主題:迎接 Mate 20!華為 Mate 系旗艦 劈價 $2100,買佢定等新機?

ePrice HK
  • 發表時間:2018-10-03 20:55 收錄檢舉
    仲有一星期左右,華為 Mate 20 系列就會在英國倫敦發表,原本版主都有點期待,因為本來 Mate 20 傳係有四鏡頭,而玩過 P20 Pro 三鏡頭,體驗過佢影相有幾勁之後,家陣話出到四鏡頭,我係好想試架。點知,最新消息指出,原來 Mate 20 並沒有四鏡頭,而係同 P20 Pro 一樣,都只係有三鏡頭。如果係咁,聽落期待值會降低咗。無四鏡頭,網友會唔會失望呢?不過點都好,新機將至,舊機就開始減價清貨,呢個價你會即出,抑或等 Mate 20 呢?

    迎接 Mate 20!華為 Mate 系旗艦 劈價 $2100,買佢定等新機?

    唔使問阿貴,而家大舖尚有賣的 Mate 系旗艦,係 Mate 10 / Mate 10 Pro,最近留意到大舖出現了新低價,當中的 Mate 10 最新賣價為 $3780,相比之前個價低多 $200,而 Mate 10 Pro 最新賣價則為 $4680,相比之前個價再平 $400。嫌大舖價貴,可以俾埋細舖價大家參考一下:版主問過相熟細舖,Mate 10 現時行貨最新賣價為 $3180,而 Mate 10 Pro 則賣 $4280。呢個價買 Mate 10 系列,係咪值得呢?唔介意大陸機同埋用 Kirin U 的話,個人覺得本身華為並不是太差,一般使用基本上完全無問題。

    迎接 Mate 20!華為 Mate 系旗艦 劈價 $2100,買佢定等新機?

    迎接 Mate 20!華為 Mate 系旗艦 劈價 $2100,買佢定等新機?

    華為 Mate 10 同 Mate 10 Pro 最明顯的不同,就是前者用上 16:9 2K 芒,而後者則用上 18:9 1080p 屏幕,Mate 10 Pro 拎上手的感覺,會修身一點,好揸一點。規格部份,Mate 10 同 Mate 10 Pro 同樣用上 Kirin 970 處理器,Mate 10 內置 4GB RAM 以及 64GB ROM,而 Mate 10 Pro 則內置 6GB RAM + 128GB ROM。電量部份,兩部手機都是內置 4000mAh 電池。至於相機部份,兩部相機用嘅鏡頭都係一樣,採用 1200 萬像素彩色 + 1200 萬像素黑白 Leica 雙鏡頭組合,兩個鏡頭都係 F1.6 大光圈,並具有 AI 功能。

    華為 Mate 10 在文章發表時,大舖賣價為 $3780,按這裡有詳細規格及最新賣價
    華為 Mate 10 Pro 在文章發表時,大舖賣價為 $4680,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁