主題:平價 Mate S? G7 Plus 外型 + 屏幕 + 跑分 + 功能上手試!

ePrice HK
  • 發表時間:2015-10-29 19:32 收錄檢舉
    今年十月有好多發佈會,不同的廠商都相繼推出左不少新機,例如 V10、Mate S 等等,款款新機各具特色。月初嘅時候 Huawei 推出左一部功能強大的智能手機 Mate S。當時 Mate S 只有 64GB 一個版本,其售價為 HK $4888。呢個時候就民意四起,覺得呢個價錢買部大陸品牌嘅機,實是不值! 唔知係咪了解到大眾的訴求,Huawei 今日再次推出了一款 G 系列的全新中階手機 - G7 Plus,亦是 G7 的升級版。呢部機嘅售價為 HK $2980,三千有找,唔知呢個價錢大家又覺得值唔值呢? 版主而家就同大家介紹一下呢部 G7 Plus,並即場為大家做個簡單的測試。

     平價 Mate S? G7 Plus 外型 + 屏幕 + 跑分 + 功能上手試!




    有「Mate 7」嘅 feel? G7 Plus 外型大解構
    首先同大家介紹一下呢部 G7 Plus 的外型。外型方面,G7 Plus 採用了一體式的金屬設計,機身尺吋為 152.5 x 76.5 x 7.5 mm,重量大約為 167g,唔算太重,並配備左 5.5 吋 FHD 2.5D IPS 曲面屏幕,能夠準確顯示 85% 的色彩飽和度。加上呢部 G7 Plus 採用左特殊嘅陶瓷噴砂工藝,令金屬表面嘅顆粒感同佢嘅細膩程度達到平衡,所以拎上手嘅時候唔會滑手之餘,手感亦都唔錯。

    平價 Mate S? G7 Plus 外型 + 屏幕 + 跑分 + 功能上手試!
    ▲ G7 Plus 採用了一體式的金屬設計,配備了 5.5 吋全高清 2.5D 曲面屏幕,前方仲見到有個 500 萬像素的前置鏡頭。

    從正面來看,版主覺得呢部 G7 Plus 個感覺同 G7 好唔同,如果真係要講呢部 G7 Plus 似邊部機呢,版主反而覺得部 G7 Plus 有點似 Mate 7。點解呢? 雖然佢同 G7 一樣係配備左 5.5 吋屏幕,不過你會發現,G7 嘅 「Huawei」字樣係在屏幕之上,而 G7 Plus 將呢個「Huawei」字樣搬左去屏幕下面,呢點同 Mate 7 是有點相似的。另外,G7 Plus 同 Mate 7 一樣嘅地方係,佢嘅前置鏡頭同 Sensor 都係放左係機身正面的左上角,而睇番 G 系列嘅上一代產品 G7,佢嘅前置鏡頭係在機的右上方,而 Sensor 就在機的左上方,從呢點都可以見到 G7 Plus 同 Mate 7 的相似之處,同 G7 的不同地方。

    平價 Mate S? G7 Plus 外型 + 屏幕 + 跑分 + 功能上手試!  平價 Mate S? G7 Plus 外型 + 屏幕 + 跑分 + 功能上手試!  平價 Mate S? G7 Plus 外型 + 屏幕 + 跑分 + 功能上手試!
    ▲ 除左 Mate 7 擁有 6 吋芒而 G7 Plus 擁有 5.5 吋芒之外,版主覺得整體上 G7 Plus 嘅正面同 Mate 7 相似。

    從背面來看,更加突出左 G7 Plus 同 Mate 7 的相似。G7 Plus 內置了第二代指紋感應鍵,呢個功能係以前 G7 無嘅,廠商聲稱能夠 0.5 秒就可以做到快速解鎖,咁到底係咪真係咁快? 版主試過速度是可以的。另外,G7 Plus 嘅背後設有一個 1300 萬像素的主鏡頭,並且配有閃光燈。而下方部分你會見到 Huawei 嘅 Logo,真係而家睇番張相,比較番自己部 Mate 7,真係覺得兩部機直頭好似兩兄弟咁,連按鍵嘅位置都幾乎一模一樣。

    平價 Mate S? G7 Plus 外型 + 屏幕 + 跑分 + 功能上手試!
    ▲ G7 Plus 機背圖,配備左指紋解鎖器、閃光燈以及主鏡頭。

    平價 Mate S? G7 Plus 外型 + 屏幕 + 跑分 + 功能上手試!
    ▲ 主鏡頭方面有 1300 萬像素,同 G7 一樣,並無升級,不過拍攝上 G7 Plus 新增左不少功能。

    平價 Mate S? G7 Plus 外型 + 屏幕 + 跑分 + 功能上手試!
    ▲ G7 Plus 的左邊有音量鍵以及開關鍵。

    平價 Mate S? G7 Plus 外型 + 屏幕 + 跑分 + 功能上手試!
    ▲ 而機的右邊有 Nano Sim 雙卡槽以及 MicroSD 卡槽,不過 MicroSD 卡槽唔可以同時插入 MicroSD 卡同埋 SIM 卡,一次只能容納一張卡。另外,雖然 G7 Plus 支持雙卡雙待功能,但同一時間只有其中一個 SIM 卡槽可支援 4G 網絡。

    平價 Mate S? G7 Plus 外型 + 屏幕 + 跑分 + 功能上手試!
    ▲ 機的底部有雙喇叭以及 MicroUSB 槽。

    平價 Mate S? G7 Plus 外型 + 屏幕 + 跑分 + 功能上手試!
    ▲ 而機的頂部則有 3.5 mm 耳機孔。

    G7 Plus 跑分測試
    規格方面,G7 Plus 採用了比較新款的 Qualcomm Snapdragon 616 64 位元八核心處理器,配備了 3GB RAM 以及 32GB ROM,能夠支援最高 128GB  microSD 卡擴充,並將會運行 Android 5.1 以及 EMUI 3.1 系統。咁到底配備呢種處理器,跑分上會係點呢? 版主用左一系列嘅跑分測試去為呢部 G7 Plus 進行測試,而在 64 位元的模式下,G7 Plus 的跑分為 37434 分,以一部中階機黎講水準算係差不多,不過俾唔到版主驚喜。

    平價 Mate S? G7 Plus 外型 + 屏幕 + 跑分 + 功能上手試!  平價 Mate S? G7 Plus 外型 + 屏幕 + 跑分 + 功能上手試!  平價 Mate S? G7 Plus 外型 + 屏幕 + 跑分 + 功能上手試!
    ▲ Huawei G7 Plus 用上 S616 處理器,AnTuTu 跑分為 37434 分,排行方面比 Samsung Galaxy Note 4 低。內存方面,G7 Plus 配備了 3GB RAM 以及 32GB ROM,對於版主黎講勉強還算夠用。

    平價 Mate S? G7 Plus 外型 + 屏幕 + 跑分 + 功能上手試!
    ▲ Basemark ES 2.0 用來測試手機運作 3D 遊戲嘅效能,版主第一次測出 38.06 分的成績,測完出黎都唔係咁相信,特地再測試多一次,點知成績仲低左少少,最後得分為 37.66 分。得分 37.66 代表打 3D 遊戲流暢度一般,3D 效果可能會差少少。

    平價 Mate S? G7 Plus 外型 + 屏幕 + 跑分 + 功能上手試!  平價 Mate S? G7 Plus 外型 + 屏幕 + 跑分 + 功能上手試!  平價 Mate S? G7 Plus 外型 + 屏幕 + 跑分 + 功能上手試!
    ▲ Vellamo 跑分分為Chrome 瀏覽器、多核與金屬。Chorme 瀏覽器代表用 Chorme 上網嘅流暢度。G7 Plus 的 分數有 1751 分,成績不算太高,僅比 Samsung Galaxy Nexus 高 5 百多分,但比 Lenovo A7000 慢,代表用Chrome 上網感覺一般,並不太流暢。而多核、金屬用來測試手機整體效能。多核是多核心 CPU 運作情況,G7 Plus 分數同樣都是比較一般,跟 LGE Nexus 5 成績差不多。

    屏幕大比拼:Huawei G7 Plus VS HTC M9+
    咁睇完佢嘅跑分,感覺真係一部好一般嘅中階機,感覺上無咩特別。不過版主都為呢部 G7 Plus 做個簡單嘅屏幕比拼,無奈地版主手上只有 HTC M9+,不過都仲有得比下嘅。今次同之前不同嘅地方係,之前版主做 V10 嘅時候係各自喺 V10 同 Note 5 上揀一張一模一樣嘅相黎做比較,而今次版主我直接就用呢部 G7 Plus 去影一張 Model 嘅相,然後用藍芽傳送去 HTC M9+,再將兩部機的亮度較到最亮,以方便做屏幕嘅比較,順便俾大家睇下呢部 Huawei G7 Plus 影出黎嘅相質素如何。

    平價 Mate S? G7 Plus 外型 + 屏幕 + 跑分 + 功能上手試!
    ▲ 各位觀眾,Model 登場! 版主就用左邊呢部 G7 Plus 去影低 Model 自拍嘅樣,然後用 bluetooth 將張相傳到 M9+ 度,咁大家可以見到,G7 Plus 的屏幕顏色有點偏黃,而 M9+ 的屏幕顯示較光亮,顯示出黎嘅白色亦都出得更白。

    平價 Mate S? G7 Plus 外型 + 屏幕 + 跑分 + 功能上手試!
    ▲ 如果側少少望落去,會見到 G7 Plus 開始有少少白左,啲顏色開始變淡,但都仲睇到。而 M9+ 的畫面依然清晰。

    平價 Mate S? G7 Plus 外型 + 屏幕 + 跑分 + 功能上手試!
    ▲ 版主再側啲影落去,其實發覺呢兩部機的畫面都仲係清楚,唯一不同之處係,一開始就 M9+ 屏幕光過 G7 Plus,但而家就黎個大逆轉,G7 Plus 的屏幕變得比 M9+ 更光。

    平價 Mate S? G7 Plus 外型 + 屏幕 + 跑分 + 功能上手試!
    ▲ 我地再用 Google 嘅畫面,比較一下呢兩部機的屏幕。我地可以見到結果同頭先 Model 果陣一樣,G7 Plus 顏色比較淡黃,而 M9+ 所顯示嘅白就相對白啲。

    平價 Mate S? G7 Plus 外型 + 屏幕 + 跑分 + 功能上手試!
    ▲ 側啲睇,M9+ 開始有少許變暗,顏色上亦淡左,而 G7 Plus 就變得更黃。

    平價 Mate S? G7 Plus 外型 + 屏幕 + 跑分 + 功能上手試!
    ▲ 再側啲黎影,兩部機嘅亮度變得差不多,G7 Plus 有少許偏色現象,但不算明顯,但屏幕顏色上來看,G7 Plus 始終比 M9+ 黃。

    拍照效果:「化妝」功能 + 美食效果
    雖然話就話版主對於呢部 G7 Plus 無咩興趣,不過呢部 G7 Plus 最大的賣點係佢新增的拍攝功能。頭先都同大家提及過, G7 Plus 採用左 1300 萬像素主鏡頭,並且配備 F/2.0 大光圈、RGBW 四色傳感器、1.2 度 OIS 光學防手震、雙色柔光燈等配件。而拍攝模式方面,為左配合「相機食先」呢個香港文化,G7 Plus 新增左「美食」模式,透過美食模式能夠增強食物的對比度。以下就有一啲相俾大家睇下同普通模式有咩分別:

    平價 Mate S? G7 Plus 外型 + 屏幕 + 跑分 + 功能上手試!  平價 Mate S? G7 Plus 外型 + 屏幕 + 跑分 + 功能上手試!
    ▲ 左圖為普通模式,右圖為美食模式。

    平價 Mate S? G7 Plus 外型 + 屏幕 + 跑分 + 功能上手試!  平價 Mate S? G7 Plus 外型 + 屏幕 + 跑分 + 功能上手試!
    ▲ 左圖為普通模式,右圖為美食模式。

    平價 Mate S? G7 Plus 外型 + 屏幕 + 跑分 + 功能上手試!  平價 Mate S? G7 Plus 外型 + 屏幕 + 跑分 + 功能上手試!
    ▲ 左圖為普通模式,右圖為美食模式。

    真係望見啲相都覺得肚餓......唔知大家覺得美食模式影出黎係咪真係靚啲,啲顏色對比明顯啲呢? 除左美食模式,G7 Plus 亦新增左「化妝」模式,特別適合中意自拍嘅女士(不過就算你係男都得嘅,如果你想「化妝」的話)。咁版主都想俾大家睇下到底有啲咩野化妝嘅效果,咁版主就請 Model 幫手影左幾張相,俾大家睇下唔同嘅化妝效果。

    平價 Mate S? G7 Plus 外型 + 屏幕 + 跑分 + 功能上手試!  平價 Mate S? G7 Plus 外型 + 屏幕 + 跑分 + 功能上手試! 
    ▲ 咁就好似左邊張圖咁啦,你可以見到有一個叫做化妝嘅模式,內有好多唔同嘅效果俾你選擇,例如「可愛」、「甜美」、「粉紅」、「自然」等等。版主試過,有啲效果直澄可以幫你加上假眼睫毛,實在是太誇張了。而右圖則是選擇了「裸妝」。

    平價 Mate S? G7 Plus 外型 + 屏幕 + 跑分 + 功能上手試!  平價 Mate S? G7 Plus 外型 + 屏幕 + 跑分 + 功能上手試!  平價 Mate S? G7 Plus 外型 + 屏幕 + 跑分 + 功能上手試!  平價 Mate S? G7 Plus 外型 + 屏幕 + 跑分 + 功能上手試!
    ▲ 俾幾個唔同嘅效果大家睇下,睇下你地睇唔睇得出有咩分別!

    小結
    總結來說,呢部 G7 Plus 在性能、跑分方面未能帶給版主一個驚喜,但以一部中階智能手機來說,仍算是正常的結果。呢部 G7 Plus 與上一代不同之處,除了是按鍵的位置變了之外,另外還新增了 2.5D 屏幕、指紋辨識功能以及「美食」、「化妝」的拍攝模式,當中「化妝」模式其實都算幾好玩,如果以一個男仔用化妝模式影相,應該會相當好笑。不過從呢部 G7 Plus 的功能來看,感覺上 Huawei 開始想進攻女性的市場。呢部 G7 Plus 即日起於各大零售商及香港 Huawei 網上商店發售,有灰、銀、金三隻色俾你揀,建議零售價為 HK $2980。唔知大家覺得呢個價錢又啱唔啱大家心水呢?

    在文章刊登時,G7 Plus 的定價為 HK $2980,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • 華為 G7 Plus
    • 現時售價: 已下市
    • 尺寸: 152.5 x 76.5 x 7.5 mm / 167 g
    • 電池: 3000 mAh
    • 插卡: microSD
    • 螢幕: 1920 x 1080、 5.5 吋 IPS TFT
    • 相機: 1300 萬像素CMOS
    • 顏色: 灰/銀/金
    • 時間: 通話 324 分鐘 / 待機 300 小時
    • 上市: 2015-10-29
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔