭先有，Honor 4X 定價就係港幣 $1280 ，市場上又多一部千元價位手機可以選擇啦！
▲ 同場華為其實不止發佈左 Honor 6 Plus 同埋 Honor 4X ，呢部版主虎仔提過的華為 Honor 4C 亦都會登陸香港。除左屏幕較 Honor 4X 細半吋外，雖然有雙卡但係就唔支援 4G ，其餘硬件規格同 Honor 4X 基本相同，而定價就只需 $1080 。
千元價位大對決！魅藍 note 、 Zenfone 2 ＋ 小米 4i VS Honor 4X 邊部最啱心水？
以千元價位機來講，其實 5.5 吋兼有 2GB RAM 的手機都有不少，而且亦得到不少網友的支持。不能不提的就係可能係 2015 上半年最具性價比的魅族 魅藍 note （ m1 note ）啦，屏幕有 5.5 吋兼且 FHD 解像度，處理器亦係 MTK 八核同 2GB RAM 。同時間 Asus 的 Zenfone 2 都受到不少朋友的追捧，除左賣斷市的 4GB RAM 64GB ROM 最高版本之外， Zenfone 2 同時亦有 5.5 吋屏幕 720p 解像度版本，不過處理器就係四核 Intel Atom Z3560 1.8 GHz 同 2GB RAM 。除左兩部已開賣的手機之外，小米剛發佈的小米 4i 亦係重要的對手。唔知呢幾部千元機邊款先係大家的心水呢？睇完以下的比較圖表後都講講意見啦！
華為 Honor 6 Plus、 Honor 4X 開賣資料
千三蚊! 4G 雙卡 + 5.5 吋芒! 華為 Honor 4X 挑機 Zenfone 2八核中港 4G 機！華為 Honor 6 Plus 定價三千鬥 A7 ＋ Desire 826
限時快搶呀喂！華為 Honor 6 Plus 半價優惠賣 $1,500 ！
在文章發佈的時侯，華為 Honor 6 Plus 定價 $3080 ，按此看詳細規格和最新賣價。
在文章發佈的時侯，華為 Honor 4C 定價為 $1080，按此看詳細規格與最新賣價。
在文章發佈的時侯，華為 Honor 4X 定價為 $1280，按此看詳細規格與最新賣價。